មហាសាមគ្គីជនជាតិ គំរូក្នុងសហគមន៍

12/04/2021 - 08:33

លោក​កៀង​មិញ​ កសិករ​ផលិត​ពូកែ​

លោក​កៀង​មិញ​ នៅ​ភូមិ​ដៃ​ទែន​ ឃុំ​លឿង​ហ្វាA ស្រុក​ចូវ​ថាញ់ ខេត្ត​ត្រា​វិញ​ ជា​កសិករ​ម្នាក់​ក្នុង​ចំ​ណោម​កសិករ​គំ​រូ​លេច​ធ្លោ​ក្នុង​ការ​ចលនា​ប្រ​ឡង​ប្រ​ណាំង​ផលិត​ធ្វើ​អា​ជីវ​កម្ម​ពូកែ​របស់​ភូមិ​ភាគ​។​

លោក​កៀង​មិញ​ (ខាង​ឆ្វេង​) ពិភាក្សា​ការ​ងារ​ជា​មួយ​នឹង​សាខា​សមាគម​កសិករ​ភូមិ​។​

លោក​កៀង​មិញ​ រៀប​រាប់​៖ "ឆ្នាំ​ ១៩៨៣  ខ្ញុំ​រៀប​ការ​ចេញ​នៅ​ ដោយ​ឡែក​ ឪ​ពុក​ម្តាយ​ចែក​ដី​ស្រែ​បាន​ ៨ កុង​។​ ប៉ុន្តែ​ពេល​កូន​កើត​មក​បន្ត​បន្ទាប់​ ជីវ​ភាព​គ្រួ​សារ​ធ្លាក់​ក្នុង​ស្ថាន​ភាព​បាន​មុខ​ខ្វះ​ក្រោយ​ ។​ កាល​នោះ​ ភូមិ​ដៃ​ទែន​ជា​តំ​បន់​ដី​ជ្រាប​ជាតិ​ប្រៃ​ធ្វើ​បាន​តែ​ស្រូវ​ធ្ងន់​មួយ​រដូវ​ប៉ុណ្ណោះ​ ម៉្លោះ​ហើយ​ ជីវ​ភាព​គ្រួ​សារ​ជួប​ការ​លំ​បាក​ច្រើន​ ប្តី​ប្រ​ពន្ធ​ទៅ​ធ្វើ​ការ​ឈ្នួល​ដើម្បី​រក​ប្រាក់​ចិញ្ចឹម​កូន​"។​ ធ្វើ​ការ​នឿយ​ហត់​ បាន​ប្រាក់​ខ្ញុំ​ប្រើ​ប្រាស់​ប្រិត​សំ​ចៃ សន្សែ​សន្សំ​ទិញ​ដី​បង្ក​បង្កើន​ផល​ ទិញ​គោ​ចិញ្ចឹម​។​ល។​ ផ្តើម​ពី​នោះ​ ជីវ​ភាព​គ្រួ​សារ​ឈាន​ឡើង​ធូរ​ធារ​ជា​បណ្តើរ​ៗ​។​

ចំ​ពោះ​ការ​ចិញ្ចឹម​គោ​ លោក​កៀង​មិញ​ ឱ្យ​ដឹង​៖ ជា​រៀង​រាល់​ឆ្នាំ​ គាត់​ចិញ្ចឹម​គោ​បន្ត​ពូជ​ពី​ ៣ ដល់​ ៤ ក្បាល​ លក់​កូន​គោ​ពី​១ ដល់​ ២ ក្បាល​។​ល។​ បច្ចុប្បន្ន​ គាត់​មាន​គោ​មេ​ចំ​នួន​ ៤ ក្បាល​ឋិត​ក្នុង​ដំ​ណាក់​កាល​រៀប​ចំ​កើត​កូន​។​ លោក​កៀង​មិញ​ ចែក​រំ​លែក៖ "អា​ស្រ័យ​បាន​ឃុំ​ឧទ្ទេស​នាម​ចូល​រួម​វគ្គ​ហ្វឹក​ហាត់​បច្ចេក​ទេស ដាំ​ដុះ​ ចិញ្ចឹម​សត្វ​ជា​រឿយ​ៗ​ ទើប​ខ្ញុំ​រៀន​សូត្រ​បាន​បទ​ពិសោធន​៍សំ​ខាន់​ៗ​ជា​ច្រើន​យក​មក​ អនុវត្ត​ក្នុង​ការ​បង្ក​បង្កើន​ផល​ ដើម្បី​បង្កើន​ប្រាក់​ចំ​ណូល​។​ អា​ស្រ័យ​ហេតុ​នេះ​ ជីវ​ភាព​គ្រួ​សារ​ខ្ញុំ​មាន​ភាព​ធូរ​ធារ​ជាង​មុន​ច្រើន​"។​ បច្ចុប្បន្ន​ គ្រួ​សារ​ខ្ញុំ​មាន​ដី​ស្រែ​ ៣៥ កុង​ ចម្ការ​ដូង​ ៨ កុង​ ។​ល។​ ប្រាក់​ចំ​ណូល​រួម​ពី​ការ​ធ្វើ​ស្រែ​ លក់​ដូង​ លក់​គោ​ បន្ទាប់​ពី​ទូទាត់​រួច​នៅ​ចំ​ណេញ​ជាង​ ៣៧៥ លាន​ដុង​ក្នុង​មួយ​ឆ្នាំ​"។​

លោក​ ថាច់​ចន្ធី ប្រ​ធាន​ក្រុម​ប្រឹក្សា​ប្រ​ជា​ជន​ឃុំ​លឿង​ហ្វា A ឱ្យ​ដឹង​៖ "លោក​កៀង​មិញ​ ជា​កសិករ​ផលិត​ពូកែ​របស់​ភូមិ​ដៃ​ទែន​ជា​ច្រើន​ឆ្នាំ​បន្ត​បន្ទាប់​។​ ក្នុង​ដំ​ណាក់​ការ​ផលិត ដាំ​ដុះ​ ចិញ្ចឹម​សត្វ​ គាត់​ចេះ​អនុវត្ត​វិទ្យា​សាស្រ្ត​បច្ចេក​ទេស​ក្នុង​ការ​បង្ក​បង្កើន​ផល​ ម៉្លោះ​ហើយ​សម្រេច​ទិន្ន​ផល​គុណ​ភាព​ខ្ពស់​។​ គាត់​នៅ​ទាំង​ជួយ​មាមីង​ភូមិ​ផង​ជួប​ការ​លំ​បាក​ ដើម្បី​ឈាន​ឡើង​ចាក​ផុត​ពី​ភាព​ក្រី​ក្រទាំង​អស់​គ្នា​"៕​

                                 សឺន​ម៉ាល័យ​-មុនី​

ចែករំលែកអត្ថបទ
ពាក្យគន្លឹះ
លោក​កៀង​មិញ​