មហាសាមគ្គីជនជាតិ ភូមិស្រុកផ្លាស់ថ្មី

12/03/2024 - 16:30

ប្រសិទ្ធភាពនៃគម្រោងផ្លាស់ប្ដូរកសិកម្មប្រកបដោយចីរភាព

ឆ្លងកាត់រយៈពេល ៥ ឆ្នាំផ្សព្វផ្សាយអនុវត្តគម្រោងផ្លាស់ប្ដូរកសិកម្មប្រកបដោយចីរភាព (ហៅកាត់ថា គម្រោង VnSAT) បានបង្កជាសន្ទុះថ្មីសម្រាប់វិស័យផលិតស្រូវនៅខេត្តសុកត្រាំង។

សមាជិកក្នុងសហករណ៍កសិកម្មហឹងឡើយស្រុកឡុងភូ ផលិតស្រូវ ST២៥ សម្រេចទិន្នផលខ្ពស់ គុណភាពនិងលក់បានថ្លៃ។

គម្រោង VnSAT បានផ្សព្វផ្សាយនៅខេត្តសុកត្រាំង ចាប់ពីឆ្នាំ ២០១៦ រហូតដល់ឆ្នាំ ២០២៣ ដោយមានប្រភពទុនចំនួន ៣៣១, ៥៩១ ពាន់លានដុង។ គម្រោង VnSAT បានអនុវត្តនៅឃុំចំនួន ៣០ ចំណុះស្រុកចំនួន៦៖ កេសាច់ ឡុងភូ មីទូ ចូវថាញ់ ថាញ់ទ្រីនិងមីស្វៀង សរុបផ្ទៃដី ៤៣.០០០ ហិកតា។ យោងតាមនោះ គម្រោងបានវិនិយោគហេដ្ឋារចនាសម្ព័ន្ធ បម្រើការផលិតកម្មសម្រាប់សហករណ៍ចំនួន ១១ វិនិយោគលើអនុគម្រោងហេដ្ឋារចនាសម្ព័ន្ធសាធារណៈចំនួន១២ រួមមាន៖ ផ្លូវថ្នល់- ស្ពានជនបទលូនិងស្ថានីយបូមទឹក។ ពង្រឹងនិងពង្រីក បង្កើនគុណភាពនិងបង្កើតថ្មីក្នុងតំបន់គម្រោងសហករណ៍ចំនួន ៣១ និងបង្កើនការងារហ្វឹកហាត់បច្ចេកទេស “បន្ថយ៣ បង្កើន៣” “ត្រូវ១ បន្ថយ៥” ផលិតស្រូវពូជ; កសាងទម្រង់ចំនួន ១២ (ទ្រង់ទ្រាយ ៤០ ហិកតា/ទម្រង់) អនុវត្តលក្ខឋាននានា មានដូច៖ វាលស្រែធំ អនុវត្តយន្តូបនីយកម្មព្រមៗគ្នា អនុវត្តដំណាក់ការផលិតកម្មតាមទិសដៅសរីរាង្គ។ល។ លោកត្រឿងវ៉ាន់ហុង នាយកសហករណ៍កសិកម្មហឹងឡើយ ស្រុកឡុងភូ ឱ្យដឹង៖ “គម្រោង VnSAT យកចិត្តទុកដាក់ ពិសេសទៅលើការហ្វឹកហាត់ ផ្ទេរជូនបច្ចេកទេស ផលិតស្រូវជូនសហករណ៍ក្នុងតំបន់គម្រោង មានដូច៖ ដំណាក់ការផលិតតាមទិសដៅ “បន្ថយ៣ បង្កើន៣” “ត្រូវ១ បន្ថយ៥” ជំនួយបណ្ដុះបណ្ដាលការអនុវត្តបច្ចេកទេសជឿនលឿន អនុវត្តយន្តូបនីយកម្មព្រមៗគ្នា ដើម្បីកសិករបង្កើនប្រាក់ចំណូល បង្កើនប្រសិទ្ធភាពការគ្រប់គ្រងនិងអភិវឌ្ឍន៍សហករណ៍។ ផលិតស្រូវតាមដំណើរការបច្ចេកទេសរបស់គម្រោង បរិមាណស្រូវពូជ កាត់បន្ថយពី ៨០-១០០ គីឡូក្រាម/ហិកតា; បរិមាណជីកាត់បន្ថយពី ២៥-៣០ គីឡូក្រាម; ទិន្នផលមធ្យមភាគក្នុងរាល់រដូវកើនជិត១តោន/ហិកតា។ ប្រការសំខាន់នោះ គឺមិនត្រឹមតែមានកម្រិតលើតំបន់គម្រោងប៉ុណ្ណោះទេ ចំណេះដឹងនិងបំណិនក្នុងការអនុវត្តបច្ចេកទេសជឿនលឿនក្នុងផលិតកម្មនៅទាំងសាយភាយទៅកាន់តំបន់ជិតខាង តាមរយៈសកម្មភាពផ្សព្វផ្សាយនិងចែករំលែកបទពិសោធន៍ក្នុងសហគមន៍ទៀតផង”។

កសិករតំបន់គម្រោងនៅស្រុកឡុងភូ កំពុងប្រមូលផលស្រូវ។

លោក វឿងក្វឹកណាម អនុប្រធានគណៈកម្មាធិការប្រជាជនខេត្តសុកត្រាំង បានអះអាង៖ “គម្រោង VnSAT សម្រេចបានទិសដៅជួយកសិករផលិតកម្មស្រូវតាមទិសដៅសម្រេចគុណភាព កាត់បន្ថយតម្លៃផលិតកម្ម ចំណេញសេដ្ឋកិច្ច; ជួយកសិករផ្លាស់ប្ដូរផ្នត់គំនិត ផលិតស្រូវតាមទិសដៅប្រមូលផ្ដុំ ចងសម្ព័ន្ធជាមួយអាជីវកម្មក្នុងផលិតកម្មនិងប្រើប្រាស់។ គម្រោងរួមចំណែកកំណត់ទ្រង់ទ្រាយដល់ខេត្តមានចក្ខុវិស័យវែងឆ្ងាយ ក្នុងការផ្សព្វផ្សាយព្រមៗគ្នានូវវិធានការបង្កើនសមត្ថភាពប្រកួតប្រជែងសម្រាប់ ស្រូវ អង្ករ ដើម្បីផលិតផលអង្ករសុកត្រាំងកៀកជិតទីផ្សារជាច្រើន។ ខេត្តនឹងបន្តរក្សាបណ្ដាតំបន់ផលិតកម្មដែលអនុវត្តលក្ខឋានផលិតកម្ម ប្រកបដោយចីរភាព បង្កភាពសាយភាយទៅកាន់តំបន់ជិតខាង។ ទន្ទឹមនឹងនោះ នេះជាមូលដ្ឋានគ្រឹះសម្រាប់ខេត្តអនុវត្តល្អគម្រោង “អភិវឌ្ឍប្រកបដោយចីរភាពដំណាំស្រូវគុណភាពខ្ពស់មួយលានហិកតា កំណើនបៃតង” ស្របតាមផ្ទៃដីដែលបានចុះឈ្មោះជាមួយនឹងក្រសួងកសិកម្មនិងអភិវឌ្ឍន៍ជនបទ”៕

យ្វីអាញ់ - ថាច់ធី

ចែករំលែកអត្ថបទ

ពាក្យគន្លឹះ