កីឡា - ទេសចរណ៍ ទេសចរណ៍

31/10/2022 - 14:23

កឹង​ធើ ធ្វើ​ពិពិធកម្ម​សេវា​ទេស​ចរណ៍

ការ​ទាក់​ទាញ​ពី​អេកូ​ទេស​ចរណ៍​និង​ទេស​ចរណ៍​សហ​គមន៍ កំ​ពុង​តែជំរុញ​ទីក្រុង​មណ្ឈ​មណ្ឌល​តំ​បន់​វាល​រាប​ទន្លេ​គឺវ​ឡុង​ គឺ​កឹង​ធើបាន​ធ្វើ​ពិ​ពិធកម្ម​សេវា​ទេស​ចរណ៍ ដើម្បី​ “ឃាត់​ដំណើរ​” ភ្ញៀវ​ទេស​ចរ​នៅ​យូរ​ជាង​។​

បន្ទប់​លម្ហែកាយ​ប្រ​កប​ដោយ​ផាសុក​ភាព​នៅ​បាវ​យ៉ាត្រា​ងវៀង​។​

ប្រ​សិន​បើ​លោក​អ្នក​ជា​អ្នក​ភូមិ​ភាគ​ ប្រ​ហែល​ជា​មិន​ឃើញ​ទម្រង់​ទេស​ចរណ៍​នៅ​បាវ​យ៉ា​ត្រាង​វៀង​ មាន​ភាព​ទាក់​ទាញ​អា​រម្មណ៍​នោះ​ទេ។​ ប៉ុន្តែ​ចំ​ពោះ​ភ្ញៀវ​ទេស​ចរ​មក​ពី​តំ​បន់​ឆ្ងាយ​ នោះ​គឺ​ដង​ផ្លូវ​ក្រវិចក្រ​វៀន​ អូរ​ប្រ​ឡាយ​ពោរ​ពេញដោយ​ភក់​ល្បាប់​ និង​មាន​ខ្ទម​សង់​ពី​ឫ​ស្សី​ត្រជាក់​ស្រួល​ពិត​ជា​អស្ចារ្យ​ណាស់​។​ ដើម្បី​ឆ្លើយ​តប​ទៅ​នឹង​តម្រូវ​ការ​របស់​ភ្ញៀវ​ទេស​ចរ​ នៅ​ទីនេះ​ថែម​ទាំង​មាន​បន្ទប់​ជួល​ស្នាក់​នៅ​ប្រ​កប​ដោយ​ផា​សុក​ភាព​ ក្រោម​ម្លប់​ឈើ​ត្រឈឹងត្រឈៃ​ត្រជាក់​ផង​ ប្រ​កប​ដោយ​ភាព​ស្ងប់​ស្ងាត់​ផង​។​ បង​ស្រី​ដង​ធីលី នៅ​សង្កាត់​ថឿង​ថាញ់ ខណ្ឌ​កៃ​រុាំង ឱ្យ​ដឹង​៖ “សាច់​ញាតិ​របស់​ខ្ញុំ​នៅ​បរទេស​ពេល​មក​លេង​ស្រុក​ ឬ​ក៏​មក​ពីភូមិ​ភាគ​ខាង​ជើង​ តែង​ចូល​ចិត្ត​មក​សម្រាក​ លម្ហែ​នៅ​បាវ​យ៉ាត្រាង​វៀង​ ពីព្រោះ​បន្ទប់​ស្អាត​បាត​ ផា​សុក​ភាព​ តម្លៃ​សម​រម្យ​ ពិសេស​មាន​ភាព​ស្ងប់​ស្ងាត់​”។​ ក្រៅ​ពីនេះ​ ត្រាង​វៀង​ថែម​ទាំង​មាន​ជញ្ជាំង​ខ្ពស់​ ដើម្បី​ភ្ញៀវ​ទេស​ចរ​ឆ្លង​កាត់​បទ​ពិសោធន៍​ឡើង​ភ្នំ​ និង​មាន​ព្រលាន​ស្មៅ​ធំ​ទូលាយ​អាច​នឹង​រៀប​ចំ​អុជ​គប់​ភ្លើង​បោះ​ជំរំ​ និង​លេង​ល្បែង​កម្សាន្ត​ផ្សេង​ៗ​សម្រាប់​ក្រុម​ភ្ញៀវ​ទេស​ចរ​ ឬ​ក្រុម​ហ៊ុន​៘ បើ​តាម​គណៈ​កម្ម​ការ​គ្រប់​គ្រង​ត្រាង​វៀង​ ភាគ​ច្រើន​នៅ​ថ្ងៃ​ចុង​សប្តាហ៍​ ត្រាង​វៀង​មាន​ភ្ញៀវ​កុះ​ករ​ណាស់​  ពីព្រោះ​ក្រុម​ភ្ញៀវ​មក​ទេស​ចរ​កម្សាន្ត​ជា​លក្ខណៈ​សមូហ​ភាព​ដើម្បី​លម្ហែកាយ។​

