មហាសាមគ្គីជនជាតិ ភូមិស្រុកផ្លាស់ថ្មី

27/04/2020 - 14:50

អនុវត្តល្អគោលនយោបាយសម្រាប់ជនរួមជាតិខ្មែរ

ពង្រីកប្រវេណីមហាសាមគ្គីទូទាំងជនជាតិ បាកលីវបានអនុវត្តល្អនូវគោលនយោបាយឧបត្ថម្ភ សម្រាប់ជនរួមជាតិភាគតិច។ ក្នុងនោះ ការខិតខំប្រឹងប្រែងកាត់បន្ថយភាពក្រីក្រ លើកកម្ពស់ជីវភាព សម្ភារៈ និងស្មារតីជូនជនរួមជាតិខ្មែរដោយឥតឈប់ឈរ គឺជាទិសដៅប្រចាំក្នុងកិច្ចចង្អុលការអភិវឌ្ឍសេដ្ឋកិច្ច-សង្គមរបស់ខេត្ត។

គ្រួសារជនជាតិខ្មែរក្រីក្រនៅឃុំវិញត្រាច់ដុង (ក្រុងបាកលីវ) បានជំនួយជ្រូកកូន។

បច្ចុប្បន្ន អត្រាគ្រួសារក្រីក្រក្នុងជនរួមជាតិខ្មែរនៅខ្ពស់បង្គួរ។ យោងតាមការធ្វើស្ថិតិរបស់គណៈជនជាតិនិងសាសនាខេត្ត អត្រាគ្រួសារជនជាតិភាគតិចក្រីក្រ ឆ្នាំ២០១៩ គឺ៥៤៨គ្រួសារ (ស្រូបអត្រា ១៧,៧៦% បើប្រៀបនឹងចំនួនគ្រួសារក្រីក្រទូទាំងខេត្ត) គ្រួសារប្រកៀកបន្ទាត់ក្រ គឺ១.៦៦៦គ្រួសារ (ស្រូបអត្រា ០,៧៥% បើប្រៀបនឹងចំនួនប្រជាជនទូទាំងខេត្ត)។

ដើម្បីដោះស្រាយបញ្ហាទាំងនេះ បាកលីវបានផ្តុំកម្លាំងអនុវត្តល្អនូវគោលនយោបាយឧបត្ថម្ភសម្រាប់ជនរួមជាតិខ្មែរ។ ជាគោលនយោបាយមួយក្នុងចំណោមគោលនយោបាយសំខាន់ៗ នោះគឺជំរុញមាំការងារបណ្តុះបណ្តាលវិជ្ជាជីវៈនិងដោះស្រាយការងារធ្វើ។ ឆ្នាំ២០១៩ ទូទាំងខេត្តបណ្តុះបណ្តាលវិជ្ជាជីវៈជូនពលករជនជាតិភាគតិចបានជាង ១.៦៧០នាក់ (ស្រូបអត្រា ៤,៣៦% នៃចំនួនពលករដែលបានបណ្តុះបណ្តាល) ដោះស្រាយការងារធ្វើជូនពលករជនជាតិភាគតិចបានជាង ១.១៣០ នាក់។

ក្រៅពីនោះ ផ្នែកសមត្ថកិច្ចនិងភូមិភាគនានាក្នុងខេត្ត នៅទាំងផ្គួបផ្សំកម្មវិធីគម្រោង និងគោលនយោបាយឧបត្ថម្ភដទៃទៀតសម្រាប់ឧបត្ថម្ភជនរួមជាតិភាគតិចបង្កើតមុខរបររកស៊ី។ តួយ៉ាងដូច៖ កម្មវិធី១៣៥ (ដំណាក់កាល ២០១៦-២០២០) ត្រូវបានវិនិយោគជាង២៨,២៨ពាន់លានដុងដល់ឃុំចំនួន ១០ និងភូមិដែលលំបាកខ្លាំងចំនួន៤១។ ផ្តើមពីនោះ រួមចំណែកអភិវឌ្ឍហេដ្ឋារចនាសម្ព័ន្ធសេដ្ឋកិច្ច-បច្ចេកទេសនៅតំបន់ដែលមានជនរួមជាតិភាគតិចរស់នៅកុះករ ដូច៖ កសាងផ្លូវចំនួន៤៨ខ្សែ និងស្ពានចំនួន៣ សង់អគារវប្បធម៌ភូមិចំនួន២ និងជួសជុលអគារវប្បធម៌ភូមិចំនួន ៦ បង្កើនកម្រិតនិងជួសជុលផ្លូវគមនាគមន៍ជនបទជាច្រើនកន្លែង។ល។

ខេត្តក៏បានអនុវត្តគម្រោងឧបត្ថម្ភអភិវឌ្ឍផលិតកម្មជាមួយប្រភពទុនជាង ៤,៥៤ពាន់លានដុង ដើម្បីឧបត្ថម្ភគ្រួសារជនជាតិភាគតិចចំនួន ៩៣៦ គ្រួសារ។ ជាក់ស្តែងឧបត្ថម្ភកូនជ្រូកជាង ៣.០០០ ក្បាល មាន់ ទា ជាង ១៩.០០០ក្បាល និងពូជបង្កង ក្តាមជិត១,៥ លានក្បាល ឧបត្ថម្ភសម្ភារៈកសិកម្ម ម៉ាស៊ីន និងឧបករណ៍កសិកម្ម ឧបត្ថម្ភដើមទុនលក់ដូរកំប៉ិកកំប៉ុក និងគោលនយោបាយឱ្យខ្ចីទុនជាដើម។ ទន្ទឹមនឹងនោះ គិតគូរជីវភាពវប្បធម៌ស្មារតី ជួយជនរួមជាតិភាគតិចក្នុងការអភិរក្ស ពង្រីកនិងរក្សាអត្តសញ្ញាណវប្បធម៌ជនជាតិ ឆ្លងតាមរយៈសកម្មភាពជាច្រើននិងបុណ្យទានផ្សេងៗ ដូច៖ បុណ្យចូលឆ្នាំថ្មីប្រពៃណី បុណ្យសែនដូនតា បុណ្យអកអំបុក សមោសរសិល្បៈជាដើម។ល។

ជាមួយនឹងការអនុវត្តនូវគោលនយោបាយជនជាតិប្រកបដោយប្រសិទ្ធភាព ឃើញថាជីវភាពសម្ភារៈ និងស្មារតីរបស់ជនរួមជាតិខ្មែរកាន់តែបានលើកស្ទួយ ពីមួយថ្ងៃទៅមួយថ្ងៃ រួមចំណែកកសាងមាតុភូមិកាន់តែរីកចម្រើន៕

យោង៖ baobaclieu.vn-មុនី

ចែករំលែកអត្ថបទ

ពាក្យគន្លឹះ