មហាសាមគ្គីជនជាតិ គំរូក្នុងសហគមន៍

20/09/2021 - 07:13

លេខាបក្សថាញ់

នោះគឺជាឈ្មោះដែលប្រជាជននៅភូមិភាគធ្លាប់ហៅ បងយ័ញថាញ់ លេខាគណៈកម្មាធិការបក្ស ឃុំថើយដុង ស្រុកកើ-ដ ក្រុងកឹងធើ។

លេខាបក្ស យ័ញថាញ់។

បងថាញ់ រៀបរាប់៖ "តាមពិត មាមីងធ្លាប់ហៅខ្ញុំថាលេខាបក្សថាញ់ កាលខ្ញុំនៅធើ្វជាលេខាបក្សទីប្រជុំជនកើ-ដម៉្លេះ រហូតដល់ខ្ញុំមកធ្វើជាលេខាបក្សឃុំថើយស្វឹង មាមីងនៅតែហៅដូច្នេះដដែល ហើយហៅមកទល់សព្វថ្ងៃ"។ បងថាញ់ កើតនិងធំដឹងក្តីនៅភូមិថើយហ្វា B ទីប្រជុំជនកើ-ដ។ ផ្ទះបងនៅក្បែរវត្តសេតុត្តរ បានជាមាមីងជនជាតិខ្មែរនៅតាមឃុំថើយដុង ថើយស្វឹង និងទីប្រជុំជនកើ-ដ មកធ្វើបុណ្យសុន្ទរ៍ទាននៅវត្តនេះ ស្គាល់គាត់ស្ទើរតែទាំងអស់ ។ បងថាញ់រំលឹក៖ "កាលខ្ញុំទទួលបន្ទុកការងារប្រជាចលនារបស់ស្រុក ក៏ស្របពេលដែលត្រូវផ្សព្វផ្សាយបើកការដ្ឋានកសាងផ្លូវកៅស៊ូឆ្លងកាត់ភូមិថើយហ្វា B ដើម្បីចូលភូមិថើយស្វឹង។ មានគ្រួសារមួយចំនួនមិនយល់ស្រប ខ្ញុំរួមជាមួយភូមិភាគបានធ្វើការសម្របសម្រួល មានពេលខ្លះខ្ញុំថែមទាំងធ្វើជាអ្នកបកប្រែ ដើម្បីជួយមាមីងយល់ច្បាស់ពីផលប្រយោជន៍របស់ខ្លួនទៀតផង"។

លេខាបក្ស យ័ញថាញ់ គឺជាកម្មាភិបាលជនជាតិខ្មែរមួយរូបមានភាពវិវឌ្ឍន៍ពីមូលដ្ឋាន។ រយៈពេលជាង ២០ ឆ្នាំមុន ទោះបីជីវភាពរស់នៅមានភាពសុខដុមរមនាដោយប្រកបរបរជាជាងថតរូប ប៉ុន្តែនៅពេលភូមិភាគចលនាចូលរួមធ្វើនគរបាលភូមិ បងថាញ់ក៏យល់ព្រមភ្លាម ពីព្រោះចង់បានរួមចំណែករក្សាសន្តិសុខសណ្តាប់ធ្នាប់ជូនមាមីងក្នុងភូមិស្រុក។ បងថាញ់ ឱ្យដឹង៖ "ដើម្បីធានាជីវភាពនិងសម្រេចភារកិច្ច ខ្ញុំបានបង្រៀនឱ្យប្រពន្ធចេះវិធីថតរូប។ អាស្រ័យហេតុនោះ ទើបខ្ញុំអាចគិតគូរការងារក្នុងភូមិផង និងសេដ្ឋកិច្ចគ្រួសារបានផង"។

សមត្ថភាពរបស់បងថាញ់ ត្រូវបានថ្នាក់ដឹកនាំគ្រប់លំដាប់ថ្នាក់ទទួលស្គាល់និងផ្តល់បំប៉នជានិច្ច។ មកទល់ពេលនេះ បងសម្រេចជាស្ថាពរ ថ្នាក់នយោបាយជាន់ខ្ពស់ បញ្ចប់មហាវិទ្យាល័យនិងរៀនចប់ផ្នែកខាងបុគ្គលិកឯកទេសជំនាញផង។ មុនពេលបោះឆ្នោតកាន់តំណែងលេខាបក្សឃុំថើយដុង បងថាញ់ ជាអនុប្រធានគណៈប្រជាចលនានៃគណៈកម្មាធិការបក្សស្រុក លេខាបក្សទីប្រជុំជនកើ-ដ និងលេខាបក្សឃុំថើយស្វឹងជាដើម។ ជាអ្នកភូមិភាគ ម្ល៉ោះហើយបងថាញ់ តែងជិតដិតមូលដ្ឋាន និងយល់ច្បាស់ពីជីវភាព ទំនៀមទម្លាប់របស់ជនរួមជាតិខ្មែរ។ អាស្រ័យហេតុនោះ នៅភូមិសាស្ត្រដែលបងបម្រើការងារ ជីវភាពជនរួមជាតិខ្មែរកាន់តែរីកចម្រើនពីមួយថ្ងៃទៅមួយថ្ងៃ។ បងស្រីថាច់ធីសាង នៅភូមិថើយហ៊ឹង ឃុំថើយដុង ឱ្យដឹង៖ "ខណៈពេលខ្ញុំមិនយល់បញ្ហា អ្វីអំពីគោលនយោបាយរបស់រដ្ឋសម្រាប់ជនជាតិខ្មែរ គឺខ្ញុំទូរស័ព្ទសួរលេខាបក្សថាញ់។ ពូថាញ់នឹងពន្យល់ប្រាប់លុះត្រាតែខ្ញុំបានយល់"៕

ហាថាញ-លីសៀ

ចែករំលែកអត្ថបទ

ពាក្យគន្លឹះ