កីឡា - ទេសចរណ៍ ទេសចរណ៍

10/03/2025 - 15:31

ទស្សនាជួរដើមស្រល់អាយុរាប់រយឆ្នាំ

តាមប្របមាត់បឹងនៃក្រុងផ្លេគូ ខេត្តយ៉ាឡាយ មានមណ្ឌទេសចរណ៍មួយកន្លែង ទាក់ទាញភ្ញៀវទេសចរច្រើនកុះករ។ នោះគឺដងផ្លូវដែលមានជួរដើមស្រល់ធំៗដុះត្រង់ភ្លឹងអមសងខាងផ្លូវ។

ចម្ការតែនៅសងខាងផ្លូវជនបទមានពណ៌បៃតង និងស្រស់ស្អាតខ្លាំងណាស់។

ផ្លូវជួរដើមស្រល់នៅចម្ងាយពីក្រុងផ្លេគូប្រមាណ ១០ គីឡូម៉ែត្រ ជាដងផ្លូវដែលមានដើមស្រល់អាយុកាលរាប់រយឆ្នាំចោលម្លប់ត្រឈឹង ត្រឈៃ។ ភ្ញៀវទេសចរជាច្រើនបានប្រៀបធៀប ទីនេះដូចជា “ដងផ្លូវនៅកូរ៉េខាងត្បូង” ពីព្រោះ ពេលផ្ដិតយករូបភាព ទិដ្ឋភាពនៅទីនេះមានភាពអណ្តែតអណ្តូង ស្រស់ស្អាតដូចក្នុងខ្សែភាពយន្តរបស់កូរ៉េខាងត្បូងអ៊ីចឹង។ ផ្លូវជួរដើមស្រល់ ស្ថិតនៅភូមិ ១ ឃុំងៀហឹង ស្រុកជឺប៉ះ ខេត្តយ៉ាឡាយ មានទីតាំងស្ថិតក្នុងមណ្ឌលបឹងគួរជាទីមនោរម្យ។ នៅច្រាំងខាងជើងបឹង (បឹងត្នឹង) ខ្លះហៅថា បឹងតែ គឺហៅតាមប្រជាជនផ្លេគូ ព្រោះនៅតាមជើងភ្នំគេដាំដើមតែមើលដាច់កន្ទុយភ្នែក។ តាមប្រសាសន៍របស់ប្រជាជននៅភូមិភាគ កាលនោះជនជាតិបារាំងមកទីនេះបង្កើតចម្ការ តែនៅដើមសតវត្សទី ២០ ពួកគាត់បានដាំដើមស្រល់នេះ។ ព្រោះហេតុនោះ ផ្លូវជួរដើមស្រល់នេះមានអាយុកាលរាប់រយឆ្នាំទៅហើយ។

ដើមស្រល់មានអាយុកាលរាប់រយឆ្នាំ ត្រូវបានការពារនិងថែទាំយ៉ាងម៉ឺងម៉ាត់។

ភេសជ្ជៈច្នៃពីប៊ឺ គឺជាប្រភេទភេសជ្ជៈដែលលោកអ្នកមិនគួររំលងពេលមកទស្សនាផ្លូវដើមស្រល់ ពីព្រោះគុណភាពរបស់ប៊ឺ និងរបៀបច្នៃនៅទីនេះមានលក្ខណៈពិសេសដោយឡែក។

ដងផ្លូវចាប់ផ្តើមពីផ្លូវផឌឹកជិញ និងដងផ្លូវបឹងតែ គឺជាព្រំប្រទល់រវាងក្រុងផ្លេគូ និងភូមិសាស្រ្តឃុំងៀហឹង ស្រុកជឺប៉ះ ខេត្តយ៉ាឡាយ។ ទោះបីមានប្រវែងប្រហែល ៨០០ ម៉ែត្រ ប៉ុន្តែមានកំណាត់ផ្លូវជម្រាលទាបៗដែលជាលក្ខណៈពិសេសរបស់តំបន់ដីតីង្វៀងធ្វើឱ្យទេសភាពនៅទីនេះ គួរឱ្យចំណាប់អារម្មណ៍ជាងទៀត។ ពិសេស នៅសងខាងផ្លូវជួរដើមស្រល់ គឺមានចម្ការតែពណ៌បៃតង ឆ្លាស់ជាមួយចម្ការកាហ្វេដែលចេញផ្កាសក្បុស។ ព្រោះហេតុនោះ ភ្ញៀវទេសចរ គួរមកទីនេះនៅពេលព្រឹកព្រលឹម ដើម្បីបានទស្សនាពន្លឺព្រះអាទិត្យចាំងកាត់តាមស្លឹកឈើ ធ្វើឱ្យតំណក់ទឹកសន្សើមដែលដក់ជាប់លើត្រួយតែ ផ្កាកាហ្វេភ្លឺព្រាកៗ។ល។ ទេសភាពនេះពិតជាស្រស់ស្អាតណាស់ ធ្វើឱ្យភ្ញៀវទេសចររសាយអស់ពីភាពកង្វល់ និងរីករាយជាមួយអំណោយដ៏អស្ចារ្យដែលធម្មជាតិប្រទាន។ នៅចុងផ្លូវ មានវត្តប៊ឺវមិញ ដែលមានដំបូលកោងស្រួច ស្ថិតនៅចំកណ្តាលចម្ការតែ។

ភ្ញៀវទេសចរគួរមកទស្សនាផ្លូវជួរដើមស្រល់មានអាយុកាលរាប់រយឆ្នាំ នៅខែតុលានិងវិច្ឆិកា ដើម្បីបានទស្សនាផ្កាឈូករ័ត្នព្រៃរីកស្រុះ ប្រជាជនប្រមូលផលកាហ្វេ និងតែបៃតងយ៉ាងគាប់ភ្នែក។ បច្ចុប្បន្ន ផ្លូវជួរដើមស្រល់បានទាក់ទាញភ្ញៀវទេសចររាប់រយនាក់មកទស្សនា Check-in ថតរូបមង្គលការ។ល។ ព្រោះហេតុនោះ សេវាបម្រើសកម្មភាពទេសចរណ៍ក៏មានគ្រប់គ្រាន់។ ភ្ញៀវទេសចរស្រមៃថាពេលព្រឹកក្រោកពីដំណេកនៅ homestay បើកវាំងននឃើញពណ៌បៃតង ខ្ចីល្ហក់របស់ត្រួយតែពណ៌បៃតងខៀវស្រងាត់របស់ស្លឹកស្រល់។ល។ និងក្លិនក្រអូបកាហ្វេឈ្ងុយឈ្ងប់ មិនដឹងតើជីវិតនេះអស្ចារ្យប៉ុណ្ណានោះទេ៕

ហាថាញ-វិមាន

ចែករំលែកអត្ថបទ

ពាក្យគន្លឹះ