គោលនយោបាយ -ការរស់នៅ គោលនយោបាយ

13/01/2025 - 16:02

គិតគូរបានល្អនូវជីវភាពជនរួមជាតិភាគតិច

រយៈពេលកន្លង ក្រុងកឹងធើ បានផ្សព្វផ្សាយបញ្ជ្រាបអនុវត្តគ្រប់សព្វនិងមានប្រសិទ្ធភាពនូវគោលនយោបាយចំពោះជនរួមជាតិភាគតិច រួមចំណែកលើកកម្ពស់ជីវភាពសម្ភារៈ និងស្មារតីរបស់ជនរួមជាតិភាគតិចទូទាំងក្រុង។

សមមិត្ត ង្វៀងវ៉ាន់ហីវ សមាជិកបម្រុងនៃគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុង និងសមមិត្ត ផាមវ៉ាន់ហេវ អនុលេខាប្រចាំការនៃគណៈកម្មាធិការបក្សក្រុង ប្រធានក្រុម ប្រឹក្សាប្រជាជនក្រុងកឹងធើ បានប្រគល់ផ្លាកនិមិត្តរូបជូនផ្ទះមហាសាមគ្គីដល់គ្រួសារក្រីក្រ គ្រួសារប្រកៀកបន្ទាត់ក្រ និងគ្រួសារមានស្ថានភាពលំបាក (ក្នុងនោះ មានជនរួមជាតិខ្មែរ) ក្នុងកម្មវិធី “ថ្មើរជើងរួមដំណើរដើម្បីអ្នកក្រ” អាស្រ័យគណៈកម្មាធិការរណសិរ្សមាតុភូមិវៀតណាមក្រុងកឹងធើ សហការជាមួយនឹងអង្គភាពនានារៀបចំឡើង។

ឆ្នាំ២០២៤ គណៈប្រចាំការនៃគណៈកម្មាធិការរណសិរ្សមាតុភូមិវៀតណាមក្រុង ផ្តុំកម្លាំងផ្សព្វផ្សាយនូវគោលការណ៍ គោលនយោបាយជនជាតិរបស់មជ្ឈិម របស់គណៈកម្មាធិការបក្សក្រុងដល់មូលដ្ឋាន។ លេចធ្លោដូចជា៖ រៀបចំនូវកម្មវិធីសិល្បៈដោះដូរវប្បធម៌-សិល្បៈ សកម្មភាពកីឡាអប់រំកាយ ថែទាំសុខភាព; ពិធីជួបជុំសួរសុខទុក្ខ អបអរសាទរដល់អ្នកមុខអ្នកការសាសនា ព្រះសង្ឃនិងអ្នកមានប្រជាប្រិយក្នុងជនរួមជាតិខ្មែរ ក្នុងឱកាសបុណ្យសែនដូនតាឆ្នាំ ២០២៤។ ក្រុងបានជូនអំណោយ ២.៣៣៧ ចំណែក គិតជាទឹកប្រាក់សរុបជាង ១,២៤ ពាន់លានដុង និងប្រគល់ជូនផ្ទះមហាសាមគ្គីចំនួន ១២ ខ្នង ដល់គ្រួសារខ្មែរក្រីក្រ ជួបលំបាកខាងលំនៅឋាន។

