25/04/2023 - 09:32

បាក​លីវ​ បង្កើន​ការ​បង្ការ​ ទប់​ស្កាត់​ជំ​ងឺ​គ្រុន​ឈាម​

យោង​តាម​មន្ទីរ​សុខា​ភិបាល​ខេត្ត​បាក​លីវ​ ចំ​នួន​ករណី​កើត​ជំ​ងឺ​គ្រុន​ឈាម​លើ​ភូមិ​សាស្រ្ត​ខេត្ត​កើន​ឡើង​ខ្ពស់​បើ​ប្រៀប​នឹង​ឆ្នាំ​ទៅ​មិញ។​ ដូច្នេះ​ផ្នែក​សុខា​ភិបាល​ខេត្ត​ កំ​ពុង​ផ្សព្វ​ផ្សាយ​វិធាន​ការ​ជា​ច្រើន​ដើម្បី​ទប់​ស្កាត់​ជំ​ងឺ​ឱ្យ​បាន​ឆាប់​ មិន​ទុក​ឱ្យ​ជំ​ងឺ​ឆ្លង​រាល​ដាល​ក្នុង​សហគមន៍។​

វេជ្ជ​បណ្ឌិត​នៃ​មន្ទីរ​ពេទ្យ​ពហុ​ព្យា​បាល​បាក​លីវ​ ពិនិត្យ​ជំ​ងឺ​ដល់​កុមារ​កើត​ជំ​ងឺ​គ្រុន​ឈាម។

បើ​តាម​មជ្ឈ​មណ្ឌល​ត្រួត​ពិនិត្យ​ជំ​ងឺ​ខេត្ត​បាក​លីវ​ ចាប់​ពី​ដើម​ឆ្នាំ​មក​ទល់​ពេល​នេះ​ ទូទាំង​ខេត្ត​មាន​អ្នក​កើត​ជំ​ងឺ​គ្រុន​ឈាម​ ១៨៥ ករណី កើន​ ១៣ ករណី​បើ​ប្រៀប​នឹង​ឆ្នាំ​ទៅ​មិញ។​ នា​យក​មន្ទីរ​សុខា​ភិបាល​ខេត្ត​បាក​លីវ​ ប៊ូយ​ក្វឹក​ណាម ឱ្យ​ដឹង​៖ “ផ្នែក​សុខា​ភិបាល​ កំ​ពុង​បង្កើន​វិធាន​ការ​កម្ចាត់​សំ​បុក​រោគ​គ្រុន​ឈាម។​ ម្យ៉ាង​ទៀត​ ខ្នះ​ខ្នែង​ចាត់​វិធាន​ការ​កម្ចាត់​សំ​បុក​រោគ​តូចៗ​ដើម្បី​ទប់​ស្កាត់​កុំ​ឱ្យ​ជំ​ងឺ​ ឆ្លង​រាល​ដាល។​ ទន្ទឹម​នឹង​នោះ​ ចង្អុល​ការ​មជ្ឈ​មណ្ឌល​ត្រួត​ពិនិត្យ​ជំ​ងឺ​ខេត្ត​ និង​មជ្ឈ​មណ្ឌល​សុខា​ភិបាល​ស្រុក​ ទីរួម​ខេត្ត​ ក្រុង​ រៀប​ចំ​បាញ់​ថ្នាំ​គីមី​កម្ចាត់​មូស ដង្កូវ​ទឹក​នៅ​តំ​បន់​ដែល​មាន​សំ​បុក​រោគ ដើម្បី​ទប់ស្កាត់​ការ​ឆ្លង​រាល​ដាល​ទៅ​តំ​បន់​ផ្សេង​ៗ​ដែល​មាន​ប្រ​ជា​ជន​រស់​នៅ​កុះ​ករ”។​ ចំ​ពោះ​តំ​បន់​ណា​ដែល​មិន​ទាន់​រក​ឃើញ​ជំ​ងឺ​ គឺ​បង្កើន​យុទ្ធ​នា​ការ​កម្ចាត់​ដង្កូវ​ទឹក​ និង​យុទ្ធ​នា​ការ​ការ​ពារ​បរិស្ថាន​ ប្រ​មូល​សំ​រាម​ រៀប​ចំ​ពាង​ក្រឡ​តម្កល់​ទឹក​ ឬ​កន្លែង​ដែល​ដក់ទឹក​ ។ល។​ នៅ​ក្នុង​និង​ជុំ​វិញ​ផ្ទះ។​ កង​ជួរ​គ្រូ​ពេទ្យ​បាន​ណែ​នាំ​ប្រ​ជា​ជន​លើក​កម្ពស់​ស្មារតី​ភ្ញាក់​ រលឹក​រក្សា​អនា​ម័យ​បរិស្ថាន​ បើក​បង្ហូរ​លូទឹក​ស្រះ​ត្រ​ពាំង​លប់​ថ្លុក​ទឹក​ដែល​ដក់​នៅ​កន្លែង​ផ្សេង​ៗ​ និង​សកម្ម​កម្ចាត់​ដង្កូវ​ទឹក។ល។​

