កីឡា​ការិនី​វាយ​សី​ Ratchanok Intanon មិន​ត្រឹម​តែ​ជា​កម្លាំង​ស្នូល​នៃ​ក្រុម​ជម្រើស​កីឡា​វាយ​សីប្រទេស​ថៃ​ប៉ុណ្ណោះ​ទេ នៅ​ទាំង​ជា​កីឡា​ករ​ម្នាក់​ក្នុង​ចំ​ណោម​កីឡា​ករ​ដ៏​ល្បី​ឈ្មោះ​ពិភព​លោក​ទៀ​ត​ផង​។​  នៅ​ដើម​ឆ្នាំ​២​០​២​០​ Intanonទទួល​បាន​តំ​ណែង​ជើង​ឯកពាន​រង្វាន់​Super​៥០០​ នៅ​ឥណ្ឌូ​ណេស៊ី​ Masters ។​

Intanon ទទួល​បាន​ពាន​រង្វាន់​ដំបូង​ក្នុង​ឆ្នាំ​២​០​២​០​នៅ​ឥណ្ឌូ​ណេស៊ី​ Masters។​ 

មិន​ត្រឹម​តែ​ជា​កីឡា​ការិនី​វាយ​សី​ដ៏​ល្បី​របស់​ថៃ​ប៉ុណ្ណោះ​ទេ Intanon ថែ​ម​ទាំងជា​អត្ត​ពលិក​ម្នាក់​ក្នុង​ចំ​ណោម​អត្ត​ពលិក​ដែល​សម្រេច​បាន​ស្នា​ដៃ​ល្អ​ៗ ​ជា​ច្រើន​របស់​សហព័ន្ធ​កីឡា​វាយ​សី​ពិភព​លោក​(BWF) ពីព្រោះ​ឯត​ទគ្គ​កម្ម​របស់​នាង​មក​ទល់​ពេល​នេះ​ពុំ​ទាន់​មាន​កីឡា​ករ​ណាម្នាក់​បំ​បែក​បាន​នៅ​ឡើយ​។​ នោះ​គឺ​ជា​កិត្តិ​នាម​កីឡា​ការិ​នី​វ័យ​ក្មេង​បំ​ផុត​គ្រង​តំ​ណែង​ជើង​ឯ​កពាន​រង្វាន់​កីឡា​វាយ​សី​វ័យ​ក្មេង​ពិភព​លោក​ឆ្នាំ​២​០​០​៩​ និង​ជា​អត្ត​ពលិក​វ័យ​ក្មេង​បំ​ផុត​គ្រង​តំ​ណែង​ជើង​ឯក​ពិភព​លោក​ឆ្នាំ​២​០​១​៣​ កាល​នោះ​នាងអា​យុ​១​៨​ឆ្នាំ​។​ នាងក៏​ជា​កីឡា​ការិនី​វ័យ​ក្មេង​ដំបូង​បង្អស់​ គ្រង​តំ​ណែង​ជើង​ឯក​ពាន​រង្វាន់​កីឡា​វាយ​សី​ពិភព​លោក​៣​លើក​បន្ត​បន្ទាប់(នៅ​ឆ្នាំ​២០០៩, ២​០​១​០, ២​០​១​១​) និង​ជា​អត្ត​ពលិក​វ័យ​ក្មេង​បំ​ផុត​បាន​ឈាន​ចូល​វគ្គ​ផ្តាច់​ព្រ័ត្រ​ពាន​រង្វាន់​Yonex All Englandឆ្នាំ​២​០​១​៣​។​ល។​ ប្រ​កួត​រយៈ​ពេល​១​០​ឆ្នាំ​  Intanon ដូច​ជា​មាន​កម្រង​សមុច្ច័យគ្រប់​ពាន​របស់​សហព័ន្ធ​កីឡា​វាយ​សី​ពិភព​លោក​BWF។​ ក្រៅ​ពីនោះ​ នាង​ថែម​ទាំង​មាន​កិត្តិ​យស​បាន​ BWF ជូន​ពាន​រង្វាន់​អត្ត​ពលិក​កីឡា​វាយ​សី​ពោរ​ពេញ​ដោយ​ក្តី​សង្ឃឹម​បំ​ផុត​ឆ្នាំ​២​០​០​៩​ និង​បាន​គណៈ​កម្មា​ធិ​ការ​ Olympic ពិភព​លោក​ជូន​ពាន​រង្វាន់​ពលរដ្ឋ​វ័យ​ក្មេង​បំ​ផុតស្មារតី​ចូល​ចិត្ត​លេង​កីឡា​ឆ្នាំ​២​០​១​០​។​ ឆ្នាំ​២​០​១​៣​ នាងបាន​ទទួល​រង្វាន់​អត្ត​ពលិក​នារី​ឆ្នើម​បំ​ផុត​របស់​ប្រ​ទេស​ថៃ​។​ល។​ ឆ្នាំ​២​០​១​៦​ នាង​ឈាន​ឡើង​ចំ​ណាត់​ថ្នាក់​លេខ​១​ក្នុង​មជ្ឈ​ដ្ឋាន​កីឡា​វាយ​សី​នារី​អន្តរ​ជា​តិ​។​

