ព្រឹត្តិការណ៍ - នយោបាយ ព្រឹត្តិការណ៍

22/12/2020 - 09:17

តំណាង ២.៣០០ រូប អញ្ជើញចូលរួមមហាសន្និបាត ប្រឡងប្រណាំងស្នេហាជាតិទូទាំងប្រទេសលើកទី ១០

ប្រធានបទ “សាមគ្គី ច្នៃប្រតិដ្ឋ ប្រឡងប្រណាំង កសាងនិងការពារមាតុភូមិ” មហាសន្និបាតប្រឡងប្រណាំងស្នេហាជាតិទូទាំងប្រទេសលើកទី ១០ បានប្រព្រឹត្តឡើងនៅមជ្ឈមណ្ឌលសន្និបាតជាតិ (ហាណូយ) ។ ចូលរួមមហាសន្និបាតមានតំណាង ២.៣០០ រូប ក្នុងនោះ មានថ្នាក់ដឹកនាំ អតីតថ្នាក់ដឹកនាំបក្ស រដ្ឋ រណសិរ្សមាតុភូមិវៀតណាម ព្រឹទ្ធាចារ្យបដិវត្តន៍ អ្នកម្តាយវៀតណាម វីរភាព និងគំរូជឿនលឿនតំណាងវិស័យនានា ដូចជា៖ សេដ្ឋកិច្ចសង្គម សន្តិសុខការពារប្រទេស ឧស្សាហកម្ម កសិកម្ម វិទ្យាសាស្ត្រនិងបច្ចេកវិទ្យា ជាមួយនឹងក្រុមអ្នកកាន់សាសនា ក្រុមជនជាតិ បញ្ញវន្ត គ្រូពេទ្យ គ្រូបង្រៀន សិល្បករ និងអ្នកវិទ្យាសាស្ត្រ។

អគ្គលេខា ប្រធានរដ្ឋ ង្វៀងភូត្រុង ប្រធានរដ្ឋសភា ង្វៀងធីគឹមង៉ឹង អនុប្រធានរដ្ឋ ដាំងធីង៉ុកធិន អញ្ជើញចូលរួមពិធីបើកមហាសន្និបាតប្រឡងប្រណាំងស្នេហាជាតិលើកទី ១០ ។ រូប ៖ ទីភ្នាក់ងារសារព័ត៌មានវៀតណាម

ផ្តើមពីចលនាប្រឡងប្រណាំងស្នេហាជាតិ បានលេចឡើងនូវសមូហភាព បុគ្គលឆ្នើម គំរូជឿនលឿនជាច្រើន។ ក្នុងរយៈកាល ៥ ឆ្នាំកន្លង បានលើកសរសើរនិងផ្តល់ជូន ៣៤៣.៧២៧ មេដាយគ្រឿងឥស្សរិយយស។ កិត្តិនាមកិត្តិយសរដ្ឋចំនួន ២៥.៩២០ (រួមទាំងគ្រូបង្រៀន គ្រូពេទ្យ សិល្បករ សិល្បករឆ្នើមប្រជាជន); វីរៈកងកម្លាំងប្រដាប់អាវុធ ២៨ រូប វីរពលកម្មសម័យផ្លាស់ថ្មី ៧៣ រូប; រង្វាន់ជាតិ រង្វាន់ហូជីមិញ ចំនួន ៣០៨ និងយុទ្ធជនប្រឡងប្រណាំងទូទាំងប្រទេសចំនួន ៣៨០ រូប។

មហាសន្និបាតប្រឡងប្រណាំងស្នេហាជាតិទូទាំងប្រទេសលើកទី ១០ សំដៅវាយតម្លៃលទ្ធផលនៃការអនុវត្តចលនាប្រឡងប្រណាំងស្នេហាជាតិ និងការងារលើកសរសើរ ជូនរង្វាន់ ដំណាក់កាល ២០១៥-២០២០។ កំណត់គោលដៅ ទិសដៅភារកិច្ចនៃចលនាប្រឡងប្រណាំងស្នេហាជាតិ និងការងារលើកសរសើរជូនរង្វាន់ ដំណាក់កាល ២០២០-២០២៥ ។

ផ្តល់កិត្តិយសដល់សមូហភាព បុគ្គលវីរជន យុទ្ធជន ប្រឡងប្រណាំង គំរូជឿនលឿន គំរូឆ្នើម ក្នុងការចលនាប្រឡងប្រណាំងស្នេហាជាតិ ក្នុងរយៈកាល ៥ ឆ្នាំកន្លង ។ បន្តការបំផុសកម្លាំងដ៏អស្ចារ្យនៃផែនសាមគ្គីជនជាតិ ។ បង្កើតកម្លាំងចលករថ្មីសម្រាប់អនុវត្តជោគជ័យនូវភារកិច្ចអភិវឌ្ឍន៍សេដ្ឋកិច្ច វប្បធម៌សង្គម ការពារជាតិ និងសន្តិសុខរបស់ប្រទេសជាតិ និងសេចក្តីសម្រេចចិត្តមហាសន្និបាតតំណាងទូទាំងប្រទេសលើកទី XII របស់បក្ស ។ ទន្ទឹមនឹងនោះ បំផុសចលនាប្រឡងប្រណាំងលើគ្រប់វិស័យនៃជីវភាពសង្គម និងបន្តជំរុញខ្លាំងក្លាចលនាប្រឡងប្រណាំចំនួន ៤ អាស្រ័យនាយករដ្ឋមន្រ្តីបំផុស៖ “ទូទាំងប្រទេសរួមកម្លាំងកសាងជនបទថ្មី”; “ ទូទាំងប្រទេសរួមដៃដើម្បីអ្នកក្រ - មិនទុកឱ្យអ្នកណាម្នាក់នៅខាងក្រោយ”; “អាជីវកម្មវៀតណាមសមាហរណកម្មនិងអភិវឌ្ឍន៍”; “កម្មាភិបាល អ្នករដ្ឋការ បុគ្គលិករដ្ឋប្រឡងប្រណាំងអនុវត្តវប្បធម៌ស្ថាប័នរដ្ឋ” ផ្សារភ្ជាប់ជាមួយ “រៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ”; បន្តការផ្លាស់ថ្មីការងារប្រឡងប្រណាំង លើកសរសើរ និងជូនរង្វាន់ក្នុងស្ថានភាពថ្មី តាមសារាចរលេខ 34-CT/TW របស់ការិយាល័យនយោបាយ និងច្បាប់ស្តីពីការប្រឡងប្រណាំង - លើកសរសើរនិងជូនរង្វាន់ ៕

យោង៖ កាសែតជនជាតិនិងអភិវឌ្ឍន៍

ចែករំលែកអត្ថបទ

ពាក្យគន្លឹះ