ចំ​ពោះ​មុខ​ការ​ប្រែ​ប្រួល​យ៉ាង​ស្មុគ​ស្មាញ​នៃ​ជំ​ងឺ​គ្រុន​ឈាម​ ប្រ​ធាន​គណៈ​កម្មា​ធិការ​ប្រ​ជា​ជន​ខេត្ត​បាក​លីវ​ ផាម​វ៉ាន់​ថេវ បាន​ចង្អុល​ការ​ដល់​មន្ទីរ​សុខា​ភិបាល​ដឹក​នាំ​សហការ​នឹង​គណៈ​កម្មា​ធិការ​ប្រ​ជា​ជន​ស្រុក​ ទីរួម​ខេត្ត​ ក្រុង​ ចង្អុល​ការ​ប្រ​ព័ន្ធ​សុខា​ភិបាល​បម្រុង​ ធ្វើ​ការ​ត្រួត​ពិនិត្យ​យ៉ាង​ដិត​ដល់​ពី​ស្ថាន​ភាព​ជំ​ងឺ​រាល​ដាល​លើ​ភូមិ​សាស្រ្ត​ ដើម្បី​ឆាប់​រក​ឃើញ​និង​ចាត់​វិធាន​ការ​ឱ្យ​បាន​ទាន់​ពេល​ កម្ចាត់​សំ​បុក​រោគ គ្រុន​ឈាម​នៅ​លើ​ភូមិ​ភាគ​; ចង្អុល​ការ​មូល​ដ្ឋាន​ ពិនិត្យ​ ព្យា​បាល​ជំ​ងឺ​ ធានា​មាន​ថ្នាំ​គ្រប់​គ្រាន់​ និង​បំ​ពាក់​បរិក្ខារ​ ម៉ា​ស៊ីន​ព្យា​បាល​; រៀប​ចំ​ឱ្យ​បាន​ល្អ​ការ​ប្រ​មូល​ព្យា​បាល​អ្នក​ជំ​ងឺ​ ចៀស​វាង​ស្ថាន​ភាព​អ្នក​ជំ​ងឺ​មិន​បាន​ពិគ្រោះ​ សង្គ្រោះ​បន្ទាន់​ ព្យា​បាល​ឬ​បញ្ជូន​ទៅ​មន្ទី​ពេទ្យ​ថ្នាក់​លើ​ ឱ្យ​បាន​ទាន់​ពេល។​ ព្រម​ជា​មួយ​នោះ​ មាន​ផែន​ការ​បែង​កម្រិត​ព្យា​បាល​ ជំ​នួយ​ដល់​មន្ទីរ​ពេទ្យ​ថ្នាក់​ក្រោម​; រៀប​ចំ​ក្រុម​ការ​ងារ​ត្រួត​ពិនិត្យ​ ចង្អុល​ការ​បង្ការ​ទប់ស្កាត់​ជំ​ងឺ​គ្រុន​ឈាម​នៅ​តាម​ចំ​ណុច​ក្តៅ​ ឬ​តំ​បន់​ផ្សេង​ៗ​ដែល​មាន​ហា​និភ័យ​ជំ​ងឺ​ផ្ទុះ​រាល​ដាល​ ជំ​នួយ​ដល់​មន្ទីរ​ពេទ្យ​ថ្នាក់​ក្រោម​ក្នុង​ការ​បង្ការ​ទប់​ស្កាត់​ជំ​ងឺ​រាល​ដាល។​

វេជ្ជ​បណ្ឌិត​ង្វៀង​ធីអៀង​ ប្រ​ធាន​ផ្នែក​ជំ​ងឺ​កុមារ​នៃ​មន្ទីរ​ពហុ​ព្យា​បាល​ខេត្ត​បាក​លីវ​ ផ្តល់​អនុសាសន៍​៖  ប្រ​ជា​ជន​ត្រូវ​ប្រ​យ័ត្ន​នឹង​ជំ​ងឺ​គ្រុន​ឈាម​ គប្បី​យក​ចិត្ត​ទុក​ដាក់​ដល់​ការ​បង្ការ​ជំ​ងឺ។​ ចំ​ពោះ​កុមារ​ឬ​មនុស្ស​ចាស់​ដែល​មាន​អា​ការៈ​គ្រុន​ក្តៅ​ ២ ថ្ងៃ​បន្ត​បន្ទាប់​ លេប​ថ្នាំ​បញ្ចុះ​កម្ដៅ​ តែ​មិន​បាត់​ គប្បី​ទៅ​កាន់​ដំ​ណាក់​សុខា​ភិបាល​ ឬ​មូល​ដ្ឋាន​សុខា​ភិបាល​នៅ​ជិត​បំ​ផុត​ ដើម្បី​ពិនិត្យ​ព្យា​បាល​ ចៀស​វាង​ស្ថាន​ភាព​ជំ​ងឺ​ប្រែ​ធ្ងន់។​ ពី​ព្រោះ​ ជំ​ងឺ​គ្រុន​ឈាម​ធ្ងន់​ធ្ងរ​ ប្រ​សិន​បើ​មិន​បាន​អន្ត​រាគមន៍​ទាន់​ពេល​នឹង​បណ្ដាល​ឱ្យ​ការ​ព្យា​បាល​ ប្រ​ពោធ​កម្ម​ដល់​អ្នក​ជំ​ងឺ​ ពិសេស​គឺក្មេង​ៗ​ជួប​ការ​លំ​បាក​ច្រើន​; អត្រា​បាត់​បង់​ជីវិត​ខ្ពស់​ អាច​នឹង​មាន​សំ​ណល់​រោគ​ដល់​កុមារ​ទៀត​ផង៕​

                                      លីធាន​-លីសៀ

ចែករំលែកអត្ថបទ