មហាសាមគ្គីជនជាតិ ភូមិស្រុកផ្លាស់ថ្មី

22/01/2024 - 16:02

ថាញ់តឹងនាបច្ចុប្បន្ន

ឃុំថាញ់តឹង ស្រុកថាញ់ទ្រី ខេត្តសុកត្រាំង បានទទួលស្គាល់ជាឃុំសម្រេចបទដ្ឋានជនបទថ្មី នោះគឺជាសមិទ្ធផលនៃការសាមគ្គី រួមកម្លាំងស្រុះស្រួលគ្នាក្នុងបក្ខភាគ រដ្ឋអំណាចនិងប្រជាជនទូទាំងឃុំ។

ឃុំថាញ់តឹង បានទទួលស្គាល់ជាឃុំសម្រេចបទដ្ឋានជនបទថ្មី។

តាមប្រសាសន៍លោក ដងថាញញឹង ប្រធានគណៈកម្មាធិការប្រជាជនឃុំថាញ់តឹង ថាញ់តឹងជាឃុំមានជនរួមជាតិខ្មែររស់នៅជាង៤៤%; មុននេះគឺឃុំលំបាកខ្លាំង មានអត្រាគ្រួសារក្រីក្រខ្ពស់ ផ្លូវគមនាគមន៍ជនបទមិនទាន់មានការអភិវឌ្ឍ។ល។ ពេលចាប់ផ្ដើមកសាងជនបទថ្មី ឃុំផ្ដុំកម្លាំងលើការផ្សព្វផ្សាយ កៀរគរប្រជាជនព្រួតដៃជាមួយនឹងរដ្ឋអំណាចភូមិភាគ អនុវត្តលក្ខឋានកសាងជនបទថ្មី។ ទន្ទឹមនឹងនោះ ឃុំបានផ្សព្វផ្សាយផ្គួបបញ្ចូលនូវប្រភពទុនជាច្រើននៃកម្មវិធីទិសដៅជាតិ ដើម្បីកសាងគមនាគមន៍ជនបទ ធារាសាស្រ្ត សាលារៀន ស្ថានីយផ្គត់ផ្គង់ទឹក។ល។ ឆ្លើយតបតម្រូវការផលិតកម្ម ជំរុញការអភិវឌ្ឍសេដ្ឋកិច្ច-សង្គម តំបន់ជនបទ។ មកទល់បច្ចុប្បន្ន ឃុំថាញ់តឹង បានកៀរគរប្រភពទុនបូកសរុបជាង ១៨៦,៥ ពាន់លានដុង ដើម្បីកសាងសម្រេច ១៩/១៩ លក្ខឋានអំពីការកសាងជនបទថ្មី។

គមនាគមន៍ជនបទឃុំថាញ់តឹង បានចាក់បេតុងរួចរាល់។

បច្ចុប្បន្ន អត្រាគ្រួសារក្រីក្រពហុវិមាត្ររបស់ឃុំនៅត្រឹម១,៦%; គ្រួសារមានអគ្គិសនីប្រើប្រាស់ជាង៩៩%; មានទឹកស្អាតប្រើប្រាស់ជាង៨៩,៩%; ផ្លូវឃុំទាំង ១០០% បានចាក់កៅស៊ូ បេតុង ធានារថយន្តបើកបរទៅមកងាយស្រួលទាំងប្រាំងវស្សា; ផ្លូវក្នុងភូមិនិងផ្លូវភ្ជាប់ភូមិ ៩៨% ត្រូវបានចាក់បេតុង; ប្រាក់ចំណូលមធ្យមភាគលើមនុស្សម្នាក់សម្រេចជាង ៥៦,៦ លានដុង/ឆ្នាំ។ លោកលីសាង នៅភូមិ B១ ឱ្យដឹង៖ “បច្ចុប្បន្ន ផ្លូវជនបទគ្មាននៅភក់ជ្រាំទៀតហើយ ជំនួសមកវិញគឺផ្លូវបេតុងភូមិតភ្ជាប់ភូមិនិងភូមិ ម្ល៉ោះហើយ ការជួញដូរទំនិញមានភាពងាយស្រួល។ ប្រព័ន្ធធារាសាស្រ្តមានទឹកសាបខួបឆ្នាំ មាមីងខ្មែរផលិតស្រូវគុណភាពខ្ពស់ ដាំដំណាំ ចិញ្ចឹមសត្វ ហើយដល់ពេលច្រូតកាត់ឬប្រមូលផល មានឈ្មួញចុះមកទិញដល់កន្លែង ម្ល៉ោះហើយការរកស៊ីក៏ឆាប់ធ្វើមាន។ ចំណែកយុវជនទទួលបានការបណ្ដុះបណ្ដាលវិជ្ជាជីវៈ មានការងារធ្វើក្នុងក្រុមហ៊ុន ចូលរួមពលកម្មក្រៅប្រទេសមានភាពលំនឹង ម្ល៉ោះហើយអ្នកណាក៏មានជីវភាពធូរធារ ភូមិស្រុកសម្បូរសប្បាយ សុខសាន្ត”។ ចំណែកលោកថាច់ភេន នៅភូមិតឹងឡើយ ឱ្យដឹង៖ “ផ្ទះប្រក់ស្លឹកកាលពីមុន ឥឡូវបានជំនួសដោយផ្ទះឥដ្ឋយ៉ាងសមរម្យ។ ខ្ញុំពិនិត្យឃើញ ការផ្លាស់ប្ដូរធំបំផុតនៅជនបទ គឺមាមីងខ្មែរខ្នះខ្នែងអភិវឌ្ឍសេដ្ឋកិច្ច គិតគូរឱ្យកូនៗរៀនសូត្របានត្រឹមត្រូវ; អនុវត្តវិទ្យាសាស្ត្របច្ចេកទេសក្នុងផលិតកម្ម; ជំនួញពាណិជ្ជកម្មមុខទំនិញ ដើម្បីធ្វើមាន។

រយៈពេលខាងមុខ ឃុំថាញ់តឹងនឹងផ្ដុំកម្លាំងលើកកម្ពស់គុណភាពហេដ្ឋារចនាសម្ព័ន្ធជនបទ; បន្តជំនួយដើមទុន សម្ភារៈផលិតកម្មសម្រាប់អ្នកក្រ; បណ្ដុះបណ្ដាល ឧទ្ទេសនាមការងារធ្វើនៅជនបទ ដើម្បីកាត់បន្ថយភាពក្រីក្រប្រកបដោយចីរភាព កាត់បន្ថយអត្រានិកម្មភាព។ បង្កើតនូវទម្រង់ផលិតកម្មជាច្រើនប្រកបដោយប្រសិទ្ធភាព ផ្សារភ្ជាប់នឹងការផលិតនិងប្រើប្រាស់ផលិតផលជាដើម៕

យ្វីអាញ់ - ថាច់ធី

ចែករំលែកអត្ថបទ

ពាក្យគន្លឹះ