លោកហូវ៉ាន់ភឿង អនុប្រធានគណៈជនជាតិក្រុងកឹងធើ ឱ្យដឹង៖ ឆ្នាំ២០២៤ គណៈជនជាតិបានធ្វើសេនាធិការជូនគណៈកម្មាធិការប្រជាជនក្រុង ដើម្បីប្រកាសឱ្យប្រើនិងលើកជូនថ្នាក់លើដែលមានសិទ្ធិសម្រេចប្រកាសឱ្យប្រើនូវឯកសារ ចង្អុលការ ដឹកនាំនិងផ្សព្វផ្សាយអនុវត្តការងារជនជាតិ។ គោលនយោបាយចំពោះជនរួមជាតិភាគតិច ត្រូវបានគណៈ ផ្នែកគ្រប់លំដាប់ថ្នាក់ ផ្សព្វផ្សាយអនុវត្តយ៉ាងម៉ឺងម៉ាត់ គ្រប់សព្វនិងមានប្រសិទ្ធភាព។ លេចធ្លោ គឺជនរួមជាតិភាគតិចមានអគ្គិសនីប្រើប្រាស់ ១០០%; អត្រាឃុំ សង្កាត់ ទីប្រជុំជនមានផ្លូវរថយន្តអាចបើកបរចូលដល់មជ្ឈមណ្ឌលឃុំសម្រេច ១០០%; អត្រាភូមិ (មណ្ឌល) មានផ្លូវអាចធ្វើដំណើរទៅមកបានទាំងពីររដូវសម្រេច ១០០%។ ទន្ទឹមនឹងនោះ បន្តយកចិត្តទុកដាក់វិនិយោគ បង្កលក្ខណៈឧបត្ថម្ភក្នុងការស្តារនិងថែរក្សានូវទម្រង់វប្បធម៌របស់ជនរួមជាតិភាគតិច។ ក្រុងអនុវត្តល្អកម្មវិធីទិសដៅជាតិអំពីសុខាភិបាល កុមារជនជាតិភាគតិច ១០០% មានអាយុក្រោម ១ ឆ្នាំ បានចាក់វ៉ាក់សាំងគ្រប់ប្រភេទ ឧបត្ថម្ភវិធានការប្រឆាំងនឹងកង្វះអាហារូបត្ថម្ភ និងកុមារអាយុក្រោម ៦ ឆ្នាំ បានជូនប័ណ្ណធានារ៉ាប់រងសុខាភិបាល។ អត្រាចលនាសិស្សជនជាតិភាគតិចចូលរៀនត្រូវតាមកម្រិតអាយុ (ឆ្នាំសិក្សា ២០២៣-២០២៤) បឋមសិក្សាសម្រេច ១០០% អនុវិទ្យាល័យសម្រេច ៩៧.៩៤% និងវិទ្យាល័យសម្រេច ៧៥.៧%។ គណៈផ្នែកគ្រប់លំដាប់ថ្នាក់ក៏បានឧបត្ថម្ភសង់ផ្ទះថ្មីបាន ៣៦ ខ្នង និងជួសជុលផ្ទះបាន ១ ខ្នងដល់គ្រួសារជនជាតិភាគតិចក្រីក្រ មានស្ថានភាពលំបាក។ ធនាគារគោលនយោបាយសង្គមក្រុង បានរំសាយថវិកាតាមកម្មវិធីឥណទានឱ្យ ៦០៤ លើកគ្រួសារជនជាតិភាគតិចបុលទុន គិតជាទឹកប្រាក់សរុបជិត២០ពាន់លានដុង (ក្នុងនោះ ជនជាតិខ្មែរ ៥៥៧ គ្រួសារ ជនជាតិចិន ៤២ គ្រួសារ និងជនជាតិភាគតិចផ្សេងទៀតចំនួន ៥ គ្រួសារ)។ ដល់ចុងឆ្នាំ ២០២៤ គ្រួសារក្រីក្រជាជនជាតិភាគតិចនៅតែ ២៩ គ្រួសារ ស្រូបអត្រា០,២៩% គ្រួសារប្រកៀកបន្ទាត់ក្រនៅតែ ៣៤៦ គ្រួសារ ស្រូបអត្រា ៣,៤៤% នៃចំនួនគ្រួសារជនជាតិភាគតិចរួម។

ថ្លែងចង្អុលការក្នុងកិច្ចប្រជុំបូកសរុបការងារជនជាតិ ឆ្នាំ ២០២៤ ផ្សព្វផ្សាយភារកិច្ចឆ្នាំ ២០២៥ អាស្រ័យគណៈជនជាតិក្រុងកឹងធើ រៀបចំឡើងនៅចុងខែធ្នូ ឆ្នាំ ២០២៤ សមមិត្ត ត្រឹងវៀតទ្រឿង អនុលេខាគណៈកម្មាធិការបក្ស ក្រុងប្រធានគណៈកម្មាធិការប្រជាជនក្រុងកឹងធើ ចង្អុលការគណៈ ផ្នែកក្រុងគ្រប់លំដាប់ថ្នាក់ បន្តផ្សព្វផ្សាយអនុវត្តមានប្រសិទ្ធភាពនូវគោលការណ៍ គោលនយោបាយ ច្បាប់របស់បក្ស និងរដ្ឋលើវិស័យជនជាតិ ជាសំខាន់គឺកម្មវិធីទិសដៅជាតិអភិវឌ្ឍន៍សេដ្ឋកិច្ច - សង្គមតំបន់ជនរួមជាតិភាគតិចនិងតំបន់ភ្នំ; យកចិត្តទុកដាក់បណ្តុះបណ្តាលវិជ្ជាជីវៈ ដោះស្រាយការងារធ្វើ ឱ្យបុលទុនអភិវឌ្ឍផលិតកម្ម និងដោះស្រាយបានល្អនូវបញ្ហាសុខុមាលភាពសង្គមក្នុងជនរួមជាតិភាគតិច៕

អត្ថបទនិងរូប៖ ក្វឹកថាយ-វិមាន

ចែករំលែកអត្ថបទ

ពាក្យគន្លឹះ