គោលនយោបាយ -ការរស់នៅ គោលនយោបាយ

20/07/2020 - 14:57

ចលនាបរិច្ចាគឈាមកាន់តែរីកសាយភាយ

អាស្រ័យបំពេញល្អការងារផ្សព្វផ្សាយ ការចលនាបរិច្ចាគឈាមស្ម័គ្រចិត្តលើភូមិសាស្រ្តខេត្តសុកត្រាំង កាន់តែរីកសាយភាយនិងស៊ីជម្រៅ ទាក់ទាញប្រជាជនគ្រប់ជាន់ស្រទាប់ចូលរួម។ ឆ្លងតាមរយៈនោះ គ្រប់អង្គភាពបានឆ្លើយតបកាន់តែល្អថែមទៀតនូវតម្រូវការឈាមក្នុងការជួយសង្រ្គោះអ្នកជំងឺ។

ចលនាបរិច្ចាគឈាមកាន់តែរីកសាយភាយ។

ឆ្នាំ ២០១៩ ទូទាំងខេត្តទទួលបាន ១០.៥៣១ ឯកត្តាឈាម សម្រេចជាង ៩៧% ផែនការដាក់ចេញ។ តាមគណៈចង្អុលការចលនាបរិច្ចាគឈាមស្ម័គ្រចិត្តខេត្ត កងកម្លាំងអ្នកបរិច្ចាគឈាមស្ម័គ្រចិត្តគឺសម្បូរបែប មានទាំងការចូលរួមរបស់កម្មាភិបាល បុគ្គលិករដ្ឋ សិស្សានុសិស្ស និស្សិត កងកម្លាំងប្រដាប់អាវុធនិងកម្មករនិយោជិត។

ឆ្នាំ ២០១៥ ខេត្តសុកត្រាំងបង្កើតបានក្លឹបមួយមានឈ្មោះថា “អ្នកមានប្រភេទឈាមកម្រRh(-)” មានសមាជិក ១១ នាក់; និងមាន ១៩ ក្លិបបរិច្ចាគឈាមស្ម័គ្រចិត្ត មានសមាជិក ៤៩០ នាក់ ក្នុងនោះ មាន ៥ ក្លឹប មានសមាជិក ១៣៨ នាក់ បានត្រៀមលក្ខណៈជាស្រេច ខណៈពេលអង្គភាពមានតម្រូវការបញ្ចូលឈាម រួមចំណែកដល់ការព្យាបាលជំងឺគឺសមាជិកក្លឹបទៅបរិច្ចាគឈាមភ្លាម។ បងយីបថាញ់ហៀង គ្រូបង្រៀនសាលាមធ្យមសិក្សាចំណេះទូទៅវ៉ាន់ង៉ុកតូ បានបរិច្ចាគឈាមស្ម័គ្រចិត្ត ចំនួន ៣០ លើក ឱ្យដឹង៖ “កាលបើបរិមាណឈាម បានបរិច្ចាគទៅរាងកាយនឹងបង្កើតឈាមថ្មីជាបន្ត ម្ល៉ោះហើយខ្ញុំតែងត្រៀមលក្ខណៈដើម្បីជួយអ្នកជំងឺដែលមានតម្រូវការឈាម។ ខ្ញុំបានចលនាសាច់ញាតិ មិត្តភក្ដិរួមអាជីព និងសិស្សានុសិស្សរបស់សាលាបរិច្ចាគឈាមសង្រ្គោះមនុស្ស”។

លោកឌោវ៉ាន់ត្វឹង ប្រធានសមាគមកាកបាទក្រហមខេត្តសុកត្រាំង ឱ្យដឹង៖ “គណៈចង្អុលការ ចលនាបរិច្ចាគឈាមស្ម័គ្រចិត្ត បានកំណត់ថា ការផ្សព្វផ្សាយ ចលនាគឺជាភារកិច្ចដ៏សំខាន់ ម្ល៉ោះហើយបានសហការយ៉ាងល្អជាមួយនឹងគ្រប់គណៈ ផ្នែក អង្គការមហាជន ជំរុញខ្លាំងក្លាការងារផ្សព្វផ្សាយដល់កម្មាភិបាល សមាជិកសមាគម សមាជិកសម្ព័ន្ធយុវជននិងប្រជាជន។ ផ្ដើមពីនោះ អ្នកចូលរួមបរិច្ចាគឈាមស្ម័គ្រចិត្តច្រើនដងស្រូបអត្រាជាង ៦០% មានអ្នកខ្លះបរិច្ចាគឈាមជាង ៣០ លើក ចលនាបរិច្ចាគឈាមស្ម័គ្រចិត្តកាន់តែរីកសាយភាយ”៕

យ្វីអាញ់ - ថាច់ធី

ចែករំលែកអត្ថបទ

ពាក្យគន្លឹះ