មហាសាមគ្គីជនជាតិ គំរូក្នុងសហគមន៍

08/04/2025 - 16:00

អ្នកនាំមកក្តីរីករាយដល់គ្រួសារក្រីក្រនៅតំបន់ព្រំដែនសមុទ្រ

ទទួលតួនាទីជាស្នងការនយោបាយប៉ុសិ៍្ដការពារព្រំដែនឡាយហ្វា ទីរួមខេត្តវិញចូវ ខេត្តសុកត្រាំង វរសេនីយ៍ត្រី លោកង្វៀងហ្វាងដែ មិនត្រឹមតែអនុវត្តល្អការងារក្នុងការធានាសន្តិសុខតំបន់ព្រំដែលសមុទ្រប៉ុណ្ណោះទេ ថែមទាំងបានកសាងទម្រង់ជាច្រើនដើម្បីជួយដល់គ្រួសារជនរួមជាតិខ្មែរដែលមានជីវភាពក្រីក្រឈានឡើង។

វរសេនីយ៍ត្រី ហ្វាងដែ ប្រមូលផលកូនស្ពៃមើមជាមួយជនពិការនៅឡាយហ្វា។

ឆ្នាំ ២០២៣ ពេលដែលទទួលតួនាទីជាស្នងការនយោបាយប៉ុស្តិ៍ការពារព្រំដែនឡាយហ្វា លោកហ្វាងដែ តែងតែចុះទៅមូលដ្ឋានដើម្បីក្តាប់ស្ថានភាព និងស្វែងយល់ពីជីវភាពប្រជាជន។ ពិសេស ពេលក្តាប់ច្បាស់អំពីជីវភាព ក៏ដូចជាបំណងប្រាថ្នារបស់ជនរួមជាតិខ្មែរ លោកហ្វាងដែ បានកសាងទម្រង់និងខ្នះខ្នែងជួយប្រជាជន។ កាលពីខែតុលា ឆ្នាំ២០២៣ លោកហ្វាងដែ បានលើកទឹកចិត្តកម្មាភិបាល យុទ្ធជន បង្កើនការផលិតនិងកៀរគរសប្បុរសជនដើម្បីរួមគ្នាអនុវត្តទម្រង់ “ល្វែងផ្សារសូន្យដុង” “ផ្សារណាត់ពិសេស” សម្រាប់អ្នកក្រ។ ទន្ទឹមនឹងនោះ ចលនាកម្មាភិបាល យុទ្ធជន មួយថ្ងៃដកទុកអាហារមួយចំណែកដើម្បីបង្កើតទម្រង់ “ខាប់អង្ករមនោសញ្ចេតនាកងទ័ពប្រជាជន”; ដកហូតមួយចំណែកប្រាក់ចំណេញដែលបានមកពីការបង្កើនផលិតកម្ម ដើម្បី “ចិញ្ចឹមជ្រូកដីបង្កើតមូលនិធិសម្រាប់សកម្មភាព” ដើម្បីទុកទិញថ្នាំព្យាបាលជំងឺនិងសម្ភារៈប្រើប្រាស់ប្រចាំថ្ងៃ និងរៀងរាល់សប្ដាហ៍បញ្ជូនកម្មាភិបាលពេទ្យយោធាចុះដល់ផ្ទះដើម្បីពិនិត្យសុខភាព ផ្តល់ថ្នាំដោយឥតគិតថ្លៃ ជូនអំណោយដល់មនុស្សចាស់គ្មានទីពឹង ជនពិការ និងអ្នកមានជំងឺរុាំរៃនៅលើភូមិសាស្រ្ត។

ការងាររបស់វរសេនីយ៍ត្រីហ្វាងដែ តែងនាំមកនូវភាពរីករាយនិងសុភមង្គលជូនប្រជាជន។

មកទល់ពេលនេះ ទម្រង់ “លែ្វងផ្សារសូន្យដុង” និង “ផ្សារណាត់ពិសេស” សម្រាប់គ្រួសារក្រីក្រ បានចាត់តាំង ១៩ លើក និងជូនអំណោយជាង ៧០០ ចំណែក ក្នុងនោះ រួមមាន៖ អង្ករ មី សាច់ បន្លែផ្លែឈើ និងគ្រឿងឧបភោគបរិភោគដល់គ្រួសារក្រីក្រ មនុស្សចាស់គ្មានទីពឹងនិងជនពិការ; ទម្រង់ “មួយសប្តាហ៍ធ្វើការងារមួយមានអត្ថន័យ” ចលនាបានផ្ទះមហាសាមគ្គី៤ខ្នង កង់ ១៥ គ្រឿង និងអំណោយ ៤៨ ចំណែក... ដល់សិស្សានុសិស្ស និងគ្រួសារក្រីក្រនៅភូមិភាគ។ ក្រៅពីនោះ លោកហ្វាងដែ នៅទាំងស្រាវជ្រាវរកវិធីជួយដល់ជនពិការ ចេះរបៀបបណ្តុះសណ្តែតបណ្ដុះ និងបណ្តុះកូនស្ពៃមើម ដើម្បីរកប្រាក់ចំណូលបន្ថែម និងលំនឹងជីវភាព។ បងស្រី លីធីសាង នៅភូមិព្រៃជាប់ B ឱ្យដឹង៖ “រៀងរាល់ខែ រាល់សប្តាហ៍ ឬថ្ងៃបុណ្យចូលឆ្នាំថ្មីរបស់ជនរួមជាតិខ្មែរ គឺគ្រួសារខ្ញុំតែងបានពូៗកងទ័ពចុះមកសួរសុខទុក្ខនិងជូនអំណោយ បានជាជីវភាពមិនមានភាពតានតឹងទៀតទេ។ ពេលនេះ ខ្ញុំរីករាយនិងសប្បាយចិត្តណាស់ ព្រោះពូៗកងទ័ពបានឱ្យគ្រាប់សណ្តែកពូជ ឧបករណ៍ និងណែនាំរបៀបបណ្តុះសណ្តែតបណ្ដុះសម្រាប់លក់ ដូច្នេះ ខ្ញុំអាចរកប្រាក់បានដោយខ្លួនឯង” ។

វរសេនីយ៍ត្រី លោកហ្វាងដែ មានប្រសាសន៍៖ “ការងារដែលខ្ញុំធ្វើសម្រេចបានលទ្ធផលល្អ គឺអាស្រ័យដោយការសាមគ្គី រួមកម្លាំងរបស់កម្មាភិបាល យុទ្ធជនក្នុងអង្គភាព ដើម្បីបំពេញភារកិច្ចការពារសន្តិសុខតំបន់ព្រំដែនសមុទ្រ និងជួយប្រជាជនលំនឹងជីវភាព ដើម្បីសន្តិភាពមាតុភូមិ និងសុភមង្គលរបស់ប្រជាជន គឺជាឧត្តមគតិដ៏ថ្លៃថ្លា ហើយក៏ជាភារកិច្ចដ៏ពិសិដ្ឋរបស់កងទ័ពយើងខ្ញុំដែរ” ៕

យ៉ីអាញ់-ត្រឹងរ៉ូន

ចែករំលែកអត្ថបទ

ពាក្យគន្លឹះ