ក្រៅ​ពីស្នា​ដៃ​ផ្ទាល់​ខ្លួន​ Intanon នៅ​ទាំង​បាន​អ្នក​គាំ​ទ្រ​ស្រ​ឡាញ់​រាប់​អាន​ដោយ​ការ​បញ្ចេញ​សមត្ថ​ភាព​របស់​នាង ពេល​ប្រ​កួត​ឱ្យ​ក្រុម​ជម្រើស​ជាតិ​ម្តង​ៗ​។​ Intanon តែងដឹកនាំ​ក្រុម​ជម្រើស​កីឡា​វាយ​សី​ថៃ​និយាយ​រួម​ និង​ក្រុម​ជម្រើស​កីឡា​វាយ​សី​នារី​ថៃ​និយាយ​ដោយ​ឡែក​។​ ពិសេស​ រួម​ជា​មួយ​ក្រុម​ជម្រើស​នារី​  Intanon បាន​នាំ​មក​នូវ​មេ​ដាយ​មាស​៣​គ្រឿង​នៅ​ស៊ី​ហ្គេម​ និង​មេ​ដាយ​សំ​រឹទ្ធិ មេ​ដាយ​ប្រាក់​អា​ស៊ី​នៅ​ឆ្នាំ​២​០​១​០​ និង​ឆ្នាំ​២​០​១​៨​។​

បច្ចុ​ប្បន្ន​  Intanon ឈរ​លំ​ដាប់ថ្នាក់​លេខ​៥​ពិភព​លោក​។​ ឋិត​ក្នុង​វ័យ​២​៥​ នាងខំប្រឹង​ប្រ​កួត​យ៉ាង​ស្វិត​ស្វាញ​ ដើម្បី​ការ​ពារ​ចំ​ណាត់​ថ្នាក់​កំ​ពូល​របស់​កីឡា​វាយ​សី​ថៃ​ចូល​រួម​  Olympic​២០២០។​ ក្រៅ​ពីត្រូវ​គូប្រ​កួត​ចាប់​បាន​ចំ​ណុច​ខ្សោយ​របៀប​វាយ​យឺត​ និង​ស្នៀត​វាយ​ខ្វែង​ដៃ​ជិត​សំ​ណាញ់​ Intanon ក៏​កំ​ពុង​ប្រ​ឈម​នឹង​បញ្ហា​សុខ​ភាព​ដោយ​សារ​វ័យ​របស់​ខ្លួន​។​ នេះ​គឺ​ជា​ឧបសគ្គ​ដ៏​ធំ​ដែល​Intanonត្រូវ​ឆ្លង​កាត់​ បើ​សិន​ចង់​បង្កើត​បាន​ឯត​ទគ្គ​កម្ម​បន្ថែម​នៅ​ Olympic នាពេល​ខាង​មុខ​៕

                                                                             ហា​ថាញ- មុនី