មហាសាមគ្គីជនជាតិ គំរូក្នុងសហគមន៍

22/01/2024 - 16:02

សេនាជនចល័ត ថាច់វណ្ណា សកម្មក្នុងការងារ

ថាច់វណ្ណា កើតឆ្នាំ ១៩៩៦ បច្ចុប្បន្នជាសេនាជនចល័តឃុំតឹងសើុង ស្រុកថ្កូវ ខេត្តត្រាវិញ។ បងបានថ្នាក់ដឹកនាំគណៈបញ្ជាការយោធា និងថ្នាក់ដឹកនាំភូមិភាគវាយតម្លៃខ្ពស់អំពីលក្ខណៈសកម្មក្នុងការអនុវត្តភារកិច្ចយោធា ក៏ដូចជាការចលនានៅមូលដ្ឋាន។

សេនាចល័តថាច់វណ្ណា បង្កើតផែនការសម្រាប់ខ្លួនគាត់សកម្មភាព។

អនុវត្តតាមការចាត់ចែងរបស់គណៈបញ្ជាការយោធាភូមិភាគ ក្រៅពីប្រចាំការត្រៀមលក្ខណៈទប់ទល់ជាមួយនឹងស្ថានភាពដែលអាចកើតមាន សេនាជនចល័តថាច់វណ្ណា នៅទាំងសហការជាមួយនឹងផ្នែកនគរបាល ដើម្បីចូលរួមល្បាតនៅតាមមណ្ឌលតាំងទីលំនៅ និងតាមដងផ្លូវលើភូមិសាស្រ្តបានល្អទៀតផង។ រៀងរាល់សប្ដាហ៍ បងតែងរៀបចំពេលវេលា ចូលរួមល្បាតពី ៣ ដល់ ៤ លើក ដើម្បីក្ដាប់ស្ថានភាពនិងយោបល់លើកឡើងរបស់ប្រជាជន។ ផ្ដើមពីនោះ លោកអនុវត្តល្អការងារធ្វើសេនាធិការ ជួយដល់ថ្នាក់ដឹកនាំយោធាមូលដ្ឋាន ដាក់ចេញផែនការគ្រប់គ្រងភូមិសាស្រ្តនិងអនុវត្តការងារសហការជាមួយនឹងអង្គការមហាជន នគរបាលកាន់តែមានប្រសិទ្ធភាពពីមួយថ្ងៃទៅមួយថ្ងៃ។

សេនាជនចល័ត ថាច់វណ្ណា (ខាងស្ដាំ) កំពុងពិភាក្សាយោបល់ជាមួយនឹង
លេខាសាខាបក្សភូមិដូងជ្រំ ឃុំតឹងសើុង។

បងថាច់វណ្ណា ចែករំលែក៖ “បំពេញការងារនៅមូលដ្ឋានដែលមានជនរួមជាតិខ្មែររស់កុះករ បំណងធំបំផុតរបស់ខ្ញុំ គឺចង់ឱ្យជនរួមជាតិខ្មែរគ្រប់រូបមានស្មារតីភ្ញាក់រលឹកអនុវត្តល្អគោលការណ៍ គោលមាគ៌ារបស់បក្ស ច្បាប់របស់រដ្ឋ។ អាស្រ័យហេតុនោះ ក្នុងរយៈពេលដើរល្បាតឬក្នុងទំនាក់ទំនងការងារក៏ដោយ ខ្ញុំតែងចូលរួមយោបល់ស្ថាបនា រួមចំណែកធ្វើឱ្យសណ្ដាប់ធ្នាប់សង្គមក្នុងតំបន់ជនរួមជាតិខ្មែរកាន់តែល្អប្រសើរពីមួយថ្ងៃទៅមួយថ្ងៃ”។

លោក ត្រឹងវ៉ាន់ដុង ប្រធានគណៈកម្មាធិការប្រជាជនឃុំតឹងសើុង ឱ្យដឹង៖ “សមមិត្តថាច់វណ្ណា ត្រូវបានចាត់ទុកថាជាបុគ្គលឈានមុខក្នុងការអនុវត្តបទបញ្ជាលេខ ២៧ របស់គណៈអចិន្រ្តៃយ៍នៃគណៈកម្មាធិការបក្សខេត្ត។ ក្នុងពេលបើកយុទ្ធនាការជាមួយនឹងអង្គការមហាជនភូមិភាគ សមមិត្តវណ្ណា តែងបំពាក់ឧបករណ៍សម្រាប់កាត់មែកឈើ កាប់ឆ្ការព្រៃស៊ុបទ្រុបជាដើម ដើម្បីធានាសុវត្ថិភាពទាំងមនុស្សនិងមធ្យោបាយពេលចូលរួមធ្វើចរាចរតាមដងផ្លូវ; បង្កើតឱ្យមានទិដ្ឋភាពបៃតង - ជ្រះ - ស្អាត នៅតាមដងផ្លូវឃុំជនបទថ្មី”។

សមមិត្ត ហ្វិញមិញហាយ មេបញ្ជាការយោធាឃុំតឹងសើុង ឱ្យដឹង៖ “សមមិត្តថាច់វណ្ណា តែងបង្ហាញពីលក្ខណៈសកម្មក្នុងការងារ; ក្នុងអនុវត្តភារកិច្ច សមមិត្តតែងបង្ហាញតួនាទី ភារកិច្ច ទទួលខុសត្រូវខ្ពស់។ ដ្បិតអី ចំពោះភារកិច្ចបានប្រគល់ជូនសមមិត្តតែងអនុវត្តល្អ។ សមមិត្តក៏ជាអ្នកអនុវត្តល្អការងារហ្វឹកហ្វឺនតាមកិច្ចចង្អុលការរបស់ថ្នាក់លើ។ អាស្រ័យហេតុនោះ លទ្ធផលហ្វឹកហ្វឺនរបស់សមមិត្តកាន់តែសម្រេចបានប្រសិទ្ធភាពខ្ពស់ពីមួយថ្ងៃទៅមួយថ្ងៃ”៕

សើុងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