ព្រឹត្តិការណ៍ - នយោបាយ ព្រឹត្តិការណ៍

04/03/2024 - 16:43

សុកត្រាំង បំប៉នចំណេះដឹងផ្នែកការងារជនជាតិជូនកម្មាភិបាល បុគ្គលិក អ្នករដ្ឋការ ២៨២ នាក់

គណៈកម្មាធិការជនជាតិខេត្តសុកត្រាំង ទើបតែរៀបចំវគ្គបំប៉នចំណេះដឹងផ្នែកការងារជនជាតិ ឋិតក្នុងអនុគម្រោងទី២ នៃគម្រោងទី៥ ដែលជាកម្មវិធីទិសដៅជាតិសម្រាប់អភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិចជូនកម្មាភិបាល បុគ្គលិក អ្នករដ្ឋការ២៨២នាក់ ដែលស្ថិតក្នុងមុខសញ្ញា៣ មុខសញ្ញា៤ នៅលើភូមិសាស្ដ្រខេត្ត។

 ទិដ្ឋភាពនៃវគ្គបំប៉នចំណេះដឹងការងារជនជាតិ។

សិក្ខាកាមចូលរួមវគ្គបំប៉ន បានគ្រូឧទ្ទេសក៍លើកឡើងពីប្រធានបទ ដូច៖ ទិដ្ឋភាពទូទៅនៃជនជាតិភាគតិចនៅវៀតណាម; ទស្សនៈ គោលនយោបាយ គោលការណ៍របស់បក្ស លើបញ្ហាជនជាតិនិងការងារជនជាតិ; ច្បាប់និងគោលនយោបាយរបស់រដ្ឋស្តីពីការអភិវឌ្ឍសេដ្ឋកិច្ច-សង្គមតំបន់ជនជាតិភាគតិច; កសាងប្រព័ន្ធនយោបាយមូលដ្ឋានរឹងមាំនៅតំបន់ជនជាតិភាគតិច; ការងារគ្រប់គ្រងរដ្ឋស្តីពីវប្បធម៌ជនជាតិភាគតិច; ការងារការពារជាតិនិងសន្តិសុខនៅតំបន់ជនជាតិភាគតិចនិងតំបន់ភ្នំ។

វគ្គបំប៉នសំដៅជួយដល់កម្មាភិបាល បុគ្គលិក អ្នករដ្ឋការ ដែលបម្រើការងារជនជាតិ លើកកម្ពស់សមត្ថភាពមុខជំនាញ វិជ្ជាជីវៈ ដើម្បីធ្វើសេនាធិការនិងកសាងរៀបចំអនុវត្តគោលនយោបាយជនជាតិក្នុងដំណាក់កាលបច្ចុប្បន្ន៕

លីធាន-មេងលី

ចែករំលែកអត្ថបទ

ពាក្យគន្លឹះ