រយៈពេលកន្លង សមាគមព្រះសង្ឃសាមគ្គីស្នេហាជាតិ បានបង្ហាញឲ្យឃើញនូវតួនាទីជាស្នូលនៃសាមគ្គីភាព ចលនាពុទ្ធបរិស័ទខ្មែរ ខ្នះខ្នែងពលកម្មផលិតលើកកម្ពស់ជីវភាព។ សមាគមថែមទាំងអនុវត្តល្អការងារផ្សព្វផ្សាយ អប់រំច្បាប់ ឆ្លងតាមរយៈនោះ ឃើញថា ព្រះសង្ឃ គណៈកម្មការវត្តនិងពុទ្ធបរិស័ទខ្មែរ ពីមួយថ្ងៃទៅមួយថ្ងៃកាន់តែលើកកម្ពស់ស្មារតីក្នុងការអនុវត្តគោលការណ៍របស់បក្ស គោលនយោបាយ ច្បាប់របស់រដ្ឋ។ មិនតែប៉ុណ្ណោះ សមាគមថែមទាំងរួមចំណែកយ៉ាងសំខាន់ក្នុងការអប់រំ អភិរក្ស និងពង្រីកអត្តសញ្ញាណវប្បធម៌ជនជាតិ ជំនឿសាសនានៃពុទ្ធសាសនាទក្ខិណានិកាយខ្មែរទៀតផង។ល។ ស្របក្នុងឱកាសអំណរបុណ្យចូលឆ្នាំថ្មី២០១៩ របស់ជនរួមជាតិខ្មែរ យើងខ្ញុំសូមលើកយកកំណត់ត្រា ថេរដីការបស់ព្រះឧបជ្ឈាយ៍ ព្រះតេជព្រះគុណ ជាថ្នាក់ដឹកនាំសមាគមព្រះសង្ឃសាមគ្គីស្នេហាជាតិនៅភូមិភាគមួយ ចំនួនស្ដីពីការរួមចំណែកក៏ដូចជាសកម្មភាពនៃពុទ្ធសាសនាទៅតាមគោលលំនាំ “សាសនា-ប្រជាជាតិ-សង្គមនិយម” ក្នុងផ្ទះរួមនៃសមាគមពុទ្ធសាសនាវៀតណាម។
លោកឡេសើុងហាយ អនុរដ្ឋមន្ត្រី អនុប្រធានគណៈកម្មាធិការជនជាតិ សួរសុខទុក្ខសមាគមព្រះសង្ឃសាមគ្គីស្នេហាជាតិខេត្តសុកត្រាំង។ រូប៖ លីធាន
.jpg "សាមគ្គីកសាងភូមិស្រុក")
លោកត្រឹងថាញម៉ឹង លេខាមជ្ឈិមបក្ស ប្រធានគណៈកម្មាធិការមជ្ឈិមរណសិរ្សមាតុភូមិរៀតណាម រួមជាមួយអ្នកតំណាងក្រុងកឹងធើ អញ្ជើញទៅសួរសុខទុក្ខនិងជូនពរបុណ្យចូលឆ្នាំថ្មីរបស់ជនរួមជាតិខ្មែរចំពោះសមាគមព្រះសង្ឃសាមគ្គីស្នេហាជាតិក្រុងកឹងធើ ឆ្នាំ២០១៨។ រូប៖ ក្វឹកថៃ
ព្រះឧបជ្ឈាយ៍ថាច់សុខសាន្ត ប្រធានសមាគមព្រះសង្ឃ សាមគ្គីស្នេហាជាតិខេត្តត្រាវិញ៖
អនុវត្តល្អរាល់ការចលនាប្រឡងប្រណាំងស្នេហាជាតិក្នុងជនរួមជាតិខ្មែរ
ព្រះឧបជ្ឈាយ៍ថាច់សុខសាន្ត ប្រធានសមាគមព្រះសង្ឃសាមគ្គីស្នេហាជាតិខេត្តត្រាវិញ។
ជីវភាពរបស់ព្រះសង្ឃ ជនរួមជាតិខ្មែរខេត្តត្រាវិញ ពីមួយថ្ងៃទៅមួយថ្ងៃកាន់តែបានលើកកម្ពស់។ លទ្ធផលនេះ អាស្រ័យបក្សនិងរដ្ឋបានដាក់ចេញផ្សព្វផ្សាយអនុវត្តនូវគោលការណ៍ គោលនយោបាយជាច្រើន ដែលសម ស្របជាមួយជនជាតិ។ ព្រះសង្ឃ ពុទ្ធបរិស័ទនិងជនរួមជាតិ ខ្មែរនៅខេត្តត្រាវិញ តែងទទួលបានការផ្សព្វផ្សាយ លើកកម្ពស់ការយល់ដឹង ស្មារតីគោរពច្បាប់; ដាច់ខាតមិនស្តាប់ តាមពាក្យឃោសនាអាក្រក់របស់ជនទុច្ចរិត ធ្វើឲ្យបែកបាក់ចំណងសាមគ្គីជនជាតិ បំបែកបំបាក់សាសនា រវាងជនជាតិ និងជនជាតិ។ ទន្ទឹមនឹងនោះ គប្បីរួបរួមកម្លាំងកាយចិត្តជាមួយនឹងបក្ស រដ្ឋ អនុវត្តការអភិវឌ្ឍសេដ្ឋកិច្ច-សង្គម លំនឹង សន្តិសុខសណ្តាប់ធ្នាប់នៅលើភូមិភាគ។ អនុវត្តនូវការចលនា “ទូទាំងប្រជាជនសាមគ្គីកសាងជនបទថ្មី ក្រុងស៊ីវិល័យ ”សមាគមព្រះសង្ឃសាមគ្គីស្នេហាជាតិខេត្តត្រាវិញបានចលនាព្រះចៅអធិការ ព្រះសង្ឃ និងគណៈកម្មការគ្រប់វត្ត អនុវត្តល្អការងារអភិរក្សពង្រីកលក្ខណៈវប្បធម៌ដ៏ពិសេសរបស់ជនរួមជាតិខ្មែរ។
