គោលនយោបាយ -ការរស់នៅ គោលនយោបាយ

15/07/2024 - 14:46

ប្រសិទ្ធភាពផ្ដើមពីកម្មវិធីទិសដៅជាតិ

ស្រុកមីស្វៀង ខេត្តសុកត្រាំង បានផ្សព្វផ្សាយប្រកបដោយប្រសិទ្ធភាពនូវកម្មវិធីទិសដៅជាតិអភិវឌ្ឍសេដ្ឋកិច្ច- សង្គមតំបន់ជនរួមជាតិភាគតិច (ហៅកាត់ថា កម្មវិធី) រួមចំណែកលើកកម្ពស់ជីវភាពជនរួមជាតិខ្មែរ។

អាស្រ័យបានឧបត្ថម្ភទុនអំពីកម្មវិធី មានកសិករខ្មែរជាច្រើននៅស្រុកមីស្វៀង ដាំដំណាំរួមផ្សំចិញ្ចឹមសត្វសម្រេចបានប្រសិទ្ធភាព។

ឃុំថាញ់ក្វើយ មានជនរួមជាតិខ្មែររស់នៅជាង៥៣%។ ក្នុងរយៈពេល២ឆ្នាំ២០២២ និង២០២៣ កម្មវិធីបានឧបត្ថម្ភដីធារផ្ទះ និងសាងសង់ផ្ទះដល់៣៧គ្រួសារ ផ្ដល់ជូនគោ ផ្លាស់ប្ដូរមុខរបរទឹកស្អាតប្រើប្រាស់ដល់៩៩គ្រួសារ។ល។ ឃុំនៅទាំងកសាងផ្លូវជនបទ ធារាសាស្រ្ត ឆ្លើយតបតម្រូវការរស់នៅនិងការប្រជុំជីវភាពរបស់ប្រជាជន។ លោកង្វៀងវ៉ាន់ង៉ាង អនុប្រធានគណៈកម្មាធិការប្រជាជនឃុំថាញ់ក្វើយ ឱ្យដឹង៖ “អាស្រ័យមានកម្មវិធីវិនិយោគ ទើបជីវភាពជនរួមជាតិខ្មែរក្នុងឃុំមានការរីកចម្រើនយ៉ាងច្បាស់ អត្រាគ្រួសារក្រីក្រក្នុងជនរួមជាតិខ្មែរថយចុះនៅត្រឹម៤២គ្រួសារ ស្រូបអត្រា០,៧%។ ទន្ទឹមនឹងនោះ ឃុំនៅទាំងផ្សព្វផ្សាយគួបផ្សំកម្មវិធីទិសដៅជាតិ ដើម្បីបង្កលក្ខណៈល្អបំផុតសម្រាប់មាមីងជនរួមជាតិខ្មែរអភិវឌ្ឍសេដ្ឋកិច្ច បង្កើនប្រាក់ចំណូល កែលម្អជីវភាព”។ បងលីវខ្វែ នៅភូមិដៃសូ ឃុំថាញ់ក្វើយ ឱ្យដឹង៖ “អាស្រ័យបានរដ្ឋជំនួយសង់ផ្ទះ ជំនួយបាសាំងទឹក អន្ទងអគ្គិសនី និងតភ្ជាប់បំពង់ទឹកស្អាតប្រើប្រាស់។ ជាពិសេស ផ្ដើមពីប្រភពទុននៃកម្មវិធី បានបង្កលក្ខណៈឱ្យខ្ញុំបុលទុន ទិញឧបករណ៍ទៅធ្វើកម្មករសំណង់ ម្ល៉ោះហើយ ឪកូនខ្ញុំទាំង៤នាក់មានការងារធ្វើជាប្រចាំ រកបានប្រាក់ចំណូលលំនឹង ជីវភាពបានធូរធារជាបណ្ដើរៗ”។

ផ្លូវជនបទនៅឃុំថាញ់ភូ ត្រូវបានកសាងផ្ដើមពីប្រភពទុននៃកម្មវិធី។

ឃុំថាញ់ភូ មានជនរួមជាតិខ្មែររស់នៅជិត៦០% ហើយបានទទួលផលពីគម្រោងជាច្រើនរបស់កម្មវិធី។ អាស្រ័យហេតុនោះ មាមីងខ្មែរមានលក្ខណសម្បត្តិអភិវឌ្ឍសេដ្ឋកិច្ច បង្កើនប្រាក់ចំណូល; ផ្លូវជនបទអគ្គិសនី ទឹកស្អាតបានវិនិយោគចុះដល់ភូមិស្រុក ម្ល៉ោះហើយជនបទតំបន់ជនរួមជាតិខ្មែរមានការវិវឌ្ឍយ៉ាងឆាប់។ កម្មវិធី ពង្រីកបានប្រសិទ្ធភាព រួមចំណែកកាត់បន្ថយអត្រាគ្រួសារជនជាតិខ្មេរក្រីក្ររបស់ឃុំនៅត្រឹម៤៨គ្រួសារ ស្មើអត្រា០,៧៦%។ លោកទ្រីវស៊ីណេ នៅភូមិសុកបឹង ឃុំថាញ់ភូ ឱ្យដឹង៖ “ប្ដីប្រពន្ធខ្ញុំបានរដ្ឋជំនួយសង់ផ្ទះ ឧបត្ថម្ភឧបករណ៍តម្កល់ទឹក ផ្ដល់ជូនគោមេ១ក្បាលនិងឧបត្ថម្ភបុលទុនអនុគ្រោះសម្រាប់គ្រួសារដែលទើបចាកផុតពីភាពក្រីក្រ ធ្វើការងាររកស៊ី។ បច្ចុប្បន្ន ប្រពន្ធខ្ញុំទៅលក់បន្លែបង្ការ ចំណែកខ្ញុំថែទាំគោនិងធ្វើការឈ្នួលនៅក្នុងភូមិភាគ រកបានប្រាក់ចំណូលលំនឹង”។

តាមប្រសាសន៍លោក ថាច់យឿងញ៉ាញ ប្រធានការិយាល័យជនជាតិស្រុកមីស្វៀង បានស្រុកយកចិត្តទុកដាក់ចង្អុលការក្នុងការផ្ដុំកម្លាំងរំសាយ ថវិកាអនុវត្តបណ្ដាគម្រោងចំណុះកម្មវិធី សំដៅបង្កលក្ខណៈឱ្យជនរួមជាតិខ្មែរមានភាពងាយស្រួលអភិវឌ្ឍសេដ្ឋកិច្ច កាត់បន្ថយភាពក្រីក្រប្រកបដោយចីរភាព។ មកដល់បច្ចុប្បន្ន កម្មវិធីបានផ្សព្វផ្សាយប្រកបដោយប្រសិទ្ធភាព រួមចំណែកធ្វើឱ្យអត្រាគ្រួសារក្រីក្រក្នុងជនរួមជាតិខ្មែររបស់ស្រុកថយចុះនៅត្រឹម១,២៨% ហើយជាស្រុកដែលមានអត្រាគ្រួសារជនជាតិខ្មែរក្រីក្រទាប ឈរលេខ២របស់ខេត្ត។ ឆ្នាំ២០២៤ ស្រុកបានបែងចែកថវិកា៧ពាន់លានដុងនិងកំពុងផ្សព្វផ្សាយអនុវត្តគម្រោងនៃកម្មវិធីចំនួន៦៕

លីធាន-វិមាន

ចែករំលែកអត្ថបទ

ពាក្យគន្លឹះ