សុខភាព - អប់រំ អប់រំ

25/07/2023 - 10:04

លើកកម្ពស់គុណភាពអប់រំ

វិទ្យាល័យហ្វាឡើយ ស្រុកចូវថាញ់ ខេត្តត្រាវិញ កំពុងផ្តុំកម្លាំងលើកកម្ពស់គុណភាពអប់រំ ដើម្បីបន្តរក្សាខ្ជាប់កិត្តិនាមសាលាសម្រេចបទដ្ឋានជាតិ។

តំណាងវិទ្យាល័យហ្វាឡើយ ជូនអំណោយដល់សិស្សដែលមានស្ថានភាពលំបាក។

លោកគ្រូ ខាថាញឡីម នាយកវិទ្យាល័យហ្វាឡើយ ឱ្យដឹង៖ “សាលាតែងយកចិត្តទុកដាក់ដល់ការបណ្តុះបណ្តាល បំប៉នប្រភពធនធានមនុស្ស ពិសេស គឺកងជួរកម្មាភិបាល គ្រូបង្រៀន។ ផ្តើមពីនោះ ធ្វើជាឈ្នាន់ដើម្បីលើកកម្ពស់គុណភាពអប់រំដល់សិស្ស។ សាលាក៏បានយកចិត្តទុកដាក់អប់រំពីបំណិនជីវិតដល់សិស្ស ជាមួយនឹងទិសស្លោក បង្រៀនអក្សរអមនឹងការអប់រំសីលធម៌ ដើម្បីឈានដល់ការកសាងបរិស្ថានអប់រំវិជ្ជមាន សុវត្ថិភាព”។

វិទ្យាល័យហ្វាឡើយ បច្ចុប្បន្ន មានកម្មាភិបាល គ្រូបង្រៀននិងបុគ្គលិកចំនួន៧២នាក់ ដោយមានក្រុមមុខជំនាញចំនួន៧។ កម្មាភិបាល គ្រូបង្រៀននិងបុគ្គលិក១០០% មានកម្រិតវិជ្ជាជីវៈសម្រេចបទដ្ឋាននិងសម្រេចលើសបទដ្ឋាន។ ការប្រឡងប្រណាំងស្ងើចសរសើរជូនរង្វាន់ ពិន័យត្រូវបានអនុវត្តយ៉ាងពេញលេញ ស្របតាមសេចក្តីកំណត់ សមភាព និងសត្យានុម័ត។ មួយឆ្នាំៗសាលាមានសិស្សសរុប១.០០០នាក់ ភាគច្រើនគឺសិស្សជនជាតិខ្មែរ។ ប្អូនៗតែងយកចិត្តទុកដាក់សិក្សានិងគោរពលក្ខន្តិកៈសាលាបានល្អ។ លទ្ធផល គុណភាពអប់រំរៀងរាល់ឆ្នាំ ជាជំហានៗត្រូវបានលើកកម្ពស់ និងមានចីរភាព។

អ្នកគ្រូ កៀងគ្រី ជាគ្រូបង្រៀនវិញ្ញាសាជីវវិទ្យា ឱ្យដឹង៖ “បច្ចុប្បន្ន ប្រព័ន្ធបន្ទប់រៀនរបស់សាលា ត្រូវបានបំពាក់ឧបករណ៍បង្រៀនគ្រប់សព្វ។ មានមូលដ្ឋានសម្ភារៈសមរម្យ សម្រេចបទដ្ឋាន។ ខ្ញុំជាសមាជិកនៃក្រុមមុខជំនាញ វិញ្ញាសាគីមី-ជីវវិទ្យា ក្រុមតែងរៀបចំកិច្ចប្រជុំប្រចាំខែ ដើម្បីសមាជិកក្រុមផ្តោតទៅលើការពិភាក្សា លើកឡើងនូវដំណោះស្រាយ សំដៅលើកកម្ពស់គុណភាពអប់រំ។ល។ ក្នុងនាមខ្ញុំជាគ្រូបង្រៀនវិញ្ញាសាជីវវិទ្យា យើងខ្ញុំតែងបង្កើនមុខជំនាញវិជ្ជាជីវៈជារឿយៗ ដើម្បីសម្រេចឆ្នើមភារកិច្ចដែលបានប្រគល់ឱ្យ”។

បច្ចុប្បន្ន វិទ្យាល័យហ្វាឡើយ សម្រេចបទដ្ឋានជាតិកម្រិត១។ លោកគ្រូខាថាញឡីម ឱ្យដឹងបន្ថែម៖ “ដើម្បីបន្តការលើកកម្ពស់និងរក្សាខ្ជាប់លក្ខឋានសាលាសម្រេចបទដ្ឋាន សាលាក៏បានផ្សព្វផ្សាយនូវដំណោះស្រាយជាច្រើន ក្នុងនោះ ផ្តោតទៅលើការងារលើកកម្ពស់គុណភាពអប់រំ ផ្តុំកម្លាំងអនុវត្តល្អការងារពិនិត្យគុណភាពនៅដើមឆ្នាំសិក្សា។ ឆ្លងតាមរយៈនោះ ប្រគល់ភាគកម្រិតពីបរិមាណភាព គុណភាពដល់គ្រូបង្រៀនគ្រប់រូប ព្រមទាំងធ្វើការចុះឈ្មោះធានាបរិមាណភាពនិងគុណភាព តាំងពីដើមឆ្នាំសិក្សា។ ការផ្លាស់ថ្មីវិធីសាស្ត្របង្រៀនគឺជាទិសស្លោកដ៏សំខាន់នៃដំណើរការសកម្មភាពអប់រំរបស់សាលា”៕

សឺនម៉ាល័យ-មុនី

ចែករំលែកអត្ថបទ

ពាក្យគន្លឹះ