ព្រឹត្តិការណ៍ - នយោបាយ ព្រឹត្តិការណ៍

17/06/2019 - 14:45

មហាសន្និបាតតំណាងរណសិរ្សមាតុភូមិវៀតណាមក្រុងកឹងធើ និងខេត្តត្រាវិញ

លោកង្វៀនង៉ុកតឹម បានតែងតាំងធ្វើជាប្រធានគណៈកម្មាធិការរណសិរ្សមាតុភូមិវៀតណាមក្រុងកឹងធើ អាណត្តិកាល ២០១៩-២០២៤

គណៈកម្មាធិការរណសិរ្សមាតុភូមិវៀតណាមក្រុងកឹងធើ អាណត្តិកាល២០១៩-២០២៤ បង្ហាញមុខមហាសន្និបាត។ រូប៖ គឹមស្វឹង

កាលពីថ្ងៃទី០១ ខែមិថុនា ឆ្នាំ២០១៩ មហាសន្និបាតតំណាងរណសិរ្សមាតុភូមិវៀតណាមក្រុងកឹងធើ លើកទី IX អាណត្តិកាល២០១៩-២០២៤ បានប្រព្រឹត្តឡើងយ៉ាងមហោឡារិក នៅសាលប្រជុំគណៈកម្មាធិការបក្សក្រុងកឹងធើ។ មហាសន្និបាត បានដាក់ចេញទិសដៅ ភារកិច្ចអាណត្តិថ្មី គឺបន្តការផ្លាស់ថ្មីយ៉ាងខ្លាំងក្លានូវសកម្មភាពរបស់រណសិរ្សមាតុភូមិវៀតណាមគ្រប់លំដាប់ថ្នាក់របស់ក្រុង ធ្វើពិពិធកម្មទ្រង់ទ្រាយឃោសនា ចលនា ប្រមូលផ្តុំប្រជាជនគ្រប់ជាន់ស្រទាប់អនុវត្តនូវការចលនា អនុវត្តបានល្អនូវតួនាទីអ្នកតំណាងការពារសិទ្ធិ និងផលប្រយោជន៍ស្របច្បាប់ សមហេតុសមផលរបស់ប្រជាជន ពង្រីកប្រជាធិបតេយ្យ អ្នកតំណាងបង្កើនការឯកភាពសង្គម ជំរុញការត្រួតពិនិត្យនិងធ្វើវិវេចនាសង្គម សកម្មចូលរួមកសាងអង្គការបក្ស រដ្ឋអំណាចស្អាតស្អំ រឹងមាំ រួមចំណែកយ៉ាងសកម្មក្នុងការអភិវឌ្ឍរួមរបស់ក្រុង កសាង ពង្រឹង រៀបចំឲ្យរឹងមាំជាប្រចាំ អង្គការចាត់តាំង ក្បាលម៉ាស៊ីនរណសិរ្សគ្រប់លំដាប់ថ្នាក់ក្នុងក្រុង តាមទិសដៅ សម្រិតសម្រាំង សុពលភាព ប្រសិទ្ធភាព អនុវត្តសម្រេចឆ្នើមភារកិច្ចប្រមូលផ្តុំកសាងផែនមហាសាមគ្គីទូទាំងជនជាតិក្នុងស្ថានភាពថ្មី។

ជាមួយនឹងស្មារតីសាមគ្គី ប្រជាធិបតេយ្យ ទទួលខុសត្រូវ មហាសន្និបាតបានឯកភាពប្រជុំពិភាក្សាជ្រើសតំណាង៨៦រូប ចូលរួមគណៈកម្មាធិការរណសិរ្សមាតុភូមិវៀតណាមក្រុងកឹងធើ អាណត្តិកាល២០១៩-២០២៤ ជ្រើសគណៈប្រតិភូចូលរួមមហាសន្និបាតតំណាងរសិរ្សមាតុភូមិវៀតណាមទូទាំងប្រទេសលើកទី IX រួមមានតំណាងពេញសិទ្ធិ៦រូប និងបម្រុង២រូប។ ក្នុងសម័យប្រជុំលើកទី១ គណៈកម្មាធិការរណសិរ្សមាតុភូមិវៀតណាម ក្រុងបានប្រជុំពិភាក្សាតែងតាំងលោកង្វៀនង៉ុកតឹម សមាជិកគណៈកម្មាធិការបក្សក្រុង លេខាគណៈកម្មាធិការបក្សស្រុកថើយឡាយ ធ្វើជាប្រធានគណៈកម្មាធិការរណសិរ្សមាតុភូមិវៀតណាមក្រុងកឹងធើ តែងតាំង អនុប្រធានទទួលបន្ទុក៣រូប រួមមាន៖ លោកស្រី ង្វៀនធ្វីហាំង លោកឌិញទ្រុងត្រឹក លោកតុងវ៉ាន់ញីន និងអនុប្រធានជំនួយការ៤រូបនិងជ្រើសសមាជិកប្រចាំការ២រូប។

