ព្រឹត្តិការណ៍ - នយោបាយ ព្រឹត្តិការណ៍

11/07/2022 - 15:38

ចលនា “តំណក់ឈាមលើដីកោះ”

គណៈចង្អុលការចលនាបរិច្ចាគឈាមស្ម័គ្រចិត្តខេត្តសុកត្រាំង គណៈចង្អុលការចលនាបរិច្ចាគឈាមស្ម័គ្រចិត្តស្រុកកូវឡាវយ៉ុង បានសហការជាមួយមន្ទីរពេទ្យលោតហិតសាស្រ្តនិងបញ្ចូលឈាមក្រុងកឹងធើ ទើបរៀបចំចលនាបរិច្ចាគឈាម ក្រោមបធានបទ “តំណក់ឈាមលើដីកោះ”។ ដោយមានសិស្ស និស្សិត កសិករ កម្មាភិបាល អ្នករដ្ឋការ បុគ្គលិក យុទ្ធជននៃកងកម្លាំងប្រដាប់អាវុធ។ល។ ចូលរួមបរិច្ចាគបាន ៣៦១ ឯកតាឈាម។

យុទ្ធជននៃកងកម្លាំងប្រដាប់អាវុធចូលរួមបរិច្ចាគឈាមស្ម័គ្រចិត្ត។

ប្រជាជនចូលរួមបរិច្ចាគឈាមស្ម័គ្រចិត្ត។

តាមប្រសាសន៍ លោកដោវ៉ាន់ត្វឹង ប្រធានសមាគមកាកបាទក្រហម អនុប្រធានគណៈចង្អុលការចលនាបរិច្ចាគឈាមស្ម័គ្រចិត្តនៅខេត្តសុកត្រាំង ស្រុកកូវឡាវយ៉ុង គឺជាអង្គភាពនាំមុខគេក្នុងចលនាបរិច្ចាគឈាមស្ម័គ្រចិត្ដ ឆ្នាំណាក៏សម្រេចនិងសម្រេចលើសភាគកម្រិតដែលថ្នាក់លើប្រគល់ឱ្យ។ ចលនាបរិច្ចាគឈាមស្ម័គ្រចិត្តរបស់ស្រុកមានការរីកសាយភាយ ដោយមានការចូលរួមពីប្រជាជនគ្រប់ជាន់ថ្នាក់ ចាប់ពីសិស្សានុសិស្សដល់កម្មាភិបាល អ្នករដ្ឋការ បុគ្គលិក យុទ្ធជននៅតាមអង្គភាពចំណុះកងកម្លាំងប្រដាប់អាវុធ និងប្រជាជន៕

 យ្វីអាញ-បកប្រែ៖ សុផន

ចែករំលែកអត្ថបទ

ពាក្យគន្លឹះ