មហាសាមគ្គីជនជាតិ គំរូក្នុងសហគមន៍

07/02/2022 - 14:21

ខ្នះខ្នែងអស់ពីចិត្តនឹងភូមិស្រុក

មកកាន់ភូមិសុកបឹង ឃុំថាញភូ ស្រុកមីស្វៀង ខេត្តសុកត្រាំង សួររកលោកកាវដូរ៉ា មាមីងខ្មែរនៅទីនេះអ្នកណាក៏ស្គាល់និងគោរពរាប់អានគាត់ដែរ។

លោកកាវដូរ៉ា (ជួរមុខខាងឆ្វេង) តែងអញ្ជើញទៅវត្តជួបព្រះចៅអធិការវត្ត
ពិភាក្សាការងារសាងសង់ក្នុងវត្ត។

លោកកាវដូរ៉ា ធ្លាប់ធ្វើជាប្រធានភូមិ អស់រយៈពេលជាង ២០ ឆ្នាំ ហេតុនោះ គាត់យល់ច្បាល់ពីភូមិភាគក៏ដូចជាស្ថានភាព មាមីងខ្មែរគ្រប់គ្រួសារក្នុងភូមិ។ កាលនៅធ្វើជាប្រធានភូមិ គាត់ចលនាមាមីងបរិច្ចាគដីជូនរដ្ឋ សាងសង់សាលាបឋមសិក្សាថាញ់ភូ ២ ដើម្បីកូនចៅជនរួមជាតិខ្មែរនៅភូមិភាគងាយស្រួលក្នុងការរៀនសូត្រ។ ម្យ៉ាងទៀត គាត់នៅទាំងចលនាសប្បុរសជនរៀបចំអំណោយជូនគ្រួសារក្រីក្រសង់ផ្ទះជូនគ្រួសារក្រីក្រ កសាងស្ពាន ផ្លូវជនបទ ម៉្លោះហើយគាត់តែងបានប្រជាជននៅភូមិស្រុកទំនុកចិត្ត ស្រឡាញ់រាប់អាន។ ពិសេសជាងទៀតគាត់មានកិត្តិយសបានមាមីង និងព្រះចៅអធិការវត្តអំពូយា ជ្រើសរើសជាប្រធានគណៈកម្មការវត្ត និងជាអ្នកមានប្រជាប្រិយក្នុងសហគមន៍ជនរួមជាតិខ្មែរ។ ផ្តើមពីនោះ គាត់តែងខ្នះខ្នែងផ្សព្វផ្សាយចលនាមាមីងអនុវត្តល្អនូវគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ ចលនាមាមីងខ្មែរពង្រីកធ្លុងមហាសាមគ្គី រស់នៅស្រុះស្រួល និងខិតខំពលកម្មផលិតដើម្បីជីវភាពបានធូរធារ។

លោកកាវដូរ៉ា មានប្រសាសន៍៖ “ខ្ញុំតែងប្រកាសជាសាធារណៈច្បាស់លាស់ និយាយដើរទន្ទឹមនឹងធ្វើ ហើយធ្វើកិច្ចការមានប្រយោជន៍ដើម្បីប្រជាជន ដើម្បីភូមិស្រុក។ ខ្ញុំតែងរំលឹកមាមីង ត្រូវគិតគូរឱ្យកូនចៅរៀនសូត្របានត្រឹមត្រូវ រស់នៅប្រកបដោយសុចរិត គោរពតាមច្បាប់និងព្រួតដៃរួមជាមួយនឹងរដ្ឋអំណាច កសាងភូមិស្រុក”។ ជាមួយនឹងការឃោសនា ផ្សព្វផ្សាយយ៉ាងសកម្មរបស់លោកកាវដូរ៉ា ទើបមាមីងខ្មែរនៅភូមិភាគអនុវត្តម៉ឺងម៉ាត់ការងារបង្ការ ប្រឆាំងជំងឺ COVID-១៩ និងអនុវត្តល្អសារ ៥K ពេលអញ្ជើញទៅវត្ត។ ពិសេស រៀងរាល់ថ្ងៃសីល ថ្ងៃបុណ្យសែនដូនតា បុណ្យកឋិនទាន។ល។ មាមីងអញ្ជើញមកវត្តតែងរក្សាគម្លាតសុវត្ថិភាព។

មិនត្រឹមអនុវត្តល្អតួនាទីអ្នកមានប្រជាប្រិយប៉ុណ្ណោះទេ គាត់នៅទាំងចលនាសប្បុរជនក្នុង និងក្រៅខេត្ត រួមវិភាគទានអង្ករបានជាង ៧ តោន សម្ភារៈប្រើប្រាស់ចាំបាច់ កន្ទេល មុង ខ្នើយ ។ល។ ដើម្បីឧបត្ថម្ភគ្រួសារក្រីក្រដែលរងផលប៉ះពាល់ដោយជំងឺ COVID-១៩។ ព្រះតេជព្រះគុណឡឹមសឿង ព្រះចៅអធិការវត្តអំពូយា មានថេរដីកា៖ “លោកកាវដូរ៉ា ជាមនុស្សស្លូតបូត ស្មោះត្រង់ ហើយកូនចៅក្នុងគ្រួសារតែងលុះក្នុងដំបូន្មាន បានរៀនសូត្រត្រឹមត្រូវ មានជីវភាពធូរធារ ម៉្លោះហើយមាមីងរឹតតែមានទំនុកចិត្ត។ គាត់តែងចូលរួមសកម្មភាពការងារដោយអស់ពីចិត្ត រួមចំណែកក្នុងការកសាងធ្លុងមហាសាមគ្គីក្នុងសហគមន៍មាមីងពុទ្ធបរិស័ទ កិញ ខ្មែរ ចិន ព្រមទាំងចលនាមាមីងរួមកម្លាំងកសាងវត្តអារាមនិងភូមិស្រុក”៕

យ្វីអាញ-មុនី

ចែករំលែកអត្ថបទ

ពាក្យគន្លឹះ