មហាសាមគ្គីជនជាតិ ភូមិស្រុកផ្លាស់ថ្មី

10/04/2023 - 16:43

សុកត្រាំង បង្កើនការងារត្រួតពិនិត្យជំងឺគ្រុនផ្តាសាយបក្សី A/H5N1

ផ្នែកបសុសត្វនិងបសុព្យាបាលខេត្តសុកត្រាំង កំពុងបង្កើនការងារត្រួតពិនិត្យជំងឺគ្រុនផ្តាសាយបក្សី A/H5N1 ដើម្បីទប់ស្កាត់ការឆ្លងនិងផ្ទុះរាលដាលនៃជំងឺ។

បុគ្គលិកផ្នែកបសុព្យាបាល ចុះបាញ់ថ្នាំបន្សាបជាតិពុលនិងកម្ចាត់មេរោគជា
ប្រចាំដល់គ្រួសារដែលចិញ្ចឹមសត្វ។

មហាបរិញ្ញា ឡឹមមុិញហ្វាង ប្រធានសាខានាយកដ្ឋានបសុសត្វនិងបសុព្យាបាលខេត្តសុកត្រាំង ឱ្យដឹង៖ ទូទាំងខេត្តមានបសុបក្សីជាង ៧ លានក្បាល អាចបំពេញតាមតម្រូវការម្ហូបអាហាររបស់សង្គម ព្រមទាំងបង្កបានការងារធ្វើនិងបង្កើនប្រាក់ចំណូលដល់ប្រជាជន។ អនុវត្តសារទូរលេខបន្ទាន់លេខ ១០៣០ ចុះថ្ងៃ ២៦/០២/២០២៣ របស់ក្រសួងកសិកម្ម និងអភិវឌ្ឍន៍ជនបទ ស្តីពីការបង្ការបង្រ្កាបស្ថានភាពដឹកជញ្ជូនសត្វស្លាប ផលិតផលបសុសត្វនាំចូលខុសច្បាប់ពីបរទេសមកកាន់ប្រទេសវៀតណាម ខេត្តបានផ្សព្វផ្សាយវិធានការដោះស្រាយ៖ ផ្សព្វផ្សាយគម្រោងចាក់វ៉ាក់សាំងបង្ការគ្រុនផ្តាសាយបក្សី A/H5N1 លើកទី ១ លើសត្វទាជាង ២៨៣.១៥០ ក្បាល និងមាន់ ៧៩៨.៩៦០ ក្បាល; រៀបចំអនុវត្តល្អដំណើរការត្រួតពិនិត្យលើការព្យាបាលនៅតាមទីតាំងចិញ្ចឹមសត្វ និងម្ចាស់ការបង្កើតផែនការត្រួតពិនិត្យ ក្រោយពីចាក់វ៉ាក់សាំងបង្ការ; ធ្វើការត្រួតពិនិត្យការចល័តនៃវីរុស ដើម្បីបង្កើតការព្យាករណ៍ឱ្យបានឆាប់រហ័សពីហានិភ័យជំងឺឆ្លងរាលដាលនិងម្ចាស់ការកសាងវិធានការក្នុងការបង្ការ ទប់ស្កាត់ប្រកបដោយប្រសិទ្ធភាព។ បង្កើនការត្រួតពិនិត្យ គ្រប់គ្រង និងដំណើរការទប់ស្កាត់ ប្រទះឃើញបានទាន់ពេល ហើយចាត់វិធានការយ៉ាងតឹងរ៉ឹង ចំពោះករណីជួញដូរនិងដឹកជញ្ជូនសត្វស្លាបនិងផលិតផលបសុសត្វខុសច្បាប់លើភូមិសាស្រ្តខេត្ត។ សហការជាមួយផ្នែកពាក់ពន្ធ បង្កើនការងារគ្រប់គ្រងការដឹកជញ្ជូននៅតាមស្ថានីយចត្តាឡីស័ក កន្លែងប្រមូលទិញភូមិសាស្រ្តជាប់ព្រំប្រទល់ជាមួយនឹងខេត្តមិត្ត និងត្រួតពិនិត្យយ៉ាងតឹងរ៉ឹងចំពោះស្ថានភាពហ្វូងបសុបក្សីក្នុងខេត្ត ពិសេស តំបន់ដែលធ្លាប់មានសម្បុកឆ្លងរោគ។ បង្កើនការផ្ដល់ព័ត៌មាននិងផ្សព្វផ្សាយដោយរូបភាពផ្សេងៗក្នុងការបង្ការ ទប់ស្កាត់ជំងឺគ្រុនផ្តាសាយបក្សីដល់គ្រួសារដែលចិញ្ចឹមសត្វ។

