មហាសាមគ្គីជនជាតិ គំរូក្នុងសហគមន៍

18/03/2024 - 08:58

អ្នកអស់ពីចិត្តដើម្បីភូមិស្រុក

លោកឡឹមអ៊ូន នៅភូមិត្រាកាន់ B ឃុំធ្វឹងហ្វា ស្រុកចូវថាញ់ ខេត្តសុកត្រាំង ជាអ្នកមានប្រជាប្រិយគំរូក្នុងការអភិវឌ្ឍសេដ្ឋកិច្ច កសាងគ្រួសារវប្បធម៌ និងរួមចំណែកជាច្រើនក្នុងការកសាងជនបទថ្មី ។

ទោះជាអាយុ ៨២ ឆ្នាំក៏ដោយ ជារៀងរាល់ថ្ងៃ លោកឡឹមអ៊ូនតែងតែទៅថែទាំ
ចម្ការផ្កាអង្គាសីល ៣ កុងរបស់គ្រួសារ។

កាលពីនៅក្មេង លោកឡឹមអ៊ូន តែងយកចិត្តទុកដាក់លើការអភិវឌ្ឍសេដ្ឋកិច្ច ដើម្បីចាកផុតពីភាពក្រីក្រ ឈានឡើងធូរធារ និងចិញ្ចឹមកូនរៀនសូត្របានត្រឹមត្រូវ។ នៅពេលជីវភាពបានធូរធារ កូនៗមានការងារធ្វើនិងរកបានប្រាក់ចំណូលលំនឹង លោកឡឹមអ៊ូន ក៏បានចូលរួមចំណែកជាមួយរដ្ឋអំណាចមូលដ្ឋានដើម្បីកសាងភូមិស្រុក។ បច្ចុប្បន្ន លោកឡឹមអ៊ូន មានអាយុ ៨២ ឆ្នាំ ហើយរយៈពេលជាង ១៣ ឆ្នាំ ដែលគាត់ចលនាកសាងស្ពាន ផ្លូវជនបទថ្មីនៅភូមិត្រាកាន់និងនៅតាមមូលដ្ឋាននានា។ លោកឡឹមអ៊ូន មានប្រសាសន៍៖ “ផ្លូវនិងស្ពានជនបទធំៗគឺទុកឱ្យរដ្ឋវិនិយោគកសាង ចំណែកផ្លូវជនបទនិងស្ពានតូចៗនៅតំបន់តាំងទីលំនៅ ទើបខ្ញុំចលនាមាមីងខ្មែរនិងសប្បុរសជន ចូលរួមចំណែកកសាងដើម្បីងាយស្រួលក្នុងការធ្វើដំណើរ ជួញដូរ បង្កលក្ខណៈក្នុងការអភិវឌ្ឍសេដ្ឋកិច្ចដល់ភូមិស្រុក។ ចំណែកប្រាក់ដែលរៃអង្គាស បានមកតែងប្រកាសច្បាស់លាស់ជាសាធារណៈ ជារៀងរាល់ខែនៅសាលាទាន ដើម្បីឱ្យមាមីងបានដឹងឮ។

លោកឡឹមអ៊ូន មានមោទនភាព ពេលដែលធ្វើដំណើរលើផ្លូវអាស្រ័យខ្លួនលោក
ចលនាជាមួយរដ្ឋអំណាចកសាង។

ជាច្រើនឆ្នាំមកនេះ ជាមួយការចូលរួមយ៉ាងសកម្មរបស់លោកឡឹមអ៊ូន ដងផ្លូវក្នុងភូមិនានាបានចាក់បេតុងជាង ៩០% មានប្រវែងសរុបជាង ២០ គីឡូម៉ែត្រ មានស្ពានជនបទចំនួន ១៥ ខ្សែ បានកសាងនៅក្នុងភូមិនិងភូមិជិតខាង ថវិកាជាមធ្យមអស់ជិត ៥០០ លានដុង/ឆ្នាំ បានរួមជាមួយរដ្ឋអំណាចភូមិភាគសម្រេចលក្ខឋានក្នុងការកសាងជនបទថ្មី។ ក្រៅពីនោះ លោកឡឹមអ៊ូន តែងខ្នះខ្នែងកៀរគរមាមីងខ្មែរ អនុវត្តល្អនូវគោលការណ៍ គោលមាគ៌ារបស់បក្ស គោលនយោបាយនិងច្បាប់របស់រដ្ឋ។ លោកនៅទាំងចូលរួមសម្រុះសម្រួលបានជោគជ័យក្នុងការទំនាស់វិវាទផ្ទៃក្នុងប្រជាជន។ ផ្តើមពីនោះ មាមីងខ្មែររស់នៅសាមគ្គី រួមចិត្តរួមគំនិតកសាងភូមិត្រាកាន់ B ឱ្យកាន់តែរីកចម្រើននិងស្រស់ស្អាត។ លោកឡឹមអ៊ូន ចែករំលែក៖ “តាំងពីមុនមក ខ្ញុំនិយាយគឺធ្វើ ពេលឮថាគ្រួសារណាមានវិវាទ ខ្ញុំតែងទៅដល់ផ្ទះចលនាលើកទឹកចិត្តដើម្បីឱ្យចុះសម្រុងនឹងគ្នា ទើបគ្រួសារមានសុភមង្គល។ ការរស់នៅភូមិផងរបងជាមួយ ត្រូវតែមានភាពជិតស្និទ្ធគ្នា។ ជាង១០ឆ្នាំមកនេះ ខ្ញុំចាំមិនអស់ថាបានកសាងស្ពាននិងផ្លូវជនបទប៉ុន្មាននោះទេ ប៉ុន្តែពេលឃើញផ្លូវជនបទនិងស្ពានសម្រេចរួចរាល់ ដោយមានយានយន្តចរាចរទៅមកទាំងរដូវប្រាំងនិងវស្សា ខ្ញុំកាន់តែសប្បាយរីករាយ សុភមង្គល”។

លោកស្រី ដាំងធីយ៉ីមភឿង ប្រធានគណៈកម្មាធិការប្រជាជនឃុំធ្វឹងហ្វា មានប្រសាសន៍៖ “លោកឡឹមអ៊ូន គឺជាអ្នកមានប្រជាប្រិយគំរូក្នុងការចលនាកសាងភូមិស្រុក។ ចំណុចល្អរបស់គាត់ និយាយគឺធ្វើ ចំណែកថវិកាចលនាបានមកគាត់តែងប្រកាសជាសាធារណៈ ទើបមាមីងខ្មែរមានទំនុកចិត្ត។ ដោយមានការចូលរួមយ៉ាងសកម្មរបស់លោកឡឹមអ៊ូន ក្នុងការឃោសនា ចលនា បានជាមាមីងខ្មែរយល់ច្បាស់ពីប្រយោជន៍នៃការកសាងជនបទថ្មីនិងព្រួតដៃគ្នាអនុវត្តល្អ រួមចំណែកដល់ឃុំសម្រេចបទដ្ឋានជនបទថ្មី ត្រូវតាមផែនការ”៕

យ្វីអាញ-ត្រឹងរ៉ូន

ចែករំលែកអត្ថបទ

ពាក្យគន្លឹះ