សុខភាព - អប់រំ សុខភាព

13/08/2019 - 08:47

បង្កើនការទប់ស្កាត់ជំងឺគ្រុនឈាម

តាមមជ្ឈមណ្ឌលត្រួតពិនិត្យជំងឺតម្កាត់ក្រុងកឹងធើ ជំងឺគ្រុនឈាមគឺជាជំងឺមួយក្នុងចំណោមជំងឺឆ្លងទាំង៧ ដែលមានអ្នកផ្ទុកជំងឺកើនឡើងបើប្រៀបនឹងឆ្នាំកន្លង។ តាមការព្យាករណ៍របស់មជ្ឈមណ្ឌល ចាប់ពីពេលនេះរហូតដល់អស់រដូវភ្លៀង ចំនួនអ្នកផ្ទុកជំងឺនេះនឹងមានកម្រិតខ្ពស់ ម្ល៉ោះហើយភូមិភាគនានាក៏ដូចជាប្រជាជនគប្បីយកចិត្តទុកដាក់ក្នុងការបង្ការទប់ស្កាត់ជំងឺគ្រុនឈាម។

ការពិនិត្យមើលឧបករណ៍តម្កល់ទឹកក្នុងផ្ទះជាប្រចាំ គឺជាភារកិច្ចរបស់សមាជិកក្នុងគ្រួសារ។

ចំពោះស្ថានភាពដូចពោលខាងលើ ផ្នែកសុខាភិបាលគ្រប់លំដាប់ថ្នាក់ បានបង្កើនកិច្ចសហការជាមួយនឹងភូមិភាគនានាក្នុងការឃោសនា ចលនាប្រជាជនបង្ការទប់ស្កាត់ជំងឺគ្រុនឈាម។ លោកស្រីវ៉ធីធ្វីដង ប្រធានសហព័ន្ធនារីខណ្ឌអូរម៉ូង ឱ្យដឹង៖ “អាស្រ័យនៅលើភូមិសាស្រ្តមានគ្រួសារប្រជាជនជាច្រើនមានទម្លាប់ប្រើទឹកភ្លៀងក្នុងជីវភាពប្រចាំថ្ងៃ ម្ល៉ោះហើយនៅតាមផ្ទះពួកគាត់តែងមានឧបករណ៍សម្រាប់តម្កល់ទឹក។ នេះក៏ជាកន្លែងកកើតដង្កូវទឹក បណ្តាលឱ្យកើតមូសដែលជាភ្នាក់ងារចម្លងជំងឺគ្រុនឈាម។ ព្រោះហេតុនោះ សមាគមនារីខណ្ឌបានចង្អុលការដល់បងប្អូននារីដែលទទួលបន្ទុកកិច្ចការនារីនៅតាមសង្កាត់ គប្បីបង្កើនការឃោសនាចលនាសមាជិកអនុវត្តការហូបឆ្អិនផឹកឆ្អិន និងពិនិត្យមើលឧបករណ៍តម្កល់ទឹកជាប្រចាំ បើប្រទះឃើញមានដង្កូវទឹកគឺចាកទឹកចោលភ្លាម។ ក្រៅពីការផ្សព្វផ្សាយដោយផ្ទាល់ បងប្អូននារីនៅទាំងចាត់ តាំងផ្គួបបញ្ចូលការផ្សព្វផ្សាយនៅរាល់ពេលប្រជុំសមាគមទៀតផង”។ ដើម្បីការផ្សព្វផ្សាយសម្រេចបានប្រសិទ្ធភាព ភូមិភាគបានចង្អុលការដល់អង្គការមហាជនរួមគ្នាអនុវត្តការងារផ្សព្វផ្សាយ។ លោកត្រឹងឡុងហូ ប្រធានគណៈកម្មាធិការប្រជាជនឃុំត្រឿងថាញ់ ស្រុកថើយឡាយ ឱ្យដឹង៖ “ឃុំបានចង្អុលការដល់អង្គការមហាជនរួមគ្នាឧបត្ថម្ភដំណាក់សុខាភិបាលឃុំក្នុងការផ្សព្វផ្សាយ ដើម្បីលើកកម្ពស់ស្មារតីរបស់ប្រជាជនអំពីការបង្ការទប់ស្កាត់ជំងឺគ្រប់ប្រភេទ។ ពិសេស ត្រូវយកចិត្តទុកដាក់ដល់ជំងឺគ្រុនឈាម ពីព្រោះដំណាក់កាលនេះជារដូវភ្លៀង ជំងឺនេះងាយនឹងឆ្លងរាលដាលណាស់”។

ជាមួយនឹងការចូលរួមរបស់អង្គការមហាជន ឃើញថាបានញុាំងឱ្យការយល់ដឹងរបស់ប្រជាជនអំពីការបង្ការទប់ស្កាត់ជំងឺគ្រប់ប្រភេទត្រូវបានលើកកម្ពស់។ បងស្រីដាវធីម៉េន នៅភូមិត្រឿងដុង ឱ្យដឹង៖ “គ្រួសារខ្ញុំមានទម្លាប់ផឹកទឹកភ្លៀង ពីព្រោះវាមានរសផ្អែមត្រជាក់។ ប៉ុន្តែបងប្អូនក្នុងសមាគមនារីបានចលនាត្រូវតែហូបផ្អិនផឹកឆ្អិន ម្ល៉ោះហើយគ្រួសារខ្ញុំបោះបង់ចោលទម្លាប់នេះ។ បំផុតគឺប្តីខ្ញុំ ពីមុនមកមិនសូវយកចិត្តទុកដាក់ដល់ការងារកំប៉ិកកំប៉ុកក្នុងគ្រួសារឡើយ ប៉ុន្តែឥឡូវគាត់តែងពិនិត្យមើលដង្កូវទឹកក្នុងពាងជាប្រចាំ ពីព្រោះបានសមាគមកសិករ ក្រើនរំលឹកក្នុងពេលប្រជុំម្ដងៗ”។ ការយល់ដឹងរបស់ប្រជាជន គឺជាកត្តាសំខាន់មួយក្នុងចំណោមកត្តាសំខាន់ៗនៃការបង្ការទប់ស្កាត់ជំងឺឆ្លងរាលដាល។ បងស្រីសើុងធីឡាង អ្នកមានប្រិយភាពនៅភូមិថើយហ្វាB ទីប្រជុំជនកើ-ដ ស្រុកកើ-ដ ឱ្យដឹង៖ “ដោយសារបានអង្គការមហាជនរួមគ្នាអនុវត្តវិធានការ ផ្សព្វផ្សាយដូចភ្លៀងរលឹម ម្ល៉ោះហើយឥឡូវមាមីងខ្មែរនៅក្នុងភូមិខ្ញុំតែងមានស្មារតីភ្ញាក់រលឹកក្នុងការបង្ការទប់ស្កាត់ជំងឺតម្កាត់និយាយរួម ជំងឺគ្រុនឈាមនិយាយដោយឡែក”៕

ហាថាញ់-វិមាន

ចែករំលែកអត្ថបទ

ពាក្យគន្លឹះ