មហាសាមគ្គីជនជាតិ គំរូក្នុងសហគមន៍

09/05/2022 - 14:25

ម្តាយកូនបងស្រីកីមកឿង

បងស្រីត្រឹងធីកីមកឿង ប្រធានសមាគមសហព័ន្ធនារីឃុំទ្រឿងស្វឹង A ស្រុកថើយឡាយ ក្រុងកឹងធើ ជូនដំណើរសិស្សទៅទទួលអាហារូបករណ៍ដែលកាសែតកឹងធើផ្ដល់ជូន។ ក្នុងចំណោមសិស្សទាំងអស់នោះ មានកូនប្រុសរបស់បងស្រីសើុងហ៊ុងយ៉ុង រៀនថ្នាក់ទី ៤A១ សាលាបឋមសិក្សាទ្រឿងស្វឹង A។

ម្តាយនិងកូនបងស្រីត្រឹងធីកីមកឿង។

ក្រោយពីពិធីជូនអាហារូបករណ៍ បងស្រីកីមកឿងឆ្លៀតនៅថែមបន្តិច ពឹងខ្ញុំថតរូបពីរបីសន្លឹកជាមួយសិស្សសំណព្វចិត្តនិងសុភាពរាបសារ ហ៊ុងយ៉ុង។ បងស្រីកីមកឿង រ៉ាយរ៉ាប់៖ “ម្ដាយខ្ញុំគាត់ផ្ដាំឱ្យថតរូបយកទៅឱ្យគាត់មើល ដើម្បីគាត់ជួយអរចំពោះចៅ។ ដ្បិតអី ចៅគាត់រៀនពូកែទើបបានទទួលអាហារូបករណ៍ គួរមោទនៈណាស់”។ ហ៊ុងយ៉ុង រៀនពូកែពិតមែន ថែមទាំងបានលោកគ្រូអ្នកគ្រូស្រឡាញ់រាប់អានដោយសារសង្វាតរៀនសូត្រ។ ថ្ងៃទទួលបានបញ្ជីឈ្មោះសិស្សដែលសាលាបឋមសិក្សាទ្រឿងស្វឹង A ផ្ញើជូនបងស្រី ត្រឹងកីមកឿង រីករាយដូចបានទៅលេងបុណ្យ ដ្បិតអីក្នុងបញ្ជីមានឈ្មោះកូនគាត់។ បងស្រីកីមកឿង ឱ្យដឹង៖ “ខ្ញុំរីករាយដោយសារកូនខ្ញុំសង្វាតរៀនសូត្រ មានស្នាដៃល្អ ទើបបានសាលាជម្រើស។ នាំយកក្ដីរីករាយនេះ មកអួតប្រាប់ម្តាយខ្ញុំ ម្តាយខ្ញុំប្រាប់ថា “វាដូចខ្ញុំកាលនៅតូច រៀនពូកែ ប៉ុន្តែគ្រួសារគ្មានលក្ខណសម្បត្តិដើម្បីទំនុកបម្រុងឱ្យខ្ញុំរៀនសូត្របានខ្ពង់ខ្ពស់”។ ហេតុនោះ ប្តីប្រពន្ធខ្ញុំត្រូវ គិតគូរឱ្យចៅគាត់រៀនសូត្របានចប់ចុងចប់ដើម”។

ផ្ទះបងស្រីកីមកឿង នៅភូមិទ្រឿងនិញ ២ ឃុំទ្រឿងស្វឹង A ចំណុះក្រុងកឹងធើ ប៉ុន្តែនៅជាប់ជាមួយនឹងឃុំតឹងហ្វា ស្រុកចូវថាញ A ខេត្តហូវយ៉ាង។ កាលនោះ នៅម្ដុំឃុំនេះមិនទាន់មានសាលាវិទ្យាល័យនិងអនុវិទ្យាល័យ ម្ល៉ោះហើយចង់រៀនវិទ្យាល័យ បងស្រីកឿង ទៅរៀននិងវិលមកផ្ទះរាល់ថ្ងៃសរុបចម្ងាយផ្លូវជិត ៥០ គីឡូម៉ែត្រ។ បងស្រីក៏ឈប់រៀនពាក់កណ្ដាលការ ដើម្បីចូលរៀនមត្តេយ្យសិក្សាកម្រិតបឋម ប៉ុន្តែគ្មានការងារធ្វើនៅជិតផ្ទះ។ ណាមួយបងស្រីមិនអាចទៅធ្វើការនៅឆ្ងាយចោលម្ដាយចាស់ជរា។ ការលំបាកក្នុងគ្រានោះ គឺការធ្វើដំណើរទៅកាន់ឃុំទ្រឿងស្វឹង A សំខាន់ដោយផ្លូវទឹក ប៉ុន្តែរៀងរាល់ថ្ងៃមានទូក-ដចុះឡើងត្រឹមតែពីរបីលើកប៉ុណ្ណោះ។

ឆ្នាំ ២០០៩ ឃុំបានចលនាបងស្រីកីមកឿង ចូលរួមបម្រើការងារនៅភូមិភាគ។ ដោយបងស្រីអនុវត្តល្អរាល់ការងារដែលបានប្រគល់ជូន ទើបឆ្នាំ ២០១៦ បងស្រីបានទទួលភារកិច្ចជាប្រធានសមាគមសហព័ន្ធនារីឃុំត្រឿងស្វឹង A រហូតមកទល់សព្វថ្ងៃ។ ក្នុងដំណើរការបំពេញការងារ បងស្រីជម្នះការលំបាកដើម្បីសម្រេចកម្មវិធីសិក្សានិងបញ្ចប់សញ្ញាបត្រមហាវិទ្យាល័យ។ បងស្រីកីមកឿង ចែករំលែក៖ “យើងមានការសិក្សារៀនសូត្រត្រឹមត្រូវ គិតគូរជីវភាពគ្រួសាររីកចម្រើន ទើបចលនាបងប្អូននារី អនុវត្តតាម។ មកទល់សព្វថ្ងៃ រាល់លក្ខឋានស្ដីពីសមាជិកចាកផុតពីភាពក្រីក្រ គិតគូរឱ្យកូនចៅរៀនសូត្ររបស់សមាជិកនារីឃុំ សុទ្ធតែសម្រេចទាំងអស់ ។ នេះជាកម្លាំងចលករសម្រាប់យើងខ្ញុំជំរុញការចលនាសមាគមនៅភូមិភាគ”៕

ហាថាញ - ថាច់ធី

ចែករំលែកអត្ថបទ

ពាក្យគន្លឹះ