គោលនយោបាយ -ការរស់នៅ គោលនយោបាយ

23/07/2024 - 09:22

គោលនយោបាយជនជាតិ ជួយជនរួមជាតិខ្មែរឈានឡើង

រយៈពេលកន្លង ខេត្តវិញឡុង បានផ្សព្វផ្សាយគោលនយោបាយជាច្រើនអំពីការងារជនជាតិ ម្ល៉ោះហើយជីវភាពសម្ភារៈ ស្មារតីរបស់ប្រជាជនត្រូវបានលើកស្ទួយយ៉ាងច្បាស់ អត្រាគ្រួសារក្រីក្រក្នុងជនរួមជាតិខ្មែរថយចុះ។

សាលាមត្តេយ្យនៅឃុំតឹងមី សម្រេចបទដ្ឋានជាតិ។

ស្ពានតភ្ជាប់ភូមិព្រែកនិស្ស័យនិងភូមិតាមោង ឃុំតឹងមីត្រូវបានកសាងថ្មី រថយន្តអាចបើកបរឆ្លងទៅមកបានងាយស្រួល។

ខណៈពេលគោលនយោបាយអំពីការងារជនជាតិពង្រីកប្រសិទ្ធភាព តំបន់ដែលមានជនរួមជាតិភាគតិចរស់នៅកុះករលើភូមិសាស្ត្រខេត្តវិញឡុង កាន់តែរីកចម្រើនពីមួយថ្ងៃទៅមួយថ្ងៃ។ ពិសេសអគ្គិសនី ផ្លូវថ្នល់ អគារសិក្សា និងដំណាក់សុខាភិបាល មិនត្រឹមឆ្លើយតបទៅនឹងតម្រូវការអប្បបរមាប៉ុណ្ណោះទេ នៅទាំងបានបង្កើនតាមទិសដៅសម្រេចបទដ្ឋាន។ ការងារគិតគូរដល់ជនរួមជាតិភាគតិចត្រូវបានប្រព័ន្ធនយោបាយ គ្រប់លំដាប់ថ្នាក់យកចិត្តទុកដាក់អនុវត្ត ម្ល៉ោះហើយសម្រេចបានប្រសិទ្ធភាពខ្ពស់។ ប៉ុន្មានឆ្នាំមកនេះ រណសិរ្សមាតុភូមិគ្រប់លំដាប់ថ្នាក់ក្នុងខេត្ត បានសាងសង់និងជួសជុលផ្ទះមហាសាមគ្គី ជូនគ្រួសារក្រីក្រ ប្រកៀកបន្ទាត់ក្រជាជនរួមជាតិខ្មែរចំនួន៧១ខ្នង ស្ថានីយទូរទស្សន៍វិញឡុង ក៏បានឧបត្ថម្ភសាងសង់ផ្ទះមហាសាមគ្គីជាង១ពាន់ខ្នង៘ ការគិតគូរដល់សិស្សតំបន់ជនជាតិក៏ត្រូវបានអនុវត្តល្អលើភូមិសាស្ត្រឃុំដែលមានជនរួមជាតិខ្មែររស់នៅកុះករ សព្វថ្ងៃមានសាលាមត្តេយ្យនិងសាលាចំណេះទូទៅ១៥សាលា។ ឃុំនីមួយៗតែងសម្រេចបទដ្ឋានឧត្តានកម្មអប់រំ បឋមសិក្សាត្រូវតាមកម្រិតអាយុនិងឧត្តានកម្មអប់រំអនុវិទ្យាល័យ៘ បងថាច់សើុង នៅភូមិព្រែកនិស្ស័យ ឃុំតឹងមី ស្រុកត្រាអូង ទទួលបានទឹកប្រាក់ជំនួយ៥០លានដុង សម្រាប់សាងសង់ផ្ទះមហាសាមគ្គី។ បងសើុង បង្ហើបឱ្យដឹង៖ “ក្រៅពីផ្ទះ គ្រួសារខ្ញុំថែមទាំងទទួលបានពពែញី៤ក្បាល ម្ល៉ោះហើយ ស្ងប់អារម្មណ៍ ជម្នះការលំបាកដើម្បីចាកផុតភាពក្រីក្រ”។

តាមប្រសាសន៍លោក ង៉ោវិញត្វឹង អនុប្រធានគណៈកម្មាធិការប្រជាជនឃុំតឹងមី ហេដ្ឋារចនាសម្ព័ន្ធគមនាគមន៍ត្រូវបានវិនិយោគព្រមៗគ្នា គឺជាមូលដ្ឋានគ្រឹះដើម្បីមាមីងតំបន់ជនរួមជាតិខ្មែរអភិវឌ្ឍសេដ្ឋកិច្ច។ បច្ចុប្បន្ន ដងផ្លូវចូលទៅកាន់ភូមិដែលមានជនរួមជាតិខ្មែររស់នៅកុះករ ដូច៖ ភូមិតាមោងព្រែកនិស័្សយ និងភូមិវាល៘ ត្រូវបានចាក់កៅស៊ូ ក្រាលបេតុងថ្មី ហេតុនោះ ការធ្វើដំណើរទៅមកនិងដឹកជញ្ជូនមុខទំនិញមានភាពងាយស្រួល។ ផ្តើមពីនោះ កសិផលដែលកសិករតំបន់ជនជាតិខ្មែរផលិតធានាបានតម្លៃនិងប្រាក់ចំណូលរបស់មាមីងក៏ត្រូវបានកើនឡើងផងដែរ។ លោកថាច់វិញ អ្នកមានប្រជាប្រិយនៅភូមិតាមោង ឱ្យដឹង៖ “ហេដ្ឋារចនាសម្ព័ន្ធគមនាគមន៍តភ្ជាប់ គឺជាលក្ខណៈចាំបាច់ដើម្បីប្រជាជនភូមិខ្ញុំអភិវឌ្ឍសេដ្ឋកិច្ច ឈានឡើងចាកផុតភាពក្រីក្រដោយចីរភាព”។

ព្រះតេជព្រះគុណ សើុងង៉ុកហ្វិញ ប្រធានសមាគមព្រះសង្ឃសាមគ្គីស្នេហាជាតិខេត្តវិញឡុង មានថេរដីកា៖ ការដែលភូមិភាគអនុវត្តល្អនូវគោលនយោបាយជនជាតិរបស់រដ្ឋសម្រាប់ជនរួមជាតិភាគតិច បានរួមចំណែកធ្វើឱ្យស្ថានភាពសន្តិសុខ សណ្តាប់ធ្នាប់មានស្ថិរភាព សេដ្ឋកិច្ចអភិវឌ្ឍ ជីវភាពជនរួមជាតិខ្មែរត្រូវបានកើនឡើងជាលំដាប់៕

ហាថាញ- លីសៀ

ចែករំលែកអត្ថបទ

ពាក្យគន្លឹះ