ព្រឹត្តិការណ៍ - នយោបាយ ព្រឹត្តិការណ៍

11/02/2026 - 16:09

សកម្មឃោសនាការបោះឆ្នោតជ្រើសតាំងតំណាងរដ្ឋសភា និងក្រុមប្រឹក្សាប្រជាជនគ្រប់លំដាប់ថ្នាក់

ការបោះឆ្នោតជ្រើសតាំងតំណាងរដ្ឋសភា នីតិកាលទី១៦ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២៦- ២០៣១ គឺជាព្រឹត្តិការណ៍នយោបាយដ៏សំខាន់របស់ប្រទេសជាតិ។ ជាមួយស្មារតីនោះ ឃុំនានានៅលើភូមិឋានទីក្រុងកឹងធើ បានម្ចាស់ការផ្សព្វផ្សាយអនុវត្តនូវដំណោះស្រាយជាច្រើននិងផ្តោតលើការឃោសនា ធានាការបោះឆ្នោតប្រកបដោយប្រជាធិបតេយ្យ តម្លាភាពនិងស្របតាមច្បាប់។

គណៈកម្មាធិការបោះឆ្នោតឃុំវិញហាយ ទីក្រុងកឹងធើ ធ្វើសន្និសីទកាសែតរបាយការណ៍អំពីដំណើរការអនុវត្តការងារបោះឆ្នោតតំណាងរដ្ឋសភា នីតិកាលទី១៦ និងតំណាងក្រុមប្រឹក្សាប្រជាជនគ្រប់លំដាប់ថ្នាក់។

ដើម្បីអនុវត្តល្អការងារឃោសនាបោះឆ្នោតនេះ ជំហានដំបូង គណៈកម្មាធិការបក្ស រដ្ឋអំណាចឃុំវិញហាយ បានកសាងផែនការផ្សព្វផ្សាយ បែងចែកភារកិច្ចជាក់ស្តែងដល់អង្គការនីមួយៗ និងធានាផ្ដល់ព័ត៌មានទាន់ពេលដល់ប្រជាជន។ យោងតាមលេខាគណៈកម្មាធិការបក្ស ប្រធានក្រុមប្រឹក្សាប្រជាជនឃុំវិញហាយ ថាច់ថាញទុង ដើម្បីរៀបចំបានល្អសម្រាប់ការបោះឆ្នោតនៅពេលខាងមុខ ឃុំបានផ្សព្វផ្សាយអនុវត្តនូវដំណោះស្រាយជាច្រើនក្នុងការឃោសនា ដូច៖ តាមរយៈប្រជុំជីវភាពសាខាបក្ស កិច្ចប្រជុំប្រជាជន កងជួរកម្មាភិបាលមូលដ្ឋាន អ្នកមានប្រជាប្រិយធ្វើការឃោសនាផ្ទាល់ ពន្យល់វែកញែកដើម្បីមាមីងយល់ច្បាស់អំពីអត្ថន័យនៃការបោះឆ្នោត សិទ្ធិនិងកាតព្វកិច្ចរបស់ម្ចាស់ឆ្នោត ក៏ដូចជាតួនាទីរបស់ពលរដ្ឋម្នាក់ៗចំពោះ “ថ្ងៃបុណ្យធំរបស់ប្រជាជនគ្រប់រូប”។ បងត្រឹងកុង ប្រជាជននៅភូមិភាគ ចែករំលែក៖ ប៉ុន្មានថ្ងៃនេះ បានកម្មាភិបាលឃុំឃោសនាសេចក្តីកំណត់ស្តីពីការបោះឆ្នោត បានជួយឱ្យយើងខ្ញុំយល់ច្បាស់អំពីអត្ថន័យនិងតួនាទីរបស់ពលរដ្ឋម្នាក់ៗ។ ហេតុដូច្នេះ រយៈពេលខាងមុខខ្ញុំនិងគ្រួសារនឹងរៀបចំពេលវេលាទៅបោះឆ្នោតដើម្បីជ្រើសរើសអ្នកមានសមត្ថភាព អស់ពីចិត្តនឹងការងារ និងតំណាងឱ្យឆន្ទៈរបស់ប្រជាជន”។ ទន្ទឹមនឹងរូបភាពឃោសនាតាមបែបប្រពៃណី ឃុំនៅទាំងជំរុញការអនុវត្តព័ត៌មានវិទ្យា ផ្សព្វផ្សាយលើបណ្តាញសង្គម ដូច៖ Zalo, Facebook, លើទំព័រនិងមាតិកាព័ត៌មាននានារបស់ឃុំជាដើម។