អេកូទេស​ចរណ៍ លម្ហែកាយ កំ​ពុង​មាន​និន្នា​ការ​អភិវឌ្ឍ​ឆ្លើយ​តប​ចំ​ណង់​ចំ​ណូល​ចិត្ត​របស់​ភ្ញៀវ​ទេស​ចរ​នៅ​ពេល​បាន​មក​កាន់​កឹង​ធើ។​  ម្យ៉ាង​ទៀត​ ឈាន​មុខ​ក្នុង​ចំ​ណោម​ទម្រង់​ទាំង​នេះ​គួរ​តែរំលឹក​ដល់​ស្រុក​ផុង​ដៀង។​ បច្ចុប្បន្ន​ ស្រុក​តំ​បន់​ឆ្នេរ​មួយ​នេះ​ មាន​ចម្ងាយ​ពីមជ្ឈ​មណ្ឌល​ក្រុង​កឹង​ធើធ្វើ​ដំណើរ​ដោយ​ទោ​ចក្រ​យាន​យន្ត​ប្រ​មាណ​ ២០ នាទី​ និង​មាន​មណ្ឌល​ទេស​ចរណ៍​រាប់​សិប​កន្លែង​ដ៏​ទាក់​ទាញ​ ដូច​៖ លុង​កោក​កូវ​ អុងដេ និង​មីខាញ់​៘ ប្រ​សិនបើ​មណ្ឌល​ទេស​ចរណ៍​មី​ខាញ់​ លេច​ធ្លោ​ដោយ​មាន​ល្បែង​កម្សាន្ត​ស្តែង​ពី​សម័យ​សក្តិ​ភូមិ​ ឯមណ្ឌល​ទេស​ចរណ៍​អុង​ដេ ក៏​មាន​ភាព​ទាក់​ទាញ​ដោយ​ល្បែង​ប្រ​ជា​ប្រិយ​ ចំ​ណែក​កឹង​ធើ Eco Resort មាន​ភាព​ចម្រុះ​ស្ទើរ​តែគ្រប់​សកម្ម​ភាព​ដែល​មណ្ឌល​អេកូ​ទេស​ចរណ៍​នានា​មាន​ ហើយ​ថែម​ទាំង​ជា​កន្លែង​សម្រាក​លម្ហែ​កាយ​កម្រិត​ខ្ពស់​ទៀត​ផង​។​

ទេស​ចរណ៍​លម្ហែកាយ គួបផ្សំ​នឹង​ទទួល​ទាន​មុខ​ម្ហូប​អា​ហារ​ឆ្ងាញ់​ៗ​ បាន​ធ្វើ​ឱ្យ​ដំណើរ​កម្សាន្ត​របស់​ភ្ញៀវ​ទេស​ចរ​មក​កាន់​កឹង​ធើ​កាន់​តែជក់ចិត្ត​ថែម​ទៀត​។​ នៅ​ចម្ការ​ទេស​ចរណ៍​ជិញហុង​ ស្រុក​ផុង​ដៀង ភ្ញៀវ​ទេស​ចរ​អាច​នឹង​ទទួល​ទាន​ម្ហូប​អា​ហា​រដែល​មាន​លក្ខណៈ​ប្រ​ពៃណី​ ដូច​៖  នំចាក់​អំ​បែង​ នំគ្រក់​ និង​នំគម​ស្រាត​។ល។​ រស​ជាតិ​ដូច​សម័យ​ដើម​។​ ប្រ​សិន​បើ​ក្នុង​ឱកាស​ថ្ងៃ​បុណ្យ​នៅ​មណ្ឌល​ទេស​ចរណ៍​អុង​ដេវិញ​ ភ្ញៀវ​ទេស​ចរ​អាច​នឹង​បាន​ភ្លក់​រសជាតិ​ម្ហូប​អា​ហារ​បែប​សម័យ​ដើម​ និង​សម័យ​បច្ចុប្បន្ន​ ដល់​ទៅ​ ១.០០០ មុខ​ឯណោះ​៕​ 

                                   ហាថាញ-លីសៀ

ចែករំលែកអត្ថបទ