មហាសាមគ្គីជនជាតិ គំរូក្នុងសហគមន៍

08/12/2020 - 08:26

ឧទ្ទេសនាមវណ្ណកម្មថ្មីចំនួន ៣ របស់សមាជិកសាខាសមាគម សិល្បៈអក្សរសិល្ប៍ខ្មែរ

(ត្រាវិញ) -សាខាសមាគមសិល្បៈអក្សរសិល្ប៍ខ្មែរ ចំណុះសមាគមសិល្បៈអក្សរសិល្ប៍ខេត្តត្រាវិញ ទើបឧទ្ទេសនាមសៀវភៅកំណាព្យ ២ ក្បាលរបស់កវីនិពន្ធ ថាច់ភក្ដី (អតីតអគ្គនិពន្ធនាយករងកាសែតកឹងធើ) និងសិល្បករឆ្នើម ថាច់សាងសេដ្ឋ។

លោកគឹមង៉ុកថាយ អនុលេខាគណៈកម្មាធិការបក្សខេត្តត្រាវិញ ជូនបាច់ផ្កាអបអរសាទរ សិល្បករឆ្នើម ថាច់សាងសេដ្ឋ។

សៀវភៅកំណាព្យ “ជួបអូនយប់ដូនតា” របស់កវីនិពន្ធ ថាច់ភក្ដី មាន ៧៩ អត្ថបទនិងសៀវភៅកំណាព្យ “ជំហានដើម្បីសម្រេច” របស់កវីនិពន្ធ សិល្បករឆ្នើម ថាច់សាងសេដ្ឋ មាន ៥០ អត្ថបទ។ វណ្ណកម្មកំណាព្យទាំងពីរនេះ បង្កប់ដោយអត្ថន័យខ្លឹមសារស្ងើចសរសើរបក្ស ស្ងើចសរសើរអ៊ំហូ ស្ងើចសរសើរសម្រស់ជនបទ ទឹកដីមាតុភូមិ និងជីវភាពវប្បធម៌ខ្មែរ សេចក្ដីស្នេហា។ ចំពោះវណ្ណកម្ម “សិល្បៈល្ខោនយូរកេរខ្មែរណាមបូ” របស់អ្នកនិពន្ធ សិល្បករឆ្នើម ថាច់សាងសេដ្ឋ បានបង្ហាញពីប្រភពនៃដំណាក់កាលកកើត និងអភិវឌ្ឍន៍របស់សិល្បៈល្ខោនយូរកេរខ្មែរណាមបូ។

វណ្ណកម្មទាំង ៣ ខាងលើ បានរួមចំណែកឧទ្ទេសនាមរូបភាពដ៏សម្បូរបែបនៃវប្បធម៌ខ្មែរណាមបូ ការបំពេញនូវចំណងមនោសញ្ចេតនា ការជក់ចិត្តដិតអារម្មណ៍កំណាព្យកាព្យឃ្លោង និងការចូលចិត្តអានសៀវភៅរបស់ជនរួមជាតិខ្មែរក្នុងខេត្ត៕

ម៉ាល័យ-ពេជ្រសឿន

ចែករំលែកអត្ថបទ

ពាក្យគន្លឹះ