មហាសាមគ្គីជនជាតិ ភូមិស្រុកផ្លាស់ថ្មី

13/08/2025 - 09:35

ភាពផ្លាស់ថ្មីនៅភូមិជនបទថ្មីគំរូ

ពីមុនភូមិហ្វាឡាក A ឃុំសុងឡុក ខេត្តវិញឡុង ជាភូមិក្រលំបាក ចាប់តាំងពីពេលអនុវត្តកម្មវិធីទិសដៅជាតិស្ដីពីកសាងជនបទថ្មី ជាមួយនឹងប្រភពទុនឧបត្ថម្ភវិនិយោគលើហេដ្ឋារចនាសម្ព័ន្ធជនបទ អភិវឌ្ឍន៍ផលិតកម្ម។ល។ ឃើញថាជីវភាពសម្ភារៈនិងស្មារតីរបស់ប្រជាជនមានភាពប្រសើរឡើងគួរឱ្យកត់សម្គាល់។

លោកឡឹមវុាំងណាំ កំពុងថែទាំដំណាំក្រូចថ្លុង។

លោកឡឹមហ៊ីវធ្វឹង លេខាសាខាបក្សភូមិហ្វាឡាក A ឱ្យដឹង៖ ភូមិហ្វាឡាក A មាន៥៥០គ្រួសារ ក្នុងនោះ មានគ្រួសារជនរួមជាតិខ្មែរដល់ទៅជិត៦០%; មានផ្ទៃដីធម្មជាតិ ៤២០ ហិកតា ភាគច្រើនជាដីកសិកម្ម។ អនុវត្តការចលនាកសាងជនបទថ្មី ភូមិបានកំណត់កសិកម្មគឺជាសេដ្ឋកិច្ចមុខព្រួញ ពិសេសគឺដំណាំនិងស្រូវ ប៉ុន្មានឆ្នាំកន្លង អាស្រ័យរដ្ឋអំណាចអនុវត្តល្អការងារចលនាប្រជាជនរួមជាមួយនឹងរដ្ឋ កសាងប្រព័ន្ធធារាសាស្រ្តនៅវាលស្រែសម្រាប់បម្រើការបង្កបង្កើនផល។ ប្រជាជនភាគច្រើនបានបរិច្ចាគដីសម្រាប់ជីកប្រឡាយនៅវាលស្រែ ដើម្បីនាំទឹកសាបនៃគម្រោងទឹកសាបនៅភាគខាងត្បូងស្រុកមុាំងធិត នាំមកនូវជីជាតិដល់តំបន់ដីលំបាកនេះ។ ពេលដែលប្រព័ន្ធធារាសាស្រ្តនៅវាលស្រែកសាងសម្រេចរួចរាល់ មានប្រភពទឹកផ្គត់ផ្គង់គ្រប់គ្រាន់សម្រាប់ផ្ទៃដីផលិតស្រូវទាំង១០០% ទិន្នផលស្រូវរបស់ភូមិបច្ចុប្បន្នសម្រេចមធ្យមភាគប្រមាណ ៥,៥ - ៧ តោន/ហិកតា។ ជាពិសេស ផ្ទៃដីផលិតស្រូវរបស់ភូមិសុទ្ធតែផលិតពូជស្រូវថ្មី ពង្រោះរង្វើល ពង្រោះជាជួរតាមវិធានការ “៣បន្ថយ ៣បង្កើន” ទម្រង់ “១ត្រូវ ៥បន្ថយ”។ ក្រៅពីផលិតស្រូវ កសិករក្នុងភូមិថែមទាំងដាំដំណាំរួមផ្សំ ចិញ្ចឹមជ្រូក គោ ចិញ្ចឹមត្រីផ្ទក់ ដាំឈើហូបផ្លែរកបានប្រាក់ចំណូលបង្គួរទៀតផង។ បច្ចុប្បន្ន ក្នុងភូមិនៅមានគ្រួសារក្រីក្រតែ ២ គ្រួសារប៉ុណ្ណោះ ប្រាក់ចំណូលមធ្យមភាគក្នុងមនុស្សម្នាក់សម្រេច ៧៩,២២ លានដុង/ឆ្នាំ ភូមិសម្រេចបទដ្ឋានជាភូមិជនបទថ្មីគំរូ”។

ប្រធានគណៈប្រជាជនភូមិហ្វាឡាក A (ខាងស្ដាំ) កំពុងសំណេះសំណាលជាមួយនឹងប្រជាជនពីការកសាងជនបទថ្មី។

លោកថាច់យឿង នៅភូមិហ្វាឡាក A ចែករំលែក៖ “កន្លងហើយ ភូមិបានបំផុសចលនាកសាងផ្លូវបេតុងដើម្បីភូមិបានសម្រេចបទដ្ឋានជនបទថ្មី គ្រួសារខ្ញុំបានបរិច្ចាគដី៣០ម៉ែត្រការ៉េ ជំនួយទឹកប្រាក់ ១០ លានដុងដើម្បីកសាងផ្លូវបេតុង។ បច្ចុប្បន្ន ផ្លូវបេតុងបានដាក់ឱ្យប្រើប្រាស់ ប្រជាជនយើងខ្ញុំបានទទួលផលប្រយោជន៍ច្រើនណាស់”។ លោកឡឹមវុាំងណាំ នៅភូមិហ្វាឡាក A ផងដែរ ឱ្យដឹង៖ “អនុវត្តការចលនាកសាងជនបទថ្មី គ្រួសារខ្ញុំបានបង្វែរផ្ទៃដី ១២ កុងដែលផលិតស្រូវមិនសូវបានផល ផ្លាស់មកដាំដូង៨០ដើមឆ្លាស់ជាមួយនឹងក្រូចថ្លុងចំនួន២៤០ដើម ក្នុងមួយឆ្នាំៗរកបានប្រាក់ចំណូល១៨០លានដុង”។

កាលពីមុន គ្រួសារជនជាតិខ្មែរភាគច្រើនក្នុងភូមិហ្វាឡាក A មានជីវភាពក្រីក្រ ដោយសារកូនច្រើន ខ្វះដីផលិតនិងគ្មានការងារធ្វើលំនឹង។ ចាប់តាំងពីផ្សព្វផ្សាយអនុវត្តកម្មវិធីទិសដៅជាតិ ស្ដីពីកសាងជនបទថ្មី រដ្ឋបានអនុវត្តល្អគោលនយោបាយស្ដីពីឧបត្ថម្ភលំនៅឋាន ដីសង់លំនៅឋាន និងដីផលិត អាស្រ័យអនុវត្តល្អការងារបន្ថយភាពក្រីក្រ ទើបជីវភាពប្រជាជនមានភាពប្រសើរឡើង។ បច្ចុប្បន្ន ភូមិជនបទថ្មីគំរូហ្វាឡាក A កំពុងបង្កើនគុណភាពលក្ខឋានជនបទថ្មី ដើម្បីជីវភាពប្រជាជនកាន់តែសម្បូរសប្បាយនិងសុភមង្គល៕

សើុងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