មហាសាមគ្គីជនជាតិ ភូមិស្រុកផ្លាស់ថ្មី

02/08/2021 - 08:32

សកលវិទ្យាល័យកឹងធើ រំញោចបង្កើតដោយសិប្បនិម្មិតជោគជ័យលើត្រីឈ្វាតឆ្នូត

ក្រោយពីមួយរយៈកាលអនុវត្តការស្រាវជ្រាវ តាមរយៈបធានបទ៖ “សិក្សាលក្ខណជីវសាស្រ្តមួយចំនួននៃការបង្កើត និងផលិតពូជត្រីឈ្វាតឆ្នូត” ក្រុមកម្មាភិបាលស្រាវជ្រាវនៅផ្នែកជលផល - សកលវិទ្យាល័យកឹងធើ និងអ្នកធ្វើនិក្ខេបទ ត្រឹងដុងភឿងអាង បានធ្វើការរំញោចបង្កើតដោយសិប្បនិម្មិតជោគជ័យលើត្រីឈ្វាតឆ្នូត។

 ត្រីឈ្វាតឆ្នូត។

ត្រីឈ្វាតឆ្នូត មានឈ្មោះជាភាសាអង់គ្លេស Giant pangasius និងឈ្មោះវិទ្យាសាស្រ្ត Pangasius macronema ។ នៅតំបន់វាលរាបទន្លេគឺវឡុង ត្រីឈ្វាតឆ្នូត ត្រូវបានគេប្រទះឃើញនៅទន្លេតៀង និងទន្លេហូវ ចំណុះភូមិសាស្រ្តជាច្រើនខេត្ត ក្រុង មានដូច៖ អាងយ៉ាង ដុងថាប កឹងធើ សុកត្រាំង ។ល។ ត្រីឈ្វាតឆ្នូតធំបំផុតគឺ ៤០០ ក្រាម/ក្បាល។ ត្រីមានប្រវែងពី ២ ទៅ ២,៧ សង់ទីម៉ែត្រ ឯត្រីឈ្មោលមានទំហំធំបំផុតប្រមាណ ៣០ សង់ទីម៉ែត្រ។ នេះប្រភេទត្រីតូចបំផុតក្នុងពូជ Pangasiidae ។ ថ្វីដ្បិតតែដូច្នោះ ត្រីឈ្វាតឆ្នូតមានគុណភាពសាច់ក្រអូបឆ្ងាញ់និងសម្បូរដោយជីវជាតិ ម៉្លោះហើយអាចលក់បានក្នុងតម្លៃខ្ពស់ពី ១២០.០០០ ទៅ ១៥០.០០០ ដុង/គីឡូក្រាម ឬលើសពីនេះ។ រយៈពេលកន្លង ដោយមិនទាន់ផលិតបានកូនពូជសិប្បនិម្មិត ម៉្លោះហើយប្រជាជននៅភូមិភាគ អ្នកដែលចង់ចិញ្ចឹមត្រូវទៅរកចាប់កូនពូជពីធម្មជាតិ ម៉្លោះហើយនៅខ្វះប្រភពកូនពូជ ពិបាកក្នុងការពង្រីកចិញ្ចឹមដោយទ្រង់ទ្រាយធំ ទោះជាប្រសិទ្ធភាពសេដ្ឋកិច្ចនាំមកពីប្រភេទត្រីនេះខ្ពស់ក៏ដោយ ។

យោងតាមផ្នែកជលផល - សាកលវិទ្យាល័យកឹងធើ លើកដំបូងដែលត្រីឈ្វាតឆ្នូតនៅវាលរាបទន្លេគឺវឡុង ត្រូវបានបង្កាត់ពូជដោយសិប្បនិម្មិតសម្រេចជោគជ័យ នឹងបើកនូវក្តីសង្ឃឹមជាច្រើន ដើម្បីអភិវឌ្ឍពូជត្រីពិសេសដែលមានតម្លៃសេដ្ឋកិច្ចខ្ពស់នាពេលអនាគត។ តាមរយៈបធានបទ៖ “សិក្សាលក្ខណជីវសាស្រ្តមួយចំនួននៃការបង្កើតនិងផលិតពូជត្រីឈ្វាតឆ្នូត” អាស្រ័យដោយមន្ទីរវិទ្យាសាស្ត្រនិងបច្ចេកវិទ្យាក្រុងកឹងធើឧបត្ថម្ភផ្នែកជលផល - សាកលវិទ្យាល័យកឹងធើ មិនត្រឹមតែតម្រង់ទិសកសាងដំណើរការបច្ចេកទេសសម្រាប់ការផលិតពូជដោយសិប្បនិម្មិត ដើម្បីរួមចំណែកធ្វើពិពិធកម្មចំពោះជលផលប៉ុណ្ណោះទេ ថែមទាំងចង់រួមចំណែកជាមូលដ្ឋាន ដើម្បីកំណត់ទិសធ្វើអាជីវកម្ម និងអភិរក្សពូជត្រីនេះនៅក្នុងធម្មជាតិទៀតផង៕

វ៉ាន់កុង-វ៉ាន់តឹន

ចែករំលែកអត្ថបទ

ពាក្យគន្លឹះ