ពេទ្យសត្វ ចាក់វ៉ាក់សាំងបង្ការសត្វចិញ្ចឹម។

តាមប្រសាសន៍ មហាបរិញ្ញា ឡឹមមុិញហ្វាង ចាប់ពីខែកញ្ញា ឆ្នាំ ២០២២ មកដល់សព្វថ្ងៃ ផ្នែកបសុព្យាបាលខេត្ត ម្ចាស់ការនិងប្តេជ្ញាចិត្តក្នុងការត្រួតពិនិត្យជំងឺឆ្លងរាលដាល ម្ល៉ោះហើយ ទើបមិនកើតមានជំងឺគ្រុនផ្តាសាយបក្សី។ នៅឆ្នាំ ២០២២ លទ្ធផលនៃការត្រួតពិនិត្យការចល័តនៃវីរុសគ្រុនផ្តាសាយបក្សី មិនទាន់ប្រទះឃើញ វីរុសផ្តាសាយបក្សី H5N1 និង H5N6 លើសំណាកតាមដាននោះទេ។ លោកមហាបរិញ្ញា ឡឹមមុិញហ្វាង សង្កត់ធ្ងន់៖ វីរុសគ្រុនផ្តាសាយបក្សី H5N1 រីករាលដាលយ៉ាងឆាប់រហ័សនិងមានភាពស្មុគស្មាញ ដូច្នេះទើបខេត្តចង្អុលការដល់មូលដ្ឋាននានា ធ្វើការណែនាំដល់ប្រជាជនម្ចាស់ការចាក់វ៉ាក់សាំងបង្ការដល់សត្វចិញ្ចឹម បន្សាបជាតិពុល និងបាញ់ថ្នាំសម្លាប់មេរោគជាប្រចាំ រក្សាអនាម័យទ្រុងឱ្យបានស្អាតបាត ស្រឡះស្រឡំ។ ក្រៅពីនោះ ជំងឺគ្រុនផ្តាសាយបក្សី A/H5N1 ក៏អាចមានលទ្ធភាពខ្ពស់ឆ្លងទៅលើមនុស្ស ដូច្នេះ គួរផ្តល់អនុសាសន៍ដល់ប្រជាជន៖ កុំបរិភោគសាច់សត្វស្លាប ផលិតផល បសុសត្វដែលឈឺ ងាប់ និងសត្វស្លាបដែលមិនដឹងប្រភពច្បាស់លាស់; ត្រូវធានាហូបឆ្អិន ផឹកឆ្អិន; មិនត្រូវសម្លាប់សត្វ ប្រើប្រាស់សត្វ ស្លាបដែលឈឺឬងាប់ ដោយមិនដឹងពីមូលហេតុ។ ប្រសិនបើប្រទះឃើញរោគសញ្ញាគ្រុនផ្តាសាយដែលមានពាក់ព័ន្ធនឹងសត្វស្លាប ត្រូវនៅដាច់ដោយឡែក កុំទៅប៉ះពាល់ជាមួយសាច់ញាតិក្នុងគ្រួសារ គប្បីពាក់ម៉ាស់ការពារនិងទៅមណ្ឌលសុខភាពដើម្បីធ្វើរោគវិនិច្ឆ័យ និងព្យាបាលឱ្យបានទាន់ពេល៕

យុីអាញ -ត្រឹងរ៉ូន

ចែករំលែកអត្ថបទ

ពាក្យគន្លឹះ