មហាសាមគ្គីជនជាតិ គំរូក្នុងសហគមន៍

15/08/2023 - 11:00

យុទ្ធជនពិការថាច់ចឿង

យុទ្ធជនពិការថាច់ចឿង កើតឆ្នាំ ១៩៥៦ នៅភូមិតាមោង ឃុំតឹងមី ស្រុកត្រាអូង តែងអនុវត្តតាមដំបូន្មានអ៊ំហូ “ពិការប៉ុន្តែមិនទុព្វលភាព”។ គាត់ពុះពារឆ្លងកាត់ការលំបាកចាកផុតភាពក្រីក្រ ធ្វើសេដ្ឋកិច្ចពូកែ។

តំណាងភូមិភាគ (ឈរ) ទៅសួរសុខទុក្ខនិងជូនអំណោយដល់យុទ្ធជនពិការថាច់ចឿង។

ពូថាច់ចឿង ចូលរួមតស៊ូប្រឆាំងអាមេរិក រំដោះប្រទេស ពេលវិលមករស់នៅជីវភាពសាមញ្ញ ដោយមានលិខិតបញ្ជាក់ជាយុទ្ធជនពិការ៤/៤។ យុទ្ធជនពិការថាច់ចឿង ជួបការលំបាកច្រើនក្នុងជីវភាពរស់នៅ។ ក្នុងចំណោម កូនរបស់គាត់ទាំង ៤ នាក់ មានកូន ២ នាក់ត្រូវពិការភ្នែកពីកំណើតដោយសាររងប៉ះពាល់ជាតិ ពុលពណ៌លឿង ណាមួយរបួសក្នុងខ្លួនគាត់ ពេលខ្លះធ្វើទុក្ខម្តងម្កាល។ ថ្វីដ្បិតដូច្នោះក្តី ដោយស្មារតីនិងគោលជំហរក្នុងនាមជាកងទ័ពអ៊ំហូ។ គាត់មានសេចក្តីព្យាយាម ស៊ូទ្រាំការលំបាក ឈានឡើងដោយឆន្ទៈមោះមុតរបស់ខ្លួន និងការជំនួយកម្លាំងឧបត្ថម្ភពីគោលនយោបាយ ផ្សេងៗរបស់បក្សនិងរដ្ឋ។ ពូថាច់ចឿង ឱ្យដឹង៖ “ក្រៅពីទទួលបានផលពីរបបគោលនយោបាយផ្សេងៗសម្រាប់យុទ្ធជនពិការគ្រប់សព្វនិងទាន់ពេល ខ្ញុំនៅទាំងទទួលបានជំនួយសង់ផ្ទះឧបការៈគុណទៀតផង។ ពិសេស ធនាគារគោលនយោបាយសង្គម ក៏បានឧបត្ថម្ភឱ្យបុលទុន ២ លើក ដោយមានទឹកប្រាក់ជាង១៥០លានដុង ដោយអត្រាការប្រាក់ទាបដើម្បីខ្ញុំវិនិយោគពង្រីកសេដ្ឋកិច្ចគ្រួសារ”។

អាស្រ័យមានទុនកម្ចីអនុគ្រោះ ពូថាច់ចឿង បានពង្រីកហ្វូងគោដើម្បីសេដ្ឋកិច្ចគ្រួសារលំនឹង។

មិនត្រឹមតែប្តេជ្ញាចិត្តឆ្លងកាត់ការលំបាកចាកផុតភាពក្រីក្រប៉ុណ្ណោះទេ ពូថាច់ចឿងថែមទាំងជាយុទ្ធជនពិការគំរូ ឈានមុខរាល់ចលនាក្នុងភូមិស្រុកទៀតផង។ លោកតែងផ្សព្វផ្សាយ ចលនាមាមីងកសាងជីវភាពវប្បធម៌ ធានាសន្តិសុខសណ្តាប់ធ្នាប់ ខ្នះខ្នែងពលកម្មផលិត បង្វែររចនាសម្ព័ន្ធដំណាំដាំដុះ ចិញ្ចឹមសត្វ។ ម្យ៉ាងទៀត ពូក៏ត្រៀមលក្ខណៈចែករំលែកបទពិសោធន៍ ជួយគ្រួសារដែលលំបាកក្នុងភូមិស្រុកជាសន្សឹមៗអភិវឌ្ឍសេដ្ឋកិច្ច ឈានឡើងលំនឹងជីវភាព។ ពូថាច់ចឿង ឱ្យដឹងបន្ថែម៖ “ខ្ញុំបានបរិច្ចាគដីឱ្យភូមិភាគអស់ ១,៥ កុង ដើម្បីធ្វើផ្លូវអភិវឌ្ឍជនបទ។ ខ្ញុំត្រេកអរណាស់ពីព្រោះសេដ្ឋកិច្ចគ្រួសារបានលំនឹង។ ទោះបីវ័យចាស់ជរាក៏ពិតមែន ប៉ុន្តែកិច្ចការណាយើងនៅធ្វើបានចេះតែខំធ្វើទៅរៀងរាល់ថ្ងៃរត់ម៉ូតូឌុប កាត់ស្មៅឱ្យគោដើម្បីអភិវឌ្ឍសេដ្ឋកិច្ចគ្រួសារ ក៏ជាការរួមចំណែកដល់ភូមិស្រុកយើងកាន់តែសម្បូរសប្បាយផងដែរ”។

លោក ង៉ោវិញត្វឹង អនុប្រធានគណៈកម្មាធិការប្រជាជនឃុំតឹងមី ស្រុកត្រាអូង ឱ្យដឹង៖ “គ្រួសារពូថាច់ចឿង គឺជាគ្រួសារគោលនយោបាយគំរូមួយ គាត់ខិតខំប្រឹងប្រែងពលកម្មផលិត ក្រៅពីចិញ្ចឹមគោពេលទំនេរពូរត់ម៉ូតូឌុបដើម្បីរកប្រាក់ចំណូលផ្គត់ផ្គង់ជីវភាពគ្រួសារទៀតផង។ ផ្តើមពីជីវភាពគ្រួសារក្រីក្រ បច្ចុប្បន្នជាមួយស្មារតីឆ្លងកាត់ការលំបាកចាកផុតភាពក្រីក្រសេដ្ឋកិច្ចគ្រួសារពូបានលំនឹង ថែមទាំងគិតគូរឱ្យកូនៗមានការងារធ្វើទៀតផង”៕

ទ្រុកម៉ាយ-លីសៀ

ចែករំលែកអត្ថបទ

ពាក្យគន្លឹះ