មហាសាមគ្គីជនជាតិ គំរូក្នុងសហគមន៍

23/03/2020 - 14:15

នារីកម្មាភិបាលសម្ព័ន្ធយុវជនសកម្ម ស្វាហាប់

“ហ្វាង គឺកម្មាភិបាលសម្ព័ន្ធយុវជនសកម្មគំរូ ចុះសម្រុងនិងទំនួលខ្ពស់ក្នុងការងារ។ ច្រើនឆ្នាំបន្តបន្ទាប់ សម្ព័ន្ធយុវជនឃុំភូតឹម តែងសម្រេចស្នាដៃឆ្នើមនិងជាអង្គភាពឈានមុខប្រកបដោយប្រសិទ្ធភាពអំពីទម្រង់ជួយយុវជនពង្រីកសេដ្ឋកិច្ច។ ហ្វាង សក្តិសមជារូបភាពគំរូនៃយុវតីក្នុងសម័យថ្មី និងសក្ដិសមជាកិត្តិនាម យុវតីជឿនលឿនធ្វើតាមដំបូន្មានអ៊ំ” លោកលីងឺង លេខាសម្ព័ន្ធយុវជនស្រុកចូវថាញ់ វាយតម្លៃអំពីឡឹមធីហ្វាង លេខាសម្ព័ន្ធយុវជនឃុំភូតឹម ស្រុកចូវថាញ់ ខេត្តសុកត្រាំង។

បងស្រីឡឹមធីហ្វាង កំពុងណែនាំកម្មាភិបាលសម្ព័ន្ធយុវជនធ្វើសំណុំបែបបទពង្រីកសម្ព័ន្ធយុវជន។

ឆ្នាំ២០០៥ ឡឹមធីហ្វាង ត្រូវបានកម្មាភិបាលសម្ព័ន្ធយុវជនឃុំភូតឹម ចលនាចូលរួមសកម្មភាពនៅសាខាសម្ព័ន្ធយុវជនភូមិថហ្វាដុង និងមិនយូរប៉ុន្មានត្រូវបានបោះឆ្នោតជាប់ជាសម្ព័ន្ធយុវជនភូមិ។ ផ្ដើមពីនោះ ហ្វាង តែងតែពង្រីកស្មារតីសកម្មនៃយុវតីគំរូ និងខ្នះខ្នែងចលនាសម្ព័ន្ធយុវជនបំផុត គឺយុវជនខ្មែរចូលរួមសម្ព័ន្ធយុវជន។ បងស្រីហ្វាង ឱ្យដឹង៖ “រាល់ថ្ងៃ ខ្ញុំជិះកង់ចុះទៅតាមគ្រួសារចលនាមិត្តភ័ក្ដិឱ្យចូលសម្ព័ន្ធយុវជន។ កាលនោះ ខ្ញុំគិតថាយុវជនខ្មែរនៅជួបលំបាក មានតែវិធីអញ្ជើញចូលរួមសម្ព័ន្ធយុវជនទើបអាចជួយអ្នកទាំងឡាយបានជិត ដិតប្រភពទុន វិទ្យាសាស្រ្តបច្ចេកទេស ទម្រង់រកស៊ី ប្រសិទ្ធភាពផ្សេងៗ ដើម្បីអភិវឌ្ឍសេដ្ឋកិច្ចគ្រួសារ”។ ផ្ដើមពីការគិតនេះ ក្នុងពេលប្រជុំបងស្រីហ្វាង តែងស្ដាប់នូវយោបល់ចែករំលែក បំណងប្រាថ្នារបស់ពួកគាត់ រួចហើយរបាយការណ៍ទាន់ពេលជូនថ្នាក់លើ ដើម្បីរកដំណោះស្រាយជួយឧបត្ថម្ភ។

