កីឡា - ទេសចរណ៍ ទេសចរណ៍

02/02/2021 - 09:10

ទីសក្ការបូជាលោកង្វៀង នៅរ៉ាច់យ៉ា

មានទីសក្ការបូជាវីរបុរសជាតិ ង្វៀងទ្រុងត្រឹក ជាច្រើនកន្លែងនៅវាលរាបទន្លេគឺវឡុង។ ដោយឡែកនៅក្រុងរ៉ាច់យ៉ា ខេត្តគៀងយ៉ាង ប្រជាជនសម្ដែងនូវការគោរពតែងហៅថា ទីសក្ការបូជាលោកង្វៀង ។

ទិដ្ឋភាពនៅទីសក្ការបូជាលោកង្វៀង។

ទីសក្ការបូជាលោកង្វៀង ស្ថិតនៅទិសបស្ចិមនៃមជ្ឈមណ្ឌលក្រុងរ៉ាច់យ៉ា ចម្ងាយពីសមុទ្រប្រហែលពីរបីរយម៉ែត្រ។ ទីសក្ការបូជា លោកង្វៀង ត្រូវបានក្រសួងវប្បធម៌ កីឡានិងទេសចរណ៍ ទទួលស្គាល់ជាកេរដំណែលប្រវត្តិសាស្រ្តវប្បធម៌នៅឆ្នាំ ១៩៨៨។

ដំណើរជីវិតនៃវីរបុរសជាតិ ង្វៀងទ្រុងត្រឹក ខ្លីពិតមែន ប៉ុន្តែជាទំព័រប្រវត្តិសាស្រ្តមួយដ៏ត្រចះត្រចង់នៃទឹកដីខេត្តគៀងយ៉ាងនិយាយដោយឡែក និងទូទាំងប្រទេសនិយាយរួម។ ការប្រយុទ្ធប្រឆាំងបរទេស ឈ្លានពានរបស់លោក បានក្លាយជារឿងនិទាននៅតំបន់ដែលលោកធ្លាប់រស់រានមានជីវិតនិងតស៊ូ។ ក្នុងនោះ មានយុទ្ធជ័យល្បីរន្ទឺ ២ លើក នៅគ្រាដែលលោកដុតកប៉ាល់ Espé rence លើដងព្រែកញ៉ឹកតាវ និងវាយសម្រុកចូលប៉ុស្តិ៍គៀងយ៉ាង។

លោកត្រូវអាណានិគមនិយមបារាំងចាប់ខ្លួននិងកាត់ទោសប្រហារ ជីវិតនៅវាលពិឃាដរ៉ាច់យ៉ា។ ជនរួមជាតិតានៀង បានត្បាញនិងក្រាលកន្ទេលក្រហមតាមដងផ្លូវឱ្យលោកធ្វើដំណើរទៅកាន់វាលពិឃាដ។ ដើម្បីរំលឹកនូវគុណបំណាច់នៃវីរបុរសជាតិ ប្រជាជនគៀងយ៉ាងក៏បានកសាងទីសក្ការបូជារំលឹកគុណលោក។ ទីសក្ការបូជានេះ ត្រូវបានកសាងឆ្នាំ ១៩៦៤ សម្ពោធឆ្លងឆ្នាំ ១៩៧០ មានទីតាំងស្ថិតនៅលេខ ០៨ វីថិង្វៀងកុងត្រឺ សង្កាត់វិញថាញ់ ក្រុងរ៉ាច់យ៉ា។ រៀងរាល់ឆ្នាំ នៅថ្ងៃ ២៦-២៨ ខែ ៨ (ចន្ទគតិវៀតណាម) មនុស្សម្នារាប់រយពាន់នាក់នៅគ្រប់ទិសទីតែងធ្វើដំណើរទៅគៀងយ៉ាង ចូលរួមពិធីសែនខួបលោក។ ទិវាសែនខួបលោកក្លាយជាលក្ខណៈវប្បធម៌ប្រវេណីរបស់ជនរួមជាតិ បណ្តាជនជាតិនៅវាលរាបទន្លេគឺវឡុង។ ក្រៅពីប្រារព្ធពិធីកិច្ចយ៉ាងឱឡារិក ថែមទាំងមានពិធីជួបជុំ ដោយមានសកម្មភាពវប្បធម៌ សិល្បៈ កីឡាប្រកបដោយលក្ខណៈពិសេសនៃប្រពៃណីជនជាតិទាំង៣គឺកិញ-ខ្មែរ-ចិន ទៀតផង។ល។

ទីសក្ការបូជាលោកង្វៀងថែម ទាំងមានសកម្មភាពពិនិត្យ ព្យាបាលជំងឺដោយឥតគិតថ្លៃ ជូនប្រជាជនជារឿយៗផងដែរ។ ថ្នាំសម្រាប់ព្យាបាលជំងឺនៅទីនេះ គឺប្រភេទរុក្ខជាតិឱសថ ក្នុងតំបន់ ត្រូវបានប្រជាជនទៅបេះបោចយកមកតាមការណែនាំរបស់គ្រូពេទ្យ។ គ្រូពេទ្យទាំងអស់និងអ្នកបម្រើការនៅទីនេះ ធ្វើការដោយស្ម័គ្រចិត្ត មិនគិតប្រាក់កម្រៃ៕

ហាថាញ-លីសៀ

ចែករំលែកអត្ថបទ

ពាក្យគន្លឹះ