មហាសាមគ្គីជនជាតិ គំរូក្នុងសហគមន៍

02/08/2021 - 08:32

ជួយជនរួមជាតិខ្មែរតំបន់ព្រំដែន មានចំណេះដឹងបន្ថែមអំពីច្បាប់

ដោយភារកិច្ចក្នុងនាមជាប្រធានក្រុមសើុបការណ៍ប៉ុស្តិ៍ការពារព្រំដែនភូមី ស្រុកយ៉ាងថាញ់ ខេត្តគៀងយ៉ាង អនុសេនីយ៍ឯកបម្រុង យ័ញហាយ តែងច្បាមភូមិសាស្ត្រ ពិសេសបានអនុវត្តល្អការងារផ្សព្វផ្សាយច្បាប់ជូនមាមីងតំបន់ព្រំដែន។

អនុសេនីយ៍ឯកបម្រុង យ័ញហាយ (ឈរ) ក្នុងពេលផ្សព្វផ្សាយច្បាប់ដល់ព្រះសង្ឃនិងមាមីងតំបន់ព្រំដែន។

ក្នុងប៉ុន្មានថ្ងៃដំបូងដែលមកទទួលការងារ ដោយចំណេះដឹងដែលបានមកពីការរៀនសូត្រក្នុងសាលា គួបផ្សំនឹងការយល់ដឹងរបស់ខ្លួន យ័ញហាយ បានចាប់ផ្ដើមកិច្ចការដោយរលូនដែលថ្នាក់លើប្រគល់ជូន។ ម្យ៉ាងទៀត យ័ញហាយ បានផ្តល់ជាគំនិតនិងរបៀបធ្វើល្អៗ ក្នុងការពាំនាំចំណេះដឹងផ្នែកខាងច្បាប់ ផ្តល់ជូនជនរួមជាតិខ្មែរនៅតំបន់ព្រំដែន។ ក្នុងនោះ ផ្តុំកម្លាំងអនុវត្តគម្រោងឃោសនាផ្សព្វផ្សាយអប់រំច្បាប់ដល់កម្មាភិបាល និងប្រជាជនតំបន់ព្រំដែន។ ពោលគឺការងារដែលយ័ញហាយ ធ្វើត្រូវបានគណៈកម្មាធិការបក្ស បញ្ជាការអង្គភាព មិត្តរួមកង រដ្ឋអំណាចនិងប្រជាជនតំបន់ព្រំដែនគាំទ្រជានិច្ច។ អនុសេនីយ៍ឯកបម្រុង យ័ញហាយ បានស្រាវជ្រាវលិខិតបទដ្ឋានណែនាំ ឬអនុក្រឹត្យ បទបញ្ជាគោលការណ៍របស់បក្ស ក្រឹត្យច្បាប់របស់រដ្ឋ រាល់បទប្បញ្ញត្តិរបស់ភូមិភាគ ឬក៏ចងក្រងអត្ថបទផ្សព្វផ្សាយជាភាសាវៀតនិងខ្មែរ។ បន្ទាប់មក បងក៏ទៅជួបប្រជាជននៅនឹងវត្តតាមភូមិស្រុក និងចុះទៅតាមផ្ទះ ឬតំបន់តាំងទីលំនៅ។ល។ ដើម្បីផ្សព្វផ្សាយដោយភាពជិតដិត ស្និទ្ធស្នាល ម្ល៉ោះហើយនាំមកប្រសិទ្ធភាពខ្ពស់។

ស្ថិតក្នុងស្ថានភាពជំងឺ COVID-១៩ ផ្ទុះរាលដាលក្នុងនិងក្រៅតំបន់ព្រំដែន អនុសេនីយ៍ឯកបម្រុង យ័ញហាយ ចូលរួមប្រចាំការក្នុងប៉ុស្តិ៍ផង ច្បាមភូមិសាស្ត្រដែលក្នុងតួនាទីប្រធានក្រុមសើុបការណ៍ ជាកម្មាភិបាលផ្សព្វផ្សាយផង ជាអ្នកបកប្រែផង ធ្វើយ៉ាងណាដើម្បីពាំនាំព័ត៌មានពីស្ថានភាពជំងឺរាលដាល និងចំណេះដឹងក្នុងការបង្ការ បង្ក្រាបជំងឺជូនជនរួមជាតិតំបន់ព្រំដែន។ អនុសេនីយ៍ឯកបម្រុង យ័ញហាយ រៀបរាប់៖ “ខ្លួនខ្ញុំកើតនិងធំដឹងក្តីនៅតំបន់ព្រំដែននេះ ម្ល៉ោះហើយត្រូវតែបញ្ចេញអស់ពីសមត្ថភាព ដើម្បីផ្សព្វផ្សាយចំណេះដឹងច្បាប់ដល់មាមីង។ ធ្វើយ៉ាងណាដើម្បីប្រជាជនយល់ច្បាស់ពីច្បាប់ បទកំណត់របស់ភូមិភាគ មានចំណេះដឹង ដើម្បីអនុវត្តវិទ្យាសាស្ត្រ បច្ចេកទេសក្នុងការបង្កបង្កើនផល ឈានឡើងចាកផុតពីភាពក្រីក្រ”។

វរសេនីយ៍ត្រី ផាមក្វាងខ្វា អនុប្រធានប៉ុស្តិ៍ការពារព្រំដែនភូមី ឱ្យដឹង៖ គណៈកម្មាធិការបក្ស គណៈបញ្ជាការប៉ុស្តិ៍តែងមានទំនុកចិត្តទៅលើការខ្នះខ្នែង និងការអស់ពីចិត្តរបស់សមមិត្តហាយ ជានិច្ច។ អនុវត្តគោលលំនាំ “កម្មាភិបាលការពារព្រំដែនប៉ិនកិច្ចការមួយយល់ដឹងច្រើនកិច្ចការ” ក្នុងនាមជាប្រធានក្រុមសើុបការណ៍ សមមិត្តបានច្បាម ក្តាប់ភូមិសាស្ត្រ។ ច្បាមប្រជាជន ក្តាប់បំណងប្រាថ្នារបស់មាមីងលើភូមិសាស្រ្តដើម្បរាយការណ៍ទាន់ពេល ជួយអ្នកបញ្ជាការអនុវត្តល្អភារកិច្ចនយោបាយរបស់ខ្លួន៕

ឡេស៊ាង-លីសៀ

ចែករំលែកអត្ថបទ

ពាក្យគន្លឹះ