មហាសាមគ្គីជនជាតិ គំរូក្នុងសហគមន៍

14/11/2023 - 09:07

លេខាសម្ព័ន្ធយុវជនឃុំសកម្ម

សកម្មអស់ពីចិត្ត ឈានមុខរាល់សកម្មភាពការងារសម្ព័ន្ធយុវជន និងចលនាយុវជន កុមារ។ នោះគឺជាចំណាប់អារម្មណ៍ដែលគ្រប់គ្នាតែងរៀបរាប់ពីបងចៅសុខុម លេខាសម្ព័ន្ធយុវជនឃុំអាងកឺ ទីរួមខេត្តទិញបៀង ខេត្តអាងយ៉ាង។

បងចៅសុខុម លេខាសម្ព័ន្ធយុវជនឃុំអាងកឺ ។

ចៅសុខុម សកម្មចូលរួមការងារសម្ព័ន្ធយុវជននៅភូមិភាគ ហើយឆាប់ទទួលបានការទំនុកចិត្តបោះឆ្នោតធ្វើជាលេខាសម្ព័ន្ធយុវជនឃុំ “ខ្ញុំចូលរួមបំពេញការងារសម្ព័ន្ធយុវជនចាប់ពីឆ្នាំ ២០១៥ មកម៉្លេះ កាលនោះ ខ្ញុំជាកម្មាភិបាលសុរិយោដី-សាងសង់ និងជាលេខាសាខាសម្ព័ន្ធយុវជននៃការិយាល័យគណៈកម្មាធិការប្រជាជនឃុំអាងកឺ។ លុះដល់ខែមេសា ឆ្នាំ ២០១៧ មហាសន្និបាតសម្ព័ន្ធយុវជនកុម្មុយនិស្តហូជីមិញលើកទី VI (អាណត្តិកាល២០១៧-២០២២) ខ្ញុំចូលរួមជាបេក្ខជនឈរឆ្នោត ហើយ ត្រូវបានមហាសន្និបាតបោះឆ្នោតជាប់ជាលេខាសម្ព័ន្ធយុវជនឃុំរហូតដល់សព្វថ្ងៃ” - បងចៅសុខុម បានឱ្យដឹងដូច្នេះ។

ផ្តើមពីទង្វើល្អផ្នែកការងារកៀរគរ សាមគ្គីប្រមូលយុវជន ប៉ុន្មានឆ្នាំកន្លង សម្ព័ន្ធយុវជនឃុំអាងកឺអនុវត្តល្អសំណង់ផ្សេងៗ ចំណែកការងាររបស់យុវជន នាំមកប្រសិទ្ធភាពខ្ពស់ ត្រូវបានគណៈកម្មាធិការបក្សមានទំនុកចិត្ត ប្រជាជនស្ម័គ្រចិត្តគាំទ្រ។ តួយ៉ាងដូចសំណង់បេតុងដងផ្លូវជនបទ (បានរៀបចំកសាងផ្លូវបេតុងចំនួន៥ខ្សែ ដោយមានប្រវែងជិត ១,៨ គ.ម គិតជាទឹកប្រាក់សរុបជាង២៥០លានដុង); សំណង់ភ្លើងបំភ្លឺផ្លូវជនបទ (ដំឡើងអំពូលភ្លើងដើរដោយថាមពលព្រះអាទិត្យចំនួន ៨០ លើភូមិសាស្រ្តឃុំ គិតជាទឹកប្រាក់ ១៥០ លានដុង)។

ក្រៅពីនេះ សម្ព័ន្ធយុវជនឃុំអាងកឺ ថែមទាំងចលនាបង្កើតមូលនិធិដើម្បីអភិវឌ្ឍទម្រង់ចិញ្ចឹមគោបន្តពូជ ដោយផ្ដើមដើមទុន ១០លានដុង។ មកទល់ពេលនេះ បានឧបត្ថម្ភយុវជន ៤ គ្រួសារអភិវឌ្ឍសេដ្ឋកិច្ច។ ចាប់ពីឆ្នាំ ២០១៧ មកទល់ពេលនេះ សម្ព័ន្ធយុវជនឃុំបានចលនាសង់ផ្ទះមនុស្សធម៌ជូនប្រជាជនបាន ១៨ ខ្នង សរុបទឹកប្រាក់ជាង ៧០០ លានដុង។

ទន្ទឹមនឹងនោះ រៀបចំឱ្យសមាជិកសម្ព័ន្ធយុវជនបណ្តុះនិងដាំដើមផ្កាភួងម៉ាល័យ ៥.០០០ដើម សំដៅធ្វើឱ្យទេសភាពបរិស្ថានជនបទបៃតង-ជ្រះ-ស្អាត សរុបទឹកប្រាក់ជិត៧៥លានដុង។ ពិសេស សហការជាមួយគណៈកម្មាធិការប្រជាជនឃុំ បណ្តាអង្គការនយោបាយ-សង្គម លើភូមិសាស្រ្តនិងផ្នែកពាក់ពន្ធនានា បើកវគ្គបង្រៀនវិជ្ជាជីវៈដល់យុវជន។

ដោយមិនធុញទ្រាន់នឹងការលំបាក តែងបញ្ចេញកម្លាំងយុវវ័យរបស់ខ្លួននៅពេលចូលរួមរាល់សកម្មភាពស្ម័គ្រចិត្តដើម្បីសហគមន៍ គំរូឈានមុខក្នុងចលនា ជាពិសេស គឺផ្សព្វផ្សាយកម្មវិធីការងារដែលមានប្រយោជន៍ច្រើន ទាក់ទាញបានកម្លាំងយុវវ័យពីយុវជនឈានមុខនៅរាល់សកម្មភាពស្ម័គ្រចិត្ត។ល។ នោះគឺជាការអះអាងរបស់មនុស្សជាច្រើននៅពេលនិយាយ ពីបងចៅសុខុម។

ដោយការខ្នះខ្នែងរួមចំណែកចំពោះសកម្មភាព សម្ព័ន្ធយុវជន បងចៅសុខុម បានគណៈកម្មាធិការបក្សស្រុកទិញបៀង ជូនលិខិតសរសើរជាបក្ខជនសម្រេចភារកិច្ចឆ្នើម ៥ ឆ្នាំបន្តបន្ទាប់ (២០១៧-២០២១); និងបានគណៈកម្មាធិការទីរួមខេត្តទិញបៀង ជូនលិខិតសរសើរសម្រេចភារកិច្ចឆ្នើមការងារសម្ព័ន្ធយុវជន និងចលនាយុវជន កុមារ អាណត្តិកាល ២០២២-២០២៧។ ពោលគឺគណៈអចិន្ត្រៃយ៍នៃសម្ព័ន្ធយុវជនខេត្ត ស្ងើចសរសើរជាយុវជនជឿនលឿន ធ្វើតាមបណ្តាំអ៊ំថ្នាក់ខេត្តឆ្នាំ ២០១៦ និង២០២៣។ ជាពិសេសទៀត បងចៅសុខុមក៏ជាយុវជនម្នាក់ក្នុងចំណោមយុវជនឆ្នើមអាងយ៉ាងទាំង៦នាក់ ដែលបានចូលរួមមហាសន្និបាតយុវជនជឿនលឿនធ្វើតាមបណ្តាំអ៊ំទូទាំងប្រទេស លើកទី VII/២០២៣ ធ្វើឡើងនៅរដ្ឋធានីហាណូយ៕

យោង៖ កាសែតអាងយ៉ាង-លីសៀ

ចែករំលែកអត្ថបទ

ពាក្យគន្លឹះ