វប្បធម៌-សិល្បៈ វប្បធម៌

26/07/2021 - 08:41

ប្រសិទ្ធភាពនៃចលនាកសាង“គ្រួសារវប្បធម៌”

ចលនាកសាងកិតិ្តនាម “គ្រួសារវប្បធម៌” ក្នុងជនរួមជាតិខ្មែរនៅខេត្តសុកត្រាំង មានការផុសផុលយ៉ាងខ្លាំង រួមចំណែកកសាងជនបទតំបន់ជនរួមជាតិខ្មែរកាន់តែមានភាពផ្លាស់ថ្មី។

គ្រួសារវប្បធម៌នៅឃុំភូមី តែងយកចិត្តទុកដាក់ឱ្យកូនចៅរៀនសូត្រ។

តាមលោកថាច់មិញឡី អនុប្រធានគណៈកម្មាធិការប្រជាជនឃុំភូមី ស្រុកមីទូ ឱ្យដឹង៖ ឃុំមានជនជាតិខ្មែររស់នៅជាង ៩២%។ ទិសដៅនៃការចលនាទូទាំងប្រជាជនសាមគ្គីកសាងជីវភាពវប្បធម៌នៅតំបន់តាំងទីលំនៅ គឺដើម្បីក្លាយទៅជាផ្នត់រស់នៅ និងការប្រព្រឹត្តិមានអារ្យធម៌ក្នុងគ្រួសារ កសាងគ្រួសារសុខដុមរមនា សុភមង្គលនិងជឿនលឿន។ កសាងផែនមហាសាមគ្គី មនោសញ្ចេតនាភូមិផងរបងជាមួយ។ល។ តាំងពីនោះ ប្រជាជនខ្នះខ្នែងចុះឈ្មោះអនុវត្តលក្ខឋាន កសាងកិត្តិនាម “គ្រួសារវប្បធម៌”។ បច្ចុប្បន្ន ឃុំមានគ្រួសារប្រជាជនជាង ៩៣% បានទទួលស្គាល់កិត្តិនាម “គ្រួសារវប្បធម៌” រួមចំណែកច្រានថយបាបគ្រោះសង្គម រក្សាសន្តិសុខសណ្តាប់ធ្នាប់នៅមូលដ្ឋាន។

លោកថាច់សេម នៅភូមិដៃដូនអុយ ឃុំភូមី ជាគ្រួសារវប្បធម៌គំរូ ផ្សារភ្ជាប់នឹងរបរគ្រូបង្រៀន ៣ ជំនាន់ ហើយបានមាមីងគោរពស្រឡាញ់។ ទោះបីគាត់មានអាយុ ៩០ ឆ្នាំហើយក្តី គាត់នៅតែចូលរួមយ៉ាងសកម្មចំពោះចលនាទូទាំងប្រជាជនសាមគ្គីកសាងជីវភាពវប្បធម៌ ជួយដល់គ្រួសារក្រីក្រនិងកសាងភូមិស្រុកស្រស់ស្អាត។ គាត់បានចលនាសប្បុរសជនបរិច្ចាគអង្ករជាង ១ តោននិងអំណោយរាប់រយចំណែកដើម្បីជួយអ្នកក្រនិងមនុស្សចាស់អនាថា។ ចលនាដល់គ្រូបង្រៀនចូលនិវត្តន៍រួមវិភាគទានប្រាក់ជាង ២០ លានដុង ដើម្បីជួយគ្រួសារខ្វះខាតមានមនុស្សស្លាប់។ ទន្ទឹមនឹងនោះ គាត់ក៏បានចលនាកសាងនិងជួសជុលស្ពានបេតុងចំនួន ៤ ខ្សែ និងផ្លូវចូលកាន់ភូមិប្រវែង ២១០០ មែ៉ត្រ។ ដាក់ខ្សែនិងដំឡើងអំពូលភ្លើងបំភ្លឺផ្លូវចូលទៅភូមិដៃដូនអុយចំនួន ៣៥ អំពូល។ល។ ដោយចំណាយប្រាក់អស់ជាង ១ ពាន់លានដុង។ លោកថាច់សេម មានប្រសាសន៍៖ “កូនៗខ្ញុំស្លូតបូត ចេះស្តាប់បង្គាប់ឪពុកម្តាយ និងចេះគួរសមនឹងអ្នកជិតខាង ដូច្នេះដល់ជំនាន់ចៅៗក៏នៅតែបែបនេះដែរ។ ចំពោះខ្ញុំវិញចូលនិវត្តន៍ហើយ ខ្ញុំទៅធ្វើការងារសប្បុរសធម៌និងចលនាមាមីងកសាងភូមិស្រុកឱ្យបានស្រស់ស្អាតដើម្បីឱ្យសក្ដិសមជាគំរូដល់កូនចៅរៀនសូត្រតាម” ។

តាមប្រសាសន៍លោកផាមវ៉ាន់ដូវ អនុប្រធានមន្ទីរវប្បធម៌កីឡានិងទេសចរណ៍ខេត្តសុកត្រាំង គណៈចង្អុលការចលនាទូទាំងប្រជាជន សាមគ្គីកសាងជីវភាពវប្បធម៌ខេត្ត បានកំណត់ច្បាស់ចំណុចសំខាន់នៃការចលនា គឺការកសាង និងលើកស្ទួយគុណភាពគ្រួសារវប្បធម៌។ ឆ្នាំ ២០២០ ទូទាំងខេត្តសុកត្រាំង មាន ២៩៣.៧៣៧ គ្រួសារ បានទទួលស្គាល់ជាគ្រួសារវប្បធម៌ សម្រេចអត្រា ៨៩,៨% កើន ១១.៨៧០ គ្រួសារ បើប្រៀបនឹងឆ្នាំ ២០១៥ ៕

លីធាន-លេងមី

ចែករំលែកអត្ថបទ

ពាក្យគន្លឹះ