*មហាសន្និបាតតំណាងរណសិរ្សមាតុភូមិវៀតណាម ខេត្តត្រាវិញ លើកទី IX អាណត្តិកាល២០១៩-២០២៤ បានប្រព្រឹត្តឡើងជោគជ័យយ៉ាងត្រចះត្រចង់។ អាណត្តិកាលកន្លង គណៈកម្មាធិការរណសិរ្សសមាតុភូមិវៀតណាមខេត្តត្រាវិញ បានបង្ហាញពីតួនាទីម្ចាស់ការក្នុងការធ្វើសេនាធិការជូនគណៈកម្មាធិការបក្សថ្នាក់ដឹកនាំបានទាន់ពេល និងមានកិច្ចសហការជាមួយនឹងរដ្ឋអំណាច អង្គការសមាជិកក្នុងការបង្កើនផែនមហាសាមគ្គីទូទាំងជនជាតិ ដោះស្រាយនូវបញ្ហាកង្វល់ក្នុងសង្គម។ ទន្ទឹមនឹងនោះ រណសិរ្សមាតុភូមិគ្រប់លំដាប់ថ្នាក់ បានច្បាមនិងធ្វើឲ្យជាក់ស្តែងនូវកម្មវិធីសហការឯកភាពសកម្មភាពប្រចាំឆ្នាំ ឆ្លងតាមរយៈពិពិធកម្មទ្រង់ទ្រាយប្រមូលផ្តុំ បង្កបានការឯកភាពសង្គម ទំនាក់ទំនងរវាងបក្ស រដ្ឋ ជាមួយនឹងប្រជាជនកាន់តែផ្សារភ្ជាប់ស្អិតល្មួតពីមួយថ្ងៃទៅមួយថ្ងៃ ផែនមហាសាមគ្គីកាន់តែបានកសាងរឹងមាំ។ល។ អាណត្តិកាលថ្មី២០១៩-២០២៤ រណសិរ្សមាតុភូមិវៀតណាមខេត្តត្រាវិញ បន្តផ្លាស់ថ្មីខ្លឹមសារនិងវិធីសកម្មភាព ធ្វើពិពិធកម្មទ្រង់ទ្រាយឃោសនា ចលនា ផ្តុំកម្លាំងកសាងនិងពង្រឹងរឹងមាំផែនមហាសាមគ្គីទូទាំងជនជាតិ សំដៅផ្សព្វផ្សាយប្រកបដោយប្រសិទ្ធភាពការចលនាប្រឡងប្រណាំងស្នេហាជាតិ រាល់ការចលនា អាស្រ័យរណសិរ្សមាតុភូមិវៀតណាមនិងភូមិភាគបំផុស រួមចំណែកជំរុញការអភិវឌ្ឍសេដ្ឋកិច្ច-សង្គម រក្សាលំនឹងការពារប្រទេស-សន្តិសុខ។ ទន្ទឹមនឹងនោះ សកម្មចូលរួមកសាងបក្ស កសាងរដ្ឋអំណាច ការពារសិទ្ធិ និងផលប្រយោជន៍ស្របច្បាប់ សមហេតុសមផលរបស់ប្រជាជន។

មហាសន្និបាតបានប្រជុំពិភាក្សា ឧទ្ទេសនាមអ្នកតំណាង៧១រូប ចូលជាសមាជិកគណៈកម្មាធិការរណសិរ្សមាតុភូមិខេត្តត្រាវិញ លើកទី IX អាណត្តិកាល២០១៩-២០២៤។ សមមិត្តង្វៀនថាញ់តឹម បានមហាសន្និបាតទំនុកចិត្តតែងតាំងធ្វើជាប្រធានគណៈកម្មាធិការរណសិរ្សមាតុភូមិវៀតណាមខេត្តត្រាវិញ លើកទី IX អាណត្តិកាល ២០១៩-២០២៤៕

ង៉ុកក្វៀង-ម៉ាល័យ-វិមាន

ចែករំលែកអត្ថបទ

ពាក្យគន្លឹះ