យុទ្ធនាការឃោសនាបោះឆ្នោតជ្រើសតាំងតំណាងរដ្ឋសភា នីតិកាលទី ១៦ និងក្រុមប្រឹក្សាប្រជាជនគ្រប់លំដាប់ថ្នាក់របស់ឃុំតឹងហ្វា ទីក្រុងកឹងធើ។

ដូចឃុំវិញហាយដែរ ប៉ុន្មានថ្ងៃនេះ គណៈកម្មាធិការប្រជាជនឃុំតឹងហ្វា ក៏សកម្មក្នុងការឃោសនានិងផ្សាព្វផ្សាយយ៉ាងពេញទំហឹង។ សរសេរដំណឹងនិងអត្ថបទផ្សព្វផ្សាយលើប្រព័ន្ធផ្សាយសំឡេងឃុំ។ ចុះផ្សាយលើប្រព័ន្ធនានា ដូច៖ Facebook ទ្វារអេឡិចត្រូនិករបស់ឃុំ។ ពិសេស រៀបចំយុទ្ធនាការឃោសនាបោះឆ្នោតជ្រើសតាំងតំណាងរដ្ឋសភា នីតិកាលទី១៦ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២៦ - ២០៣១។ តាមរយៈនោះ ធ្វើឱ្យសាយភាយព័ត៌មានផ្លូវការ និងរួមចំណែកលើកកម្ពស់ការយល់ដឹងរបស់ប្រជាជនអំពីការបោះឆ្នោត។ ទន្ទឹមនឹងនោះ ឃុំបានម្ចាស់ការផ្សព្វផ្សាយនូវជំហានរៀបចំការបោះឆ្នោត ធានាត្រូវតាមបទប្បញ្ញត្តិ និងពេលវេលាកំណត់។ សមមិត្ត ង្វៀងវុាំងបាំង អនុលេខាប្រចាំការនៃគណៈកម្មាធិការបក្ស ប្រធានក្រុមប្រឹក្សាប្រជាជនឃុំតឹងហ្វា ផ្តល់ព័ត៌មាន៖ “ទូទាំងឃុំបានចែកអង្គភាពបោះឆ្នោតចំនួន ៨ ដោយធានាគោលការណ៍ “ចំនួនប្រជាជនប្រហាក់ប្រហែល ភូមិសាស្ត្រជាប់គ្នា ងាយស្រួលទៅមក” សរុបមាន ៣២ឃុំ ជាមួយនឹងប្រជាជនជិត ៥២.០០០នាក់; ដោយគម្រោងជ្រើសតាំងតំណាងក្រុមប្រឹក្សាប្រជាជនឃុំចំនួន ២៥រូប ក្នុងនោះមាន ៧ អង្គភាពបោះឆ្នោតជ្រើស ៣រូប ដោយឡែកអង្គភាពលេខ ៨ បោះឆ្នោតជ្រើស ៤រូប សំដៅឆ្លុះបញ្ចាំងយ៉ាងត្រឹមត្រូវអំពីអត្រាប្រជាជន និងសមាសភាពតាមបទប្បញ្ញត្តិ”។

ដោយការចូលរួមនៃទូទាំងប្រព័ន្ធនយោបាយនិងការគាំទ្រយ៉ាងសកម្មរបស់ប្រជាជន ការងារឃោសនាឆ្ពោះរកការបោះឆ្នោតជ្រើសតាំងតំណាងរដ្ឋសភា នីតិកាលទី១៦ និងតំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិកាល ២០២៦- ២០៣១ លើភូមិឋានទីក្រុងកឹងធើ បានផ្សព្វផ្សាយយ៉ាងទូលំទូលាយ។ តាមរយៈនោះ រួមចំណែកបង្កើតមូលដ្ឋានគ្រឹះដ៏រឹងមាំដើម្បីការបោះឆ្នោតក្លាយជាថ្ងៃបុណ្យធំរបស់ប្រជាជនគ្រប់រូប ពង្រីកសិទ្ធិធ្វើម្ចាស់របស់ប្រជាជន ជ្រើសរើសតំណាងដែលសក្តិសម ដើម្បីឆ្លើយតបតម្រូវការកសាងនិងអភិវឌ្ឍភូមិភាគក្នុងដំណាក់កាលថ្មី៕

ថាញវ៉ាង-មេងលី

ចែករំលែកអត្ថបទ

ពាក្យគន្លឹះ