កីឡា - ទេសចរណ៍ ទេសចរណ៍

20/12/2021 - 08:30

គូជីមិនត្រឹមតែជាផ្លូវរូងក្រោមដីវីរភាព

កេរដំណែលប្រវត្តិសាស្រ្តផ្លូវរូងក្រោមដីគូជី (តំបន់មូលដ្ឋានគូជី) ទើបបានគណៈកម្មាធិការប្រជាជនក្រុងហូជីមិញ ទទួលស្គាល់ជាកន្លែងទេសចរណ៍។ នេះគឺជាបុព្វបទដើម្បីតំបន់មូលដ្ឋាននេះ អភិវឌ្ឍនៅពេលអនាគត។

ផ្លូវចូលរូងក្រោមដី ត្រូវបានពង្រីកធំ ដើម្បីភ្ញៀវទេសចរងាយចូលទៅក្នុង (រូបថតកាលជំងឺCOVID-១៩មិនទាន់កើតមានឡើង)។

បន្ទប់កាត់ដេរសម្លៀកបំពាក់ខាងក្នុងរូងក្រោមដី (រូបថតកាលជំងឺ COVID-១៩មិនទាន់កើតមានឡើង)។

មគ្គុទេសក៍ទេសចរណ៍ ផឹងធីប៊ិចត្វៀង អត្ថាធិប្បាយពីផ្លូវរូងក្រោមដី (រូបថតកាលជំងឺCOVID-១៩មិនទាន់កើតមានឡើង)។

ភ្ញៀវទេសចរអង្គុយផឹកតែហូបដំឡូងមី ស្ងោរនៅក្រោមម្លប់ដើមឫស្សីត្រជាក់។

បើសិនជាមិត្តនៅក្រុងហូជីមិញ ហើយចង់ទទួលយកបរិយាកាសស្រស់ស្រាយនៃតំបន់ជនបទ គប្បីទៅកាន់មណ្ឌលកេរដំណែលប្រវត្តិសាស្រ្តផ្លវរូងក្រោមដីគូជី។ ពីមុន ថ្វីដ្បិតពុំទាន់បានកំណត់ឈ្មោះជាមណ្ឌលទេសចរណ៍ ប៉ុន្តែគូជីនៅតែមានផលិតផលសំខាន់ៗដើម្បីទាក់ទាញភ្ញៀវទេសចរ។ ពីព្រោះនៅទីនេះមានដើមឈើខ្ពស់ៗ ចោលម្លប់ត្រឈឹងត្រឈៃជួយការពារបិទបាំងដល់កងទ័ព មានកៅអីវែងក្រោមជួរដើមឫស្សី មានផ្លូវលំ បត់បែន សាយក្លិនឈ្ងុយចេញពីចង្រ្កានបាយហ្វាងកឹម។ បើធ្វើដំណើររោយជើង គូជីនឹងទទួលស្វាគមន៍មិត្តដោយកន្លែងសម្រាកលម្ហែដ៏អស្ចារ្យ នោះគឺនៅក្រោមម្លប់ជួរដើមឫស្សីដ៏ត្រជាក់មានចម្រៀងដ៏ពិរោះរណ្ដំ ឬក៏ប្រព័ន្ធផ្លូវរូងតូចៗជាផ្លូវចូល ប៉ុន្តែចូលខាងក្នុងធំទូលាយ។ គូជីគឺជាទីតាំងស្វែងយល់ដ៏ទាក់ទាញ គួរឱ្យចំណាប់អារម្មណ៍និងពោរពេញដោយមោទនភាពរបស់ប្រជាជាតិវៀតណាម។ មិត្តនឹងមិននឹកស្មានថា ត្រោកកណ្តៀដ៏ធំនោះ គឺជារន្ធខ្យល់នៃប្រព័ន្ធផ្លូវរូងវែងរាប់រយគីឡូម៉ែត្រ ហើយនៅមិនឆ្ងាយពីមណ្ឌលរដ្ឋបាលអាយ៉ងអាមេរិកនោះ។

មានដើមឈើធំៗ ដូច្នេះមណ្ឌលកេរដំណែលប្រវត្តិសាស្រ្តគូជីត្រជាក់ស្រិប ភ្ញៀវទេសចរអាចដើរទស្សនាកម្សាន្ត ស្រូបយកខ្យល់ដ៏បរិសុទ្ធតាមចំណូលចិត្ត។ បើមានអារម្មណ៍អស់កម្លាំង អាចអង្គុយផឹកតែ ហូបដំឡូងមីស្ងោរល្មួតឆ្ងាញ់ ជាលិតផលរបស់គូជី។ ស្តាប់មគ្គុទេសក៍ទេសចរណ៍ ផឹងធីប៊ិចត្វៀង អត្ថាធិប្បាយ ហេតុអ្វីបានជាដូនតាយើងអាចជម្នះបាន “គ្រាប់បែក គ្រាប់កាំភ្លើង” ដើម្បីកសាងជោគជ័យផ្លូវរូង ក្រោមដីនៅជាប់នឹងសាយហ្គងយ៉ាងដូច្នេះ។ នេះគឺស្នាដៃដ៏អស្ចារ្យ ពេលត្រូវរងសម្ពាធគួរឱ្យរន្ធត់ពីគ្រាប់បែក គ្រាប់កាំភ្លើង សារធាតុគីមីរាប់តោន ប៉ុន្តែដូនតាយើងនៅតែព្យាយាមកសាងសម្រេចផ្លូវរូងក្រោមដីមានប្រវែងជាង ២០០ គីឡូម៉ែត្រ។ ផ្លូវរូងក្រោមដីគូជី រួមមាន៖ សាលប្រជុំ បន្ទប់ប្រជុំ។ល។ ឋិតនៅក្នុងប្រព័ន្ធផ្លូវរូងក្រោមដីតភ្ជាប់គ្នា។ល។

មុននឹងចាកចេញពីគូជី មិត្តអាចចូលហាងណាមួយដែលមានលក់មុខម្ហូបច្នៃពីសាច់គោ ហើយហៅបបរសាច់គោគូជី។ ម្ចាស់ហាងលើកមកឆ្នាំងបបរ ដោយមានបន្លែគ្រប់មុខ សំខាន់គឺមានកន្ទុយគោនិងដំឡូងមីគូជី។ មិនមែនធម្មតាដែលមុខម្ហូបនេះធ្វើឱ្យភ្ញៀវទេសចរ ”នឹករលឹកមិនភ្លេច”នោះទេ។ ចូរភ្លក់សាកម្តងមើល មិត្តប្រាកដជាលាន់មាត់“ឆ្ញាញ់ខ្លាំងណាស់”ជាមិនខាន៕

ហាថាញ-មុនី

ចែករំលែកអត្ថបទ

ពាក្យគន្លឹះ