វប្បធម៌-សិល្បៈ វប្បធម៌

01/06/2020 - 14:55

សិប្បករសើុងយាន់

សិប្បករសើុងយាន់ មានចំណូលចិត្តសិល្បៈចម្លាក់និងសូនព្រះបដិមា។ គាត់មិនត្រឹមតែថែរក្សាអត្តសញ្ញាណវប្បធម៌របស់ជនជាតិខ្មែរប៉ុណ្ណោះទេ ថែមទាំងរួមចំណែកក្នុងការដោះស្រាយការងារធ្វើ នាំមកប្រភពចំណូលគ្រាន់បើសម្រាប់គ្រួសារនិងឈានឡើងរួចផុតពីភាពក្រីក្រដោយចីរភាពទៀតផង។

សិប្បករសើុងយាន់ កំពុងលាបពណ៌ព្រះបដិមា។

សិប្បករសើុងយាន់ កំពុងណែនាំកូនជាង និងពិនិត្យមើលផលិតផល។

បងសើុងយាន់ កើតឆ្នាំ១៩៨០ ក្នុងគ្រួសារខ្មែរក្រីក្រ កំព្រាឪពុកតាំងពីក្មេង។ គាត់រស់នៅជាមួយម្តាយនៅភូមិតាគូ សង្កាត់៨ ក្រុងត្រាវិញ ខេត្តត្រាវិញ។ ពេលធំដឹងក្ដី ដូចជា កូនខ្មែរដទៃទៀតដែរ សើុងយាន់បានម្តាយនាំទៅវត្តសំរោងឯក នៅភូមិសំរោង សង្កាត់៨ ក្រុងត្រាវិញ ខេត្តត្រាវិញ ដើម្បីបួសរៀនទៅតាមទំនៀមទម្លាប់ប្រពៃណីខ្មែរ។ បងសើុងយ៉ាន់ មានប្រសាសន៍ថា៖ “ដោយសារខ្ញុំមានចំណូលចិត្តក្នុងការឆ្លាក់និងសូនព្រះបដិមា ម៉្លោះហើយក្នុងរយៈកាលបួសរៀន ក្រៅពីសិក្សាធម៌វិន័យ អក្សរសាស្រ្ត ខ្ញុំរៀនគូរគំនូរ ក្បាច់ខ្មែរដោយខ្លួនឯង ។ល។។ ក្រោយមកខ្ញុំទៅរៀនរបរពីលោកវិចិត្រ ជាសិប្បករម្នាក់នៅក្បែរវត្តសំរោងឯក។ បន្ទាប់ពីសិក្សាបានមួយរយៈខ្ញុំស្ទាត់ជំនាញក្នុងអាជីពនេះ”។

ឆ្នាំ២០០២ បងសើុងយ៉ាន់ លាចាកសិកល្ខាបទ និងផ្តើមរកស៊ីជាមួយរបរដែលគាត់ស្រឡាញ់ ចូលចិត្ត។ ដំបូងឡើយ គាត់គូរគំនូរព្រះបត់ សូនព្រះបដិមាតូចៗដាក់លក់រាយឱ្យអតិថិជនពេលត្រូវការ ដូច្នេះប្រាក់ចំណូលមិនលំនឹង។ ក្រោយមក “កិត្តិនាមរបស់បងបានលេចឭុជិតឆ្ងាយ” អតិថិជននៅគ្រប់តំបន់បានមកបញ្ជាទិញ។ ទន្ទឹមនឹងនោះ គាត់នៅទាំងបណ្តុះបណ្ដាលដោយឥតគិតថ្លៃនិងដោះស្រាយការងារធ្វើជូនពលករពី៥ដល់១០នាក់ ជាមួយប្រាក់កម្រៃពី១៣០ពាន់ -២៥០ពាន់ដុង/ថ្ងៃ។ ប្អូនថាច់ង៉ុកញ៉ៀង នៅភូមិតាគូ សង្កាត់៨ ក្រុងត្រាវិញ ឱ្យដឹង៖ “ប្អូនរៀន បណ្តើរធ្វើការនៅមូលដ្ឋានបងយ៉ាន់បណ្ដើរបាន៦ឆ្នាំហើយ មិនចាំបាច់បង់ថ្លៃសិក្សា ថែមទាំងទទួលបានប្រាក់កម្រៃ១៧០.០០០ដុង/ថ្ងៃ”។ បងសើុងយ៉ាន់ នៅទាំងបានវត្តនានាអញ្ជើញទៅឆ្លាក់ សូនព្រះបដិមា និងគូរក្បាច់ គំនូរពុទ្ធប្រវត្តិនៅលើជញ្ជាំងព្រះវិហារ។ល។ ទៅតាមតម្រូវការរបស់វត្តនីមួយៗ។ “បច្ចុប្បន្ន មូលដ្ឋានខ្ញុំឆ្លាក់ សូនព្រះបដិមាបានប្រមាណពី២៥០-៣០០អង្គ/ខែ ភាគច្រើនទៅតាមការបញ្ជាទិញរបស់អតិថិជនទាំងក្នុងនិងក្រៅខេត្ត ដូច៖ ត្រាវិញ សុកត្រាំង បាកលីវ។ល។ បន្ទាប់ពីគិតប្រាក់ចំណាយរួច ខ្ញុំរកបានប្រាក់ចំណេញជាង១០លានដុង/ខែ។ ពីប្រភពចំណូលខាងលើ គ្រួសារខ្ញុំបានទិញដីពង្រីកមូលដ្ឋាននិងសង់ផ្ទះដែលមានតម្លៃជិតមួយពាន់លានដុង។ បច្ចុប្បន្ន ជីវភាពគ្រួសារខ្ញុំមានភាពលំនឹង ហើយបានរួចផុតពីភាពក្រីក្រ” - លោកសើុងយ៉ាន់ បានឱ្យដឹងដូច្នេះ។

យោងតាមប្រសាសន៍ លោកថាច់ហួង ប្រធានភូមិតាគូ សង្កាត់៨ ក្រុងត្រាវិញ ខេត្តត្រាវិញ បងសើុងយ៉ាន់ ជាសិប្បករគំរូ មិនត្រឹមតែថែរក្សាអត្តសញ្ញាណវប្បធម៌ជនជាតិខ្មែរប៉ុណ្ណោះទេ គាត់នៅទាំងរួមចំណែកយ៉ាងសកម្មក្នុងការបណ្ដុះបណ្ដាលប្រភពធនធានមនុស្ស ដោះស្រាយការងារធ្វើជូនកូនចៅជនរួមជាតិខ្មែរនៅភូមិភាគទៀតផង៕

រូបនិងអត្ថបទ៖ ទីទុយ

ចែករំលែកអត្ថបទ

ពាក្យគន្លឹះ