ឆ្នាំ ២០១០ បងស្រីហ្វាង ត្រូវបានតែងតាំងជាលេ ខាសម្ព័ន្ធយុវជនឃុំភូតឹមមកទល់សព្វថ្ងៃ។ ជាមួយនឹងតំណែងនេះ បងស្រីហ្វាង តែងខិតខំប្រឹងប្រែងដើម្បីការចលនាកាន់តែរីកសាយភាយរឹងមាំឡើង។ ព្រោះហេតុដូច្នោះ ផ្ដើមពីសម្ព័ន្ធយុវជន១០០នាក់ នៅឆ្នាំ២០១០ ឥឡូវនេះឃុំភូតឹម បានពង្រីកសម្ព័ន្ធយុវជនដល់ទៅ២០០នាក់ ក្នុងនោះ ជនជាតិខ្មែរ មានអត្រាជាង៨០%។ ព្រមជាមួយនោះ បងស្រីឡឹមធីហ្វាង បានកសាងទម្រង់ជាច្រើន មានដូច៖ ចិញ្ចឹមអន្ទង់ ចិញ្ចឹមគោ ចិញ្ចឹមកង្កែប ចិញ្ចឹមមាន់ព្រលែងក្នុងចម្ការ ដាំក្រូចថ្លុងសំបកក្រាស់ជាដើម។ល។ ជួយសម្ព័ន្ធយុវជនជាច្រើនជោគជ័យក្នុងការរកស៊ី។ មិត្តលីថាញ់យ័ញ នៅភូថាញ់ A ឱ្យដឹង៖ “ច្រើនឆ្នាំ កន្លង ក្នុងដីចម្ការ៨កុង ខ្ញុំដាំតែឈើហូបផ្លែធម្មតា បានជាចំណូលមិនលំនឹង។ ឆ្នាំ២០១៦ បងហ្វាង ពិនិត្យឱ្យបុលទុនអាទិភាព ៥០ លានដុង ខ្ញុំវិនិយោគ ដាំក្រូចថ្លុងសំបកក្រាស់និងគួបផ្សំជាមួយចិញ្ចឹមកង្កែប។ ឆ្នាំ២០១៩ ខ្ញុំចាប់ផ្ដើមប្រមូលផលក្រូចថ្លុង លើកដំបូងបង្អស់បានជាង១តោន លក់ក្នុងតម្លៃ៤៥.០០០ដុង/គីឡូក្រាម និងលើកក្រោយៗប្រមូលផលជាង១តោន។ ប៉ុន្មានឆ្នាំមកនេះ អាស្រ័យបានចំណូលអំពីការចិញ្ចឹមកង្កែប ក្រូចថ្លុង ខ្ញុំសងស្រឡះបំណុលធនាគារនិងមានជីវភាពធូរធារ”។

បងស្រីហ្វាង នៅទាំងខ្នះខ្នែងចលនាសម្ព័ន្ធយុវជនចូលរួមរាល់ចលនារបស់ភូមិភាគ មានដូច៖ ចលនាជូនអំណោយបុណ្យចូលឆ្នាំវៀតណាមដល់គ្រួសារក្រីក្រ រៀបចំសម្អាតផ្លូវជនបទ ផ្សព្វផ្សាយបង្ការទប់ស្កាត់ជំងឺរាលដាល COVID-១៩។ល។ បងស្រីហ្វាង ចែករំលែក៖ “ធ្វើជាកម្មាភិបាលសម្ព័ន្ធយុវជន គឺហត់នឿយខ្លាំងណាស់ ដ្បិតអីត្រូវម្ចាស់ការឈានមុខរាល់សកម្មភាព ប៉ុន្តែផ្ទុយមកវិញក៏សប្បាយចិត្តណាស់ដែរ។ សប្បាយបំផុតពេលទៅណាមកណាជួបមាមីងសរសើរ៖ “អ្នកពាក់អាវខៀវ (អាវសម្ព័ន្ធយុវជន) អាចធ្វើបានការងារគ្រប់យ៉ាង មិនរួញរាការ លំបាកជួយដល់ប្រជាជនគួរឱ្យស្ងើចសរសើរ “។ ឮដូច្នោះ កាន់តែធ្វើឱ្យនាងខ្ញុំមានមោទនភាព ហើយកាន់តែខ្នះខ្នែងក្នុងការងារថែមទៀត”៕

យ្វីអាញ់ - ថាច់ធី

ចែករំលែកអត្ថបទ

ពាក្យគន្លឹះ