មហាសាមគ្គីជនជាតិ ភូមិស្រុកផ្លាស់ថ្មី

17/02/2025 - 15:38

គិតគូរដល់គ្រួសារដែលមានស្ថានភាពលំបាក

ដើម្បីឧបត្ថម្ភ លើកទឹកចិត្តដល់គ្រួសារដែលមានស្ថានភាពលំបាកឈានឡើងក្នុងជីវភាពគ្រប់គណៈ ផ្នែក អង្គការមហាជនតំបន់ដែលមានជនរួមជាតិភាគតិចរស់នៅកុះករនៅតំបន់វាលរាបទន្លេគឺវឡុង តែងយកចិត្តទុកដាក់យ៉ាងហ្មត់ចត់ និងជួយឧបត្ថម្ភទាន់ពេលដល់គ្រួសារដែលជួបការលំបាកទាំងសម្ភារៈនិងស្មារតី។

តំណាងថ្នាក់ដឹកនាំស្រុកថើយឡាយ និងតំណាងកាសែតកឹងធើជូនអំណោយ។

តួយ៉ាងដូចក្នុងឱកាសបុណ្យចូលឆ្នាំវៀតណាម កន្លងហើយ សាខាបក្ស ៥ ចំណុះបក្ខភាគកាសែតកឹងធើ បានសហការជាមួយនឹងសមាគមសហព័ន្ធនារីស្រុកថើយឡាយ ក្រុងកឹងធើ រៀបចំកម្មវិធី “និទាឃរដូវនៃក្តីស្រឡាញ់” ជូនអំណោយដល់នារីដែលមានស្ថានភាពលំបាក នារីជនជាតិភាគតិចក្រីក្រ ដើម្បីអំណរចូលឆ្នាំថ្មីអឹកទី ២០២៥ ។ មានបងប្អូននារី ៤៥ នាក់ដែលមានស្ថានភាពលំបាក នៅទីប្រជុំជនថើយឡាយនិងឃុំទ្រឿងថាំង ស្រុកថើយឡាយ ក្រុងកឹងធើ បានទទួលអំណោយ។ អំណោយក្នុងមួយចំណែកគិតជាទឹកប្រាក់ ៥០០. ០០០ ដុង អាស្រ័យសាខាបក្ស ៥ ចលនាក្រុមហ៊ុន ទទួលខុសត្រូវមានកម្រិតសមាជិកមួយសេវាកម្ម អនាម័យជំនាញបាវក្វាងកឹងធើ; ធនាគារ Agribank សាខាថើយឡាយ - កឹងធើ II និងលោក ហ្វិញមិញទូ អាណិកជនអាមេរិកធ្វើហិរញ្ញប្បទាន។ សកម្មភាពខាងលើ សំដៅអនុវត្តទម្រង់ឧបត្ថម្ភចំពោះស្ថានភាពគួរឱ្យអាណិតក្នុងទម្រង់ “ប្រជាចលនាប៉ិនប្រសប់” អំពីការងារសប្បុរសធម៌សង្គម អាស្រ័យ បក្ខភាគកាសែតកឹងធើបង្កើតនិងបំផុស។ ឆ្នាំ ២០២៤ ការងារនេះ បានទាក់ទាញការចូលរួមពីអង្គភាពនិងសប្បុរសជនជាច្រើន តាមរយៈនោះ បានរួមចំណែកក្នុងការអប់រំមនុស្សធម៌ស្មារតី ជួយគ្នាទៅវិញទៅមករបស់កម្មាភិបាល អ្នកសារព័ត៌មាន សមាជិកសហជីពស្ថាប័ន។ សរុបទឹកប្រាក់ចលនាក្នុងឆ្នាំ ២០២៤ បានជាង ១ ពាន់លានដុង។

តំណាងសប្បុរសជន និងតំណាងគណៈកម្មាធិការប្រជាជនឃុំដុងថាញ់
ជូនអំណោយដល់មាមីង។

តាមប្រសាសន៍លោក សើុងរឿ អនុប្រធានគណៈកម្មាធិការប្រជាជនឃុំដុងថាញ់ ទីរួមខេត្តប៊ិញមិញ ខេត្តវិញឡុង ដើម្បីជួយគ្រួសារដែលមានស្ថានភាពលំបាក គ្រួសារជនជាតិភាគតិចក្រីក្រ អំណរចូលឆ្នាំថ្មីអឹកទី គណៈកម្មាធិការប្រជាជនឃុំ បានចលនាអង្គការនិងសប្បុរសជនឧបត្ថម្ភជាអំណោយបានជិត ៤០០ ចំណែក ដើម្បីមាមីងស្ងប់អារម្មណ៍ទទួលអំណរបុណ្យចូលឆ្នាំថ្មីវៀតណាម។ មកទទួលអំណោយនៅទីស្នាក់ការគណៈកម្មាធិការប្រជាជនឃុំ អ្នកមីងសើុងធីហាញ់ នៅភូមិហ្វាថាញ់ ២ ឃុំដុងថាញ់ ឱ្យដឹង៖ “ឆ្នាំណា ខ្ញុំក៏បានមកទទួលអំណោយបុណ្យចូលឆ្នាំថ្មីវៀតណាមដែរ។ ប៉ុន្មានឆ្នាំមុន ខ្ញុំមិនបានទៅដោយផ្ទាល់ឃុំយកអំណោយមកជូនដល់ផ្ទះ។ ឥឡូវ កូនស្រីខ្ញុំទិញបានម៉ូតូ ដូច្នេះ អាចឌុបខ្ញុំទៅទទួលអំណោយបាន។ គ្រួសារខ្ញុំក៏ស៊ីចូលឆ្នាំវៀតណាមដូចគ្រួសារផ្សេងៗ ក្នុងភូមិដែរ លុះដល់បុណ្យចូលឆ្នាំថ្មីប្រពៃណីខ្មែរ ខ្ញុំអញ្ជើញអ្នកជិតខាងមកផ្ទះវិញ”។ នៅស្រុកហ្គក្វាវ ខេត្តគៀងយ៉ាង ក្រុមប្រតិភូឧបត្ថម្ភសប្បុរសជនក៏បានទៅសួរសុខទុក្ខ និងជូនអំណោយទាន់ពេល ដើម្បីមាមីងប្រើប្រាស់ក្នុងឱកាសបុណ្យចូលឆ្នាំថ្មីវៀតណាម។ តាមប្រសាសន៍អ្នកស្រី ឡេធីហ៊ុងហាញ់ អនុប្រធានគណៈកម្មាធិការប្រជាជនឃុំឌិញហ្វា ស្រុកហ្គក្វាវ គិតត្រឹមតែបុណ្យចូលឆ្នាំថ្មីវៀតណាម និងបុណ្យចូលឆ្នាំថ្មីប្រពៃណីខ្មែរ មានអង្គភាពនិងបុគ្គលជាច្រើន បានចលនាសប្បុរសជនឧបត្ថម្ភអំណោយរាប់រយចំណែកដល់គ្រួសារដែលមានស្ថានភាពលំបាក គ្រួសារជនជាតិភាគតិចក្រីក្រ ដើម្បីមាមីងបានប្រើប្រាស់។ ឃុំតែងអនុវត្តសម្រេចភារកិច្ច គឺឧបត្ថម្ភគ្រួសារដែលមានជីវភាពលំបាក មានលក្ខណៈសម្បត្តិដើម្បីទទួលអំណរបុណ្យចូលឆ្នាំវៀតណាម បុណ្យចូលឆ្នាំថ្មី៕

ហាថាញ-មុនី

ចែករំលែកអត្ថបទ

ពាក្យគន្លឹះ