គោលនយោបាយ -ការរស់នៅ គោលនយោបាយ

16/08/2021 - 08:00

គិតគូរដល់អ្នកមានប្រជាប្រិយ

ខេត្តសុកត្រាំង បានគិតគូរល្អដល់អ្នកមានប្រជាប្រិយ ជួយពួកគាត់ពង្រីកល្អនូវតួនាទីរបស់ខ្លួននៅភូមិភាគ។

សមមិត្តប្រចាំការនៃគណៈកម្មាធិការបក្សខេត្តសុកត្រាំង សួរសុខទុក្ខ និងប្រគេនជូនទេយ្យវត្ថុដល់អ្នកមានប្រជាប្រិយក្នុងសាសនានៅឱកាសបុណ្យចូលឆ្នាំថ្មី។

ខេត្តសុកត្រាំង មានអ្នកមានប្រជាប្រិយក្នុងជនជាតិភាគតិចចំនួន ៦០៨ រូប។ ភូមិភាគតែងទៅសួរសុខទុក្ខជារឿយៗ និងជូនអំណោយក្នុងឱកាសបុណ្យទាន ឧបត្ថម្ភសម្ភារៈនិងផ្តល់ជូនបណ្ណធានារ៉ាប់រងសុខាភិបាលដល់អ្នកមានប្រជាប្រិយផងដែរ។ ទន្ទឹមនឹងនោះ រៀបចំជូនអ្នកមានប្រជាប្រិយទៅទស្សនកិច្ច សិក្សាបទពិសោធន៍នៅខេត្តផ្សេងៗ។ល។

ខេត្តក៏បានរៀបចំកិច្ចប្រជុំផ្សព្វផ្សាយ ផ្តល់ព័ត៌មានអំពីគោលការណ៍ គោលមាគ៌ារបស់បក្ស គោលនយោបាយ ក្រឹត្យច្បាប់របស់រដ្ឋ។ ស្ថានភាពនៃការអភិវឌ្ឍសេដ្ឋកិច្ច-សង្គមរបស់ភូមិភាគ និងការផ្ដល់ជូនកាសែត ទស្សនាវដ្ដី ។ល។ ដល់អ្នកមានប្រជាប្រិយជាប្រចាំ ដើម្បីពួកគាត់ក្តាប់ច្បាស់នូវព័ត៌មាន រួមចំណែកក្នុងការផ្សព្វផ្សាយ ចលនាដល់ជនរួមជាតិភាគតិច។ លោកត្រឹងលីវ អ្នកមានប្រជាប្រិយគំរូនៅឃុំលីវទូ ស្រុកត្រឹងដេ ឱ្យដឹង៖ “ខ្ញុំបានទទួលនូវរបបគោលនយោបាយគ្រប់សព្វ និងអនុវត្តល្អនូវតួនាទីរបស់ខ្លួនជានិច្ច។ ខ្ញុំតែងចលនាមាមីងខ្មែរអនុវត្តល្អផ្នត់រស់នៅវប្បធម៌ និងរួមចំណែកទឹកប្រាក់រាប់រយលានដុង ដើម្បីកសាង លូបង្ហូរទឹក ស្ពាន-ផ្លូវគមនាគមន៍ជនបទ ឬជួយដល់អ្នកក្រីក្រ។ល។ ពិសេស មាមីងក្នុងភូមិ ស្រុកតែងសាមគ្គី ជួយគ្នាអភិវឌ្ឍសេដ្ឋកិច្ច ញុាំងឱ្យភូមិបឹងត្រៀកកាន់តែសម្បូរសប្បាយពីមួយថ្ងៃទៅមួយថ្ងៃ”។ រីឯលោកសើុងសុខហៀង នៅឃុំថាញ់តឹង ស្រុកថាញ់ទ្រី ឱ្យដឹង៖ “ក្នុងនាមជាអ្នកមានប្រជាប្រិយនិងប្រធានគណៈកម្មការវត្តពងទឹកចាស់ ខ្ញុំតែងផ្សព្វផ្សាយនូវគោលការណ៍របស់បក្ស ក្រឹត្យច្បាប់របស់រដ្ឋដល់ជនរួមជាតិខ្មែរជានិច្ច។ ជាពិសេស គឺផ្សព្វផ្សាយពីការបង្ការប្រឆាំងជំងឺ COVID-១៩ ដើម្បីមាមីងខ្មែរអនុវត្តយ៉ាងម៉ឺងម៉ាត់ក្នុងគ្រួសារនិងសហគមន៍”។

គណៈជនជាតិខេត្ត សួរសុខទុក្ខនិងជូនអំណោយដល់អ្នកមានប្រជាប្រិយក្នុងជនរួមជាតិខ្មែរ។

តាមប្រសាសន៍លោក ឡឹមសិដ្ឋ ប្រធានគណៈជនជាតិខេត្តសុកត្រាំង អ្នកមានប្រជាប្រិយ គឺជាជំនួយការដ៏ពិសេស ជាស្ពានតភ្ជាប់របស់គណៈកម្មាធិការបក្ស រដ្ឋអំណាចគ្រប់លំដាប់ថ្នាក់ ក្នុងការពាំនាំនូវគោលការណ៍ គោលមាគ៌ារបស់បក្ស ក្រឹត្យច្បាប់របស់រដ្ឋដល់មាមីងជនជាតិភាគតិច។ រយៈពេលខាងមុខ ខេត្តនឹងផ្សព្វផ្សាយអនុវត្តនូវគោលនយោបាយជាច្រើនទៀតម្រាប់ឧបត្ថម្ភអ្នកមានប្រជាប្រិយ និងគ្រួសារពួកគាត់ សំដៅជំរុញលើកទឹកចិត្តអ្នកមានប្រជាប្រិយ ខ្នះខ្នែងចូលរួមនិងសម្រេចល្អភារកិច្ចដែលគណៈកម្មាធិការបក្សនិងរដ្ឋអំណាចប្រគល់ជូន៕

លីធាន-លីសៀ

ចែករំលែកអត្ថបទ

ពាក្យគន្លឹះ