មហាសាមគ្គីជនជាតិ ភូមិស្រុកផ្លាស់ថ្មី

10/12/2025 - 06:57

ជនបទថាញ់ធើយអាង នាបច្ចុប្បន្ន

ធ្លាប់ជាឃុំដែលមានចំណុចចាប់ផ្តើមទាប នៅឆ្នាំ២០១១ ឃុំសម្រេចត្រឹមតែ៣/១៩ លក្ខឋានកសាងជនបទថ្មីប៉ុណ្ណោះ។ អាស្រ័យមានកម្មវិធីទិសដៅជាតិកសាងជនបទថ្មី ទើបថាញ់ធើយអាង សព្វថ្ងៃមានភាពរីកចម្រើនធ្វើឱ្យមុខមាត់ជនបទកាន់តែស្រស់បំព្រង។ ដើមឆ្នាំ២០២៥ ឃុំបានទទួលស្គាល់ជាឃុំសម្រេចបទដ្ឋានជនបទថ្មី។

ដងផ្លូវជនបទថ្មីខ្នាតគំរូ នៅភូមិដៃហឿង២។

អាស្រ័យហេដ្ឋារចនាសម្ព័ន្ធបានវិនិយោគព្រមៗគ្នា ទើបជីវភាពប្រជាជនកើនឡើងដោយឥតឈប់ឈរ។ ដងផ្លូវក្នុងភូមិនិងផ្លូវតភ្ជាប់ពីភូមិមួយទៅភូមិមួយបានចាក់បេតុងថ្មី បើកទូលាយ បង្កលក្ខណៈងាយស្រួលសម្រាប់ការធ្វើចរាចរណ៍និងដឹកជញ្ជូនកសិផល។ ដងផ្លូវខ្លះទៀត បានសម្រេចបទដ្ឋានជនបទថ្មីខ្នាតគំរូ បង្កបានជាទេសភាពភ្លឺ-បៃតង-ជ្រះ-ស្អាត រួមចំណែកលើកស្ទួយគុណភាពជីវភាពប្រជាជន។

ហេដ្ឋារចនាសម្ព័ន្ធសម្រាប់បម្រើផលិតនិងប្រជុំជីវភាពបានកើនឡើងដោយឥតឈប់ឈរ។ អត្រាគ្រួសារប្រើប្រាស់អគ្គិសនីសម្រេច៩៩,៩%; អត្រាប្រើប្រាស់ទឹកស្អាតស្របអនាម័យសម្រេចជាង៩២% ក្នុងនោះ ទឹកស្អាតសម្រេចស្តង់ដារជាង៨៤%។ ប្រការគួរឱ្យកត់សម្គាល់ បច្ចុប្បន្ន ទូទាំងឃុំគ្មានផ្ទះបណ្តោះអាសន្ន ផ្ទះទ្រុឌទ្រោម អត្រាផ្ទះរឹងមាំនិងពាក់កណ្ដាលរឹងមាំសម្រេចជិត៩៣,៥១%។

ចំពោះវិស័យអប់រំ គុណភាពមានជំហានកើនឡើងជាលំដាប់ប្រព័ន្ធសាលារៀនបានវិនិយោគល្អប្រសើរ។ ទូទាំងឃុំមាន ៧/៨ សាលាសម្រេចបទដ្ឋានជាតិ អត្រាកៀរគរសិស្សចូលរៀនសម្រេច ១០០%។ ប្រព័ន្ធមូលដ្ឋានសម្ភារៈសាលារៀន បានបង្កើនកម្រិតតាមទិសដៅព្រមៗគ្នា បៃតង-ស្អាត-សុវត្ថិភាព ឆ្លើយតបតម្រូវការរៀនសូត្ររបស់កូនចៅក្នុងឃុំ។

ព្រមជាមួយនោះ ថាញ់ធើយអាង ក៏បានផ្តោតទៅលើការកសាងជីវភាពវប្បធម៌ផងដែរ។ ចលនា “ទូទាំងប្រជាជនសាមគ្គីកសាងជីវភាពវប្បធម៌” កាន់តែពង្រីកប្រសិទ្ធភាពដោយមានជាង ៩៤% សម្រេចបទដ្ឋានជាគ្រួសារវប្បធម៌។ ភូមិទាំង១៧/១៧ បានទទួលស្គាល់ជាភូមិវប្បធម៌ឡើងវិញ ហើយសុទ្ធតែមានអគារវប្បធម៌សហគមន៍ បង្កបរិយាកាសប្រជុំជីវកិច្ចត្រឹមត្រូវ ផ្សារភ្ជាប់សហគមន៍។

លោក លីអៀង អ្នកមានប្រិយភាពឃុំថាញ់ធើយអាង ចែករំលែក៖ “បានការយកចិត្តទុកដាក់ពីរដ្ឋអំណាចភូមិភាគ ឃើញថាទិដ្ឋភាពជនបទនាបច្ចុប្បន្នមានការផ្លាស់ថ្មីយ៉ាងច្បាស់។ ផ្លូវថ្នល់ស្អាតបាត សាលារៀនរឹងមាំ ការផលិតក៏ងាយស្រួល៘ មាមីងអ្នកណាក៏ត្រេកអរនិងសប្បាយរីករាយ”។

លោកឡេទ្រុងត្វឹង អនុប្រធានប្រចាំនៃការគណៈកម្មាធិការប្រជាជនឃុំថាញ់ធើយអាង ឱ្យដឹង៖ “ដើម្បីពុះពារសម្រេចរាល់គោលដៅសេចក្តីសម្រេចដែលដាក់ចេញក្នុងការកសាងជនបទថ្មី ដំណាក់កាល ២០២៦ -២០៣០ គណៈចង្អុលការនឹងបន្តរក្សាព្រមទាំងពង្រីកនូវលក្ខឋានដែលសម្រេចបាន លើកកម្ពស់គុណភាពលក្ខឋានដែលនៅទាប ផ្អែកលើមូលដ្ឋានពង្រីកមានប្រសិទ្ធភាពដើមទុនពីកម្មវិធីគោលដៅជាតិ; បង្កើនការផ្សព្វផ្សាយនិងបំផុសចលនាប្រឡងប្រណាំងបើកទូលំទូលាយបង្កការយល់ស្របក្នុងប្រជាជន”៕

ហុងទើ- លីសៀ

ចែករំលែកអត្ថបទ

ពាក្យគន្លឹះ