មហាសាមគ្គីជនជាតិ ភូមិស្រុកផ្លាស់ថ្មី

17/02/2020 - 14:52

ឃុំថាញ់ភូ រីកចម្រើនជាងមុន

មាមីងនៅឃុំជនបទថ្មីថាញ់ភូ ស្រុកមីស្វៀង ខេត្តសុកត្រាំង កំពុងសស្រាក់សស្រាំរៀបចំផ្ទះសម្បែងទទួលអំណរបុណ្យចូលឆ្នាំថ្មី អាស្រ័យការបង្កបង្កើនផលមានភាពងាយស្រួល ទិន្នផលខ្ពស់ បង្កើនប្រាក់ចំណូល ម្ល៉ោះហើយជីវភាពប្រជាជនកាន់តែធូរធារ។

ដងផ្លូវជនបទចុះទៅតាមតាមភូមិរបស់ឃុំថាញ់ភូត្រូវបានចាក់បេតុងរួចរាល់។

មុននេះ ជីវភាពរបស់ប្រជាជននៅឃុំថាញ់ភូជួបលំបាកច្រើន ហេដ្ឋារចនាសម្ព័ន្ធមិនទាន់បានវិនិយោគកសាង គ្រួសារក្រីក្រសរុបអត្រាជាង៤០%។ អនុវត្តកម្មវិធីកសាងជនបទថ្មី ឃុំបានវិនិយោគកសាងសំណង់គមនាគមន៍ជនបទ អគ្គិសនី សាលារៀន ដំណាក់សុខាភិបាល ទឹកស្អាត។ល។ ផ្ដើមពីនោះ ការផលិត ធ្វើអាជីវកម្មក៏មានភាពងាយស្រួល សម្រេចបានទិន្នផលនិងគុណភាពខ្ពស់ ជីវភាពប្រជាជនកាន់តែលំនឹង។ អាស្រ័យហេតុនោះ អត្រាគ្រួសារក្រីក្រទូទាំងឃុំថយចុះនៅត្រឹម២,៩% ប្រាក់ចំណូលមធ្យមភាគលើមនុស្សម្នាក់ៗក្នុងមួយឆ្នាំសម្រេច៤៩,៣លានដុង គ្រួសារមានអគ្គិសនីប្រើប្រាស់ជាង៩៨% គ្រួសារប្រើប្រាស់ទឹកស្របអនាម័យជិត១០០% ពលករមានការងារធ្វើជាប្រចាំសម្រេចជាង៩១%។ល។

សាលាបឋមសិក្សាថាញ់ភូ៥នៅភូមិរ៉ាចសេន ឃុំថាញ់ភូ ត្រូវបានកសាងសមរម្យ។

ព្រះតេជព្រះគុណឡឹមសឿង ព្រះចៅអធិការវត្តអំពូយា ឃុំថាញ់ភូ មានថេរដីកា៖ "រដ្ឋមានគោលនយោបាយស្របចិត្តប្រជាជន រដ្ឋអំណាចខ្នះខ្នែងនិងចលនាគឺពុទ្ធបរិស័ទនិងស្ម័គ្រចិត្តអនុវត្ត។ សព្វថ្ងៃ តំបន់ជនបទឃុំថាញ់ភូមានការរីកចម្រើន ជីវភាពពុទ្ធបរិស័ទខ្មែរកាន់តែធូរធារ កម្រិតវិជ្ជាក៏កាន់តែខ្ពស់។ នោះក៏ដោយសារលទ្ធផលនៃគោលនយោបាយវិនិយោគអភិវឌ្ឍតំបន់ជនរួមជាតិខ្មែររបស់បក្ស រដ្ឋ និងឆន្ទៈឈានឡើងក្នុងជីវភាពរបស់ពុទ្ធបរិស័ទផងដែរ"។ លោកកៅដូរ៉ា ប្រជាជននៅភូមិសុកបឹង ឱ្យដឹង៖ "បើប្រៀបផ្ទឹម១០ឆ្នាំកន្លង ឃុំថាញ់ភូមានការរីកចម្រើនជាងមុន គ្មាននៅផ្ទះស្លឹកបណ្ដោះអាសន្ន ផ្លូវថ្នល់ភក់ល្បាប់ទៀតទេ។ សព្វថ្ងៃ មានផ្លូវបេតុងតភ្ជាប់ភូមិ ឃុំ និងផ្ទះឥដ្ឋសង់ឡើងតាំងនៅជិតៗគ្នា អគ្គិសនីទឹកស្អាតត្រូវបានតភ្ជាប់ដល់ផ្ទះសម្រាប់ប្រើប្រាស់។ ទន្ទឹមនឹងការអភិវឌ្ឍគ្រប់ជ្រុងជ្រោយរបស់ភូមិភាគ សន្ដិសុខសណ្តាប់ធ្នាប់ក្នុងឃុំក៏បានធានាផងដែរ"។

លោកម៉ាយថាញ់កូវ លេខាគណៈកម្មាធិការបក្ស ប្រធានគណៈកម្មាធិការប្រជាជនឃុំថាញ់ភូ ឱ្យដឹង៖ "ថាញ់ភូត្រូវបានទទួលស្គាល់ជាឃុំជនបទថ្មី ក្រៅពីប្រភពទុននៃកម្មវិធីកសាងជនបទថ្មី នៅមានប្រភពទុនពីគោលនយោបាយជនជាតិជាច្រើនទៀតត្រូវបានវិនិយោគ។ ជាពិសេសគឺការរួមវិភាគទាន គាំទ្រអំពីសំណាក់ប្រជាជនក្នុងការអនុវត្តរាល់លក្ខឋាននិងបរិច្ចាគដី ដំណាំ កម្លាំងពលកម្ម។ល។ ដើម្បីរដ្ឋអំណាចមានភាពងាយស្រួលអនុវត្តកសាងសំណង់ហេដ្ឋារចនាសម្ព័ន្ធជនបទ ធារាសាស្រ្ត"៕

យ្វីអាញ់ - ថាច់ធី

ចែករំលែកអត្ថបទ

ពាក្យគន្លឹះ