សុខភាព - អប់រំ អប់រំ

10/03/2025 - 15:31

វាលរាបទន្លេគឺវឡុង ផ្តុំកម្លាំងអភិវឌ្ឍអប់រំតំបន់ជនជាតិ

តាមការវាយតម្លៃរបស់នាយកដ្ឋានការងារជនជាតិភូមិភាគ ក្រសួងជនជាតិនិងសាសនា សកម្មភាពអប់រំក្នុងតំបន់ជនរួមជាតិភាគតិចនៅតំបន់វាលរាបទន្លេគឺវឡុង មានការវិវឌ្ឍជាវិជ្ជមាន គុណភាពបង្រៀននិងរៀនបានលើកកម្ពស់យ៉ាងប្រចក្ស អត្រាកៀរគរកុមារក្នុងកម្រិតអាយុចូលរៀនសម្រេចខ្ពស់។

អនុវិទ្យាល័យជនជាតិអន្តេវាសិកស្រុកយ៉ុងរៀង ខេត្តគៀងយ៉ាង ទើបតែបង្កើនកម្រិត។

គោលនយោបាយអំពីការអប់រំបណ្តុះបណ្តាល បំពាក់បំប៉នប្រភពធនធានមនុស្ស បានពង្រីកប្រសិទ្ធភាពជាវិជ្ជមាន។ សាលាជនជាតិអន្តេវាសិក ដំណើរការមានប្រសិទ្ធភាព គោលនយោបាយជម្រើសតាំងបង្រៀនវិជ្ជាជីវៈ និងបង្រៀនអក្សរជនជាតិ ត្រូវបានយកចិត្តទុកដាក់ ចំនួនសិស្ស និស្សិតជាជនជាតិភាគតិច កាន់តែកើនឡើងពីមួយថ្ងៃទៅមួយថ្ងៃ។ល។ នៅតំបន់វាលរាបទន្លេគឺវឡុង នៅទាំងមានមូលដ្ឋានបណ្តុះបណ្តាលប្រព័ន្ធមហាវិទ្យាល័យភាសា - វប្បធម៌ - វិចិត្រសិល្បៈខ្មែរណាមបូ តែមួយគត់ក្នុងទូទាំងប្រទេស (មហាវិទ្យាល័យភាសា - វប្បធម៌ - វិចិត្រសិល្បៈខ្មែរណាមបូនិងមនុស្សសាស្ត្រ ចំណុះសាកលវិទ្យាល័យត្រាវិញ)។

សាលាបឋមសិក្សាឌិញហ្វា ១ ស្រុកហ្គក្វាវ ខេត្តគៀងយ៉ាង សម្រេចបទដ្ឋានជាតិ។

សាលាបឋមសិក្សាវីប៊ិញ ស្រុកវីធ្វី ខេត្តហូវយ៉ាង សម្រេចបទដ្ឋានជាតិ។

ក្រៅពីកម្មវិធី គម្រោងវិនិយោគអភិវឌ្ឍដោយឡែករបស់ភូមិភាគនីមួយៗ គម្រោង ៥ អំពីការអភិវឌ្ឍអប់រំ - បណ្តុះបណ្តាល លើកកម្ពស់គុណភាពប្រភពធនធានមនុស្សរបស់កម្មវិធីទិសដៅជាតិអភិវឌ្ឍសេដ្ឋកិច្ច - សង្គមនៅតំបន់ជនរួមជាតិភាគតិច ដំណាក់កាល២០២១-២០៣០ ដំណាក់កាល ១ ចាប់ពីឆ្នាំ ២០២១-២០២៥ បានពង្រីកប្រសិទ្ធភាព។ តាមប្រសាសន៍លោកយ័ញភុក នាយកមន្ទីរជនជាតិនិងសាសនាខេត្តគៀងយ៉ាង៖ ចាប់ពីឆ្នាំ ២០១០ មកទល់ពេលនេះ ខេត្តបានអនុវត្តគោលនយោបាយបណ្តុះបណ្តាល ជម្រើសតាំងដល់សិស្ស និស្សិតជាជនរួមជាតិភាគតិចជាង ៤០០ នាក់ ចូលរៀននៅតាមមហាវិទ្យាល័យនិងអនុមហាវិទ្យាល័យនានា។ ក្រោយពីបញ្ចប់ការសិក្សា និស្សិតបានភូមិភាគរៀបចំការងារ និងផ្សារភ្ជាប់មួយនឹងស្រុកកំណើតជាយូរអង្វែង។ ដើម្បីមានប្រភពជម្រើសតាំងដូចរៀបរាប់ខាងលើ ការងារអប់រំនិងបណ្តុះបណ្តាលនៅមូលដ្ឋានត្រូវបានអនុវត្តល្អប្រសើរ។ ភូមិភាគបានកសាងបន្ទប់រៀនថ្មី ជួសជុលនិងបង្កើនកម្រិតសាលាជនជាតិអន្តេវាសិក និងសាលាមធ្យមសិក្សាវិជ្ជាជីវៈជនជាតិភាគតិចខេត្ត ម្ល៉ោះហើយប្រភពសិស្សផ្គត់ផ្គង់ដល់កម្មវិធីជម្រើសតាំងនិងកម្មវិធីបណ្ដុះបណ្ដាលប្រភពធនធានមនុស្សជាជនជាតិភាគតិចមានគុណភាព ឆ្លើយតបគ្រប់គ្រាន់។

តាមស្ថិតិរបស់ក្រសួងអប់រំនិងបណ្តុះបណ្តាលវាលរាបទន្លេគឺវឡុងមាន ៤៣ ជនជាតិ ក្នុងនោះ ភាគច្រើនគឺជនជាតិខ្មែរ ចិននិងចាម ម្ល៉ោះហើយ ការអប់រំជំនាញដោយឡែកមានឱកាសអភិវឌ្ឍន៍។ ផ្នែកនឹងបន្តការវិនិយោគអភិវឌ្ឍវិស័យអប់រំនិងបណ្តុះបណ្តាលនៅតំបន់ជនជាតិភាគតិច ដើម្បីធានាខឿនអប់រំមានគុណភាព សមធម៌ គ្រប់ជ្រុងជ្រោយ និងជំរុញឱកាសសិក្សាពេញមួយជីវិតដល់មនុស្សគ្រប់រូប។ ផ្តើមពីនោះ ជាសារវន្តកាត់បន្ថយគម្លាតអភិវឌ្ឍន៍អប់រំរវាងបណ្តាជនជាតិតំបន់ទីក្រុងនិងជនបទ៕

ហាថាញ-វិមាន

ចែករំលែកអត្ថបទ

ពាក្យគន្លឹះ