មហាសាមគ្គីជនជាតិ គំរូក្នុងសហគមន៍

26/01/2021 - 10:37

ជម្នះលំបាកក្នុងរដូវជំងឺ COVID-១៩

ប្តីប្រពន្ធបង គីមក្វឹកវ៉ូវ នៅភូមិភឿកទ័រ C ឃុំភឿកទ័រ ស្រុកតាមណុង ខេត្តដុងថាប កំពុងខិតខំថែទាំផ្កាស្បៃរឿងជាងមួយពាន់ជាលឱ្យបានល្អ ដើម្បីទាន់ពេលលក់ក្នុងឱកាសបុណ្យចូលឆ្នាំថ្មីតឹងសឺវ ២០២១ ។

បងវ៉ូវ កំពុងស្រោចទឹកផ្កាស្បៃរឿង។

បងស្រីដាវធីហៀង ប្រពន្ធបងវ៉ូវ រៀបរាប់៖ “ផ្ទះខ្ញុំនៅក្បែរឱទ្យានជាតិត្រាមជីម ម្ល៉ោះហើយទើបបងវ៉ូវ គាត់ប្រកបរបររត់ទូកនាំភ្ញៀវទេសចរ។ ចំណែកខ្ញុំលក់វត្ថុអនុស្សាវរីយ៍ និងផលិតផលពិសេសនៃឱទ្យានជាតិឱ្យភ្ញៀវទេសចរ ។ ជីវភាពគ្រួសារលំនឹង ពីព្រោះភ្ញៀវទេសចរមកកម្សាន្តឱទ្យានជាតិកើនជាលំដាប់។ ប៉ុន្តែដោយសារជំងឺ COVID-១៩ ផ្ទុះឡើង ប្តីប្រពន្ធខ្ញុំស្រាប់តែដាច់អាជីព ។ អស់រយៈកាលមួយឆ្នាំកន្លង យើងខ្ញុំស្ទើរតែគ្មានប្រាក់ចំណូលពីរបរចាស់” ។

ខណៈពេលលំបាកដោយសារជំងឺ COVID-១៩ បងស្រីហៀង បានគណៈកម្មាធិការប្រជាជនឃុំ ឧទ្ទេសនាមឱ្យចូលធ្វើការនៅមូលដ្ឋានផលិតត្រីងៀត ។ ចំណែកបងវ៉ូវ បានឧទ្ទេសនាមចូលរៀនវគ្គបណ្តុះបណ្តាលវិជ្ជាជីវៈដាំផ្កាលម្អ អាស្រ័យគណៈកម្មាធិការប្រជាជនឃុំចាត់តាំង ។ បងវ៉ូវ រៀបរាប់៖ “ ខ្ញុំមានដើមកំណើតនៅទីប្រជុំជនឡុងហូ ខេត្តវិញឡុង ដូច្នេះការងារចម្ការគ្មានអ្វីលំបាក ។ ពីព្រោះខ្ញុំអាចទទួលយកបានយ៉ាងឆាប់នូវវិធីសាស្រ្តដាំផ្កាលម្អ អាស្រ័យបានសិប្បករនៅភូមិរបរតឹងហ្វីដុង ជួយណែនាំ ។ ពេលបានមកទស្សនាកម្សាន្តភូមិរបរ ខ្ញុំសង្កេតឃើញមានគ្រួសារជាច្រើនដែលមានដីតិចតួច ដាំផ្កាធ្វើសេវាកម្ម ទេសចរណ៍ប្រកបដោយប្រសិទ្ធភាព ខ្ញុំពិតជារំភើបចិត្តណាស់”។

ពង្រីកចំណេះដឹងដែលរៀនសូត្របាន បងវ៉ូវ បានស្នើភូមិភាគឧទ្ទេសនាមបុលទុនពីធនាគារគោលនយោបាយសង្គមកិច្ចស្រុកតាមណុង ដើម្បីវិនិយោគដាំផ្កាលក់ក្នុងឱកាសបុណ្យចូលឆ្នាំថ្មីវៀតណាម ២០២១ ។ បងវ៉ូវ រៀបរាប់ ៖ “ដោយសារទើបដាំលើកដំបូង ម៉្លោះហើយខ្ញុំជ្រើសដាំផ្កាស្បៃរឿង ។ ផ្កាស្បៃរឿង ចាប់តាំងពីពេលបណ្តុះគ្រាប់រហូតដល់ចេញផ្កាគឺ ៧៥ ថ្ងៃ ។ ថ្ងៃណាក្តៅពេលរសៀល ខ្ញុំស្រោចទឹកពីរលើក ដើម្បីរក្សាសំណើមគ្រប់ល្មមឱ្យផ្កា” ។

ដោយបានថែទាំយ៉ាងហ្មត់ចត់ ទើបផ្កាស្បៃរឿងរបស់បងវ៉ូវ លូតលាស់ស្មើល្អ ។ បងស្រីហៀង ឱ្យដឹងបន្ថែម ៖ “បុណ្យចូលឆ្នាំថ្មីឆ្នាំនេះ ខ្ញុំដឹកផ្កាទៅលក់នៅផ្សារតាមណុងនិងលក់រាយនៅនឹងផ្ទះ ពីព្រោះផ្ទះនៅក្បែរផ្លូវថ្នល់ ភ្ញៀវដំណើរងាយស្រួលឆៀងចូលទិញ ។ ខ្ញុំលក់ដោយខ្លួនឯងបានថ្លៃជាងលក់ដុំឱ្យឈ្មួញ ។ ជំងឺ COVID-១៩ ធ្វើឱ្យមនុស្សម្នាប្រឈមនឹងការលំបាក ដូច្នេះយើងត្រូវតែជម្នះលំបាក ដើម្បីគិតគូរឱ្យកូនៗរៀនសូត្រ” ៕

អត្ថបទ & រូប៖ ហាថាញ់

ចែករំលែកអត្ថបទ

ពាក្យគន្លឹះ