មហាសាមគ្គីជនជាតិ គំរូក្នុងសហគមន៍

01/04/2025 - 08:56

វេជ្ជបណ្ឌិត អស់ពីចិត្តដើម្បីអ្នកជំងឺ

វេជ្ជបណ្ឌិត លីញ៉ឹកង្វៀន ប្រធានផ្នែកជំនួយវេជ្ជសាស្ត្រនៃមន្ទីរពេទ្យយោធា-ប្រជាជនខេត្តបាកលីវ អនុវត្តល្អនូវភារកិច្ចថែទាំសុខភាពជូនកម្មាភិបាល យុទ្ធជន និងប្រជាជនក្នុងខេត្ត។

វេជ្ជបណ្ឌិត ញ៉ឹកង្វៀន កំពុងឆ្លុះអេកូដល់អ្នកជំងឺ។

តាមប្រសាសន៍វេជ្ជបណ្ឌិត ញ៉ឹកង្វៀន កាលពីនៅតូច បងមានក្តីស្រមៃចង់ក្លាយជាវេជ្ជបណ្ឌិត ដើម្បីថែទាំសុខភាពជូនគ្រួសារនិងប្រជាជនក្នុងភូមិស្រុក។ ព្រោះហេតុនោះ កាលនៅជាសិស្សសាលាចំណេះទូទៅ គាត់តែងខិតខំរៀនសូត្រឱ្យបានល្អ ដើម្បីបំពេញនូវក្តីស្រមៃរបស់ខ្លួន។ ក្រោយពីបញ្ចប់ការសិក្សាថ្នាក់ទី ១២ នៅវិទ្យាល័យជនជាតិអន្តេវាសិកខេត្ត គាត់បានមន្ទីរសុខាភិបាលខេត្តជ្រើសទៅបណ្តុះបណ្តាលវេជ្ជបណ្ឌិតតាមប្រព័ន្ធជម្រើសសិស្ស។ បានរៀនតាមរបបជម្រើសសិស្ស ដោយមិនបង់ថ្លៃសិក្សា ពេលបញ្ចប់ការសិក្សានៅទាំងបានផ្តល់អាទិភាពដោះស្រាយការងារធ្វើ ម្ល៉ោះហើយ បងញ៉ឹកង្វៀន តែងខិតខំរៀនសូត្រឱ្យបានល្អ ដើម្បីចាប់យកជំនាញឯកទេស បម្រើការថែទាំសុខភាពប្រជាជនបានល្អប្រសើរ។

មន្ទីរពេទ្យយោធា- ប្រជាជនខេត្តបាកលីវ បានបំពាក់ឧបករណ៍ពេទ្យទំនើបៗ
ឆ្លើយតបនឹងតម្រូវការពិនិត្យ ព្យាបាលជំងឺជូនអ្នកជំងឺ។

ពេលបញ្ចប់ការសិក្សា វេជ្ជបណ្ឌិត ញ៉ឹកង្វៀន បានចាត់មកបម្រើការងារនៅមន្ទីរពេទ្យយោធា-ប្រជាជនខេត្តបាកលីវ រហូតមកដល់សព្វថ្ងៃ។ វេជ្ជបណ្ឌិត ញ៉ឹកង្វៀន ឱ្យដឹង៖ “ថែទាំសុខភាព កម្មាភិបាល យុទ្ធជន គឺជាភារកិច្ចដ៏ឧត្តុង្គឧត្តមរបស់វេជ្ជបណ្ឌិត គឺដើម្បីធានាយោធិនមានសុខភាពល្អ និងសម្រេចបានល្អនូវភារកិច្ចដែលបានប្រគល់ឱ្យ។ ចំណែកការថែទាំសុខភាពប្រជាជន គឺជាការទទួលខុសត្រូវផង និងរឹតបន្តឹងទំនាក់ទំនងរវាងកងទ័ព និងប្រជាជនផង។ ព្រោះហេតុនោះ ខ្ញុំតែងចាត់ទុកសុខភាពរបស់អ្នកជំងឺជាចម្បង និងលើកកម្ពស់មុខជំនាញ គុណភាពសេវាកម្មដោយឥតឈប់ឈរ”។

ដើម្បីលើកកម្ពស់មុខជំនាញវិជ្ជាជីវៈ វេជ្ជបណ្ឌិត ញ៉ឹកង្វៀន បន្តរៀនឡើងឯកទេស១ ផ្នែកធ្វើរោគវិនិច្ឆ័យ និងបញ្ចប់ការសិក្សានៅឆ្នាំ២០២៣។ ផ្តើមពីនោះ គាត់បានតែងតាំងជាប្រធានផ្នែកធ្វើរោគវិនិច្ឆ័យរហូតមកដល់សព្វថ្ងៃ។ បច្ចុប្បន្ន មធ្យមភាគក្នុងមួយថ្ងៃ វេជ្ជបណ្ឌិត ញ៉ឹកង្វៀន ឆ្លុះអេកូជូនអ្នកជំងឺជាង ៥០ លើកនាក់ ស្កេន CT ប្រមាណ ២០ ករណី និងឆ្លុះពិនិត្យប្រមាណ ២៥ ករណីក្នុងមួយសប្តាហ៍។ ការធ្វើរោគវិនិច្ឆ័យច្បាស់លាស់របស់វេជ្ជបណ្ឌិតង្វៀន បានរួមចំណែកយ៉ាងសំខាន់ក្នុងការលើកកម្ពស់ប្រសិទ្ធភាពពិនិត្យនិងព្យាបាលដល់អ្នកជំងឺបានទាន់ពេលវេលា។ វេជ្ជបណ្ឌិត ញ៉ឹកង្វៀន ឱ្យដឹង៖ “បច្ចុប្បន្ន មន្ទីរពេទ្យមានមូលដ្ឋានសម្ភារៈគ្រប់គ្រាន់ បំពាក់បរិក្ខារពេទ្យទំនើបៗ និងវេជ្ជបណ្ឌិតសុទ្ធតែមានជំនាញពូកែៗ។ ខ្ញុំនិងសមូហភាពរបស់មន្ទីរពេទ្យ តែងយកអស់ពីកម្លាំងកាយចិត្តអនុវត្តល្អតួនាទី ដោយចាត់ទុកអ្នកជំងឺជាដូចសាច់ញាតិ និងថែទាំអស់ពីចិត្ត បង្កបានទំនុកចិត្តជូនអ្នកជំងឺ។ បច្ចុប្បន្ន មន្ទីរពេទ្យបានក្លាយជាកន្លែងពិនិត្យជំងឺគួរជាទីទុកចិត្តរបស់ប្រជាជន”។ រយៈពេលជាង ១០ ឆ្នាំមកនេះ វេជ្ជបណ្ឌិត ញ៉ឹកង្វៀន និងកងជួរគ្រូពេទ្យរួមគ្នាថែទាំសុខភាពជូនអ្នកជំងឺបានល្អ ដើម្បីកសាងនិងនាំមន្ទីរពេទ្យក្លាយជាអាសយដ្ឋានគួរជាទីទុកចិត្ត ថែទាំសុខភាពល្អបំផុតជូនកម្មាភិបាល យុទ្ធជន និងប្រជាជនក្នុងខេត្ត៕

យ្វីអាញ - វិមាន

ចែករំលែកអត្ថបទ

ពាក្យគន្លឹះ