រយៈពេលខាងមុខ សមាគមព្រះសង្ឃសាមគ្គីស្នេហាជាតិ ខេត្តនឹងចូលរួមជំរុញការចលនាប្រឡងប្រណាំងស្នេហាជាតិរបស់សមាគមគ្រប់លំដាប់ថ្នាក់របស់រដ្ឋអំណាចគ្រប់លំដាប់ថ្នាក់ គួបផ្សំជាមួយនឹងរណសិរ្សមាតុភូមិគ្រប់លំដាប់ថ្នាក់ កសាងផែនសាមគ្គីរឹងមាំ។ សមាគមបន្តការផ្លាស់ថ្មីសតិបញ្ញា និងសកម្មភាពរបស់ព្រះសង្ឃនិងពុទ្ធបរិស័ទ ក្នុងការអនុវត្តនូវគោលការណ៍ គោលមាគា៌របស់បក្ស គោលនយោបាយ ច្បាប់របស់រដ្ឋ ខ្នះខ្នែងចូលរួមកសាងការចលនាសង្គមរៀនសូត្រ លើកកម្ពស់ប្រជាបញ្ញា បន្តជំរុញការអភិវឌ្ឍផលិតកម្ម អភិរក្សនិងពង្រីកអត្តសញ្ញាណវប្បធម៌ជនជាតិ។
ព្រះឧបជ្ឈាយ៍ថាច់ហា ប្រធានសមាគមព្រះសង្ឃសាមគ្គីស្នេហាជាតិខេត្តកាម៉ាវ៖
យក “សាសនា–ប្រជាជាតិ–សង្គមនិយម” ធ្វើជាត្រីវិស័យប្រតិបត្តិសាសនា
 |
| ព្រះឧបជ្ឈាយ៍ថាច់ហា ប្រធានសមាគមព្រះសង្ឃសាមគ្គីស្នេហាជាតិខេត្តកាម៉ាវ។ |
ទន្ទឹមនឹងការអនុវត្តនូវគោលនយោបាយអភិវឌ្ឍសេដ្ឋកិច្ច-សង្គម ការអភិរក្សនិងពង្រីកទម្រង់វប្បធម៌ក្នុងតំបន់ជនរួមជាតិខ្មែរលើភូមិសាស្រ្តខេត្តកាម៉ាវ ត្រូវបានយកចិត្តទុកដាក់ជាង និងបានផ្នែកនានាយកចិត្តទុកដាក់ចង្អុលការកសាងសំណង់វប្បធម៌ជនជាតិនិងសាសនា។ គ្រប់ពិធីបុណ្យសាសនានិងពិធីបុណ្យប្រវេណីរបស់ជនរួមជាតិខ្មែរ ត្រូវបានអភិរក្សនិងរៀបចំឡើងស្របតាមច្បាប់។ ក្នុងឱកាសនោះ គ្រប់ផ្នែក គ្រប់ថ្នាក់នៅទាំងសហការជាមួយនឹងវត្តអារាម រៀបចំនូវសកម្មភាពកម្សាន្តសប្បាយ មានដូចល្បែងប្រជាប្រិយ សកម្មភាពវប្បធម៌ផ្សារភ្ជាប់ជាមួយនឹងសិល្បៈ កីឡាអប់រំកាយ បង្កបរិយាកាសកម្សាន្តសប្បាយនាំមកផលប្រយោជន៍ដល់ពុទ្ធបរិស័ទនិងសហគមន៍ជនជាតិឯទៀតលើភូមិសាស្រ្ត។
ការយកចិត្តទុកដាក់របស់គណៈកម្មាធិការបក្ស រដ្ឋអំណាចគ្រប់លំដាប់ថ្នាក់ បានបង្កលក្ខណសម្បត្តិជូនសមាគមព្រះសង្ឃសាមគ្គីស្នេហាជាតិខេត្តកាម៉ាវ ដំណើរការសកម្មភាពត្រឹមត្រូវតាមគោលការណ៍សីលធម៌ ព្រមទាំងប្រព្រឹត្តត្រឹមត្រូវតាមពុទ្ធានុញ្ញាត និងអនុវត្តល្អនូវធម្មនុញ្ញ របស់សមាគមពុទ្ធសាសនាវៀតណាម យកតាមគោលលំ នាំ “សាសនា –ប្រជាជាតិ – សង្គមនិយម” ធ្វើជាត្រីវិស័យ សម្រាប់គោរពប្រតិបត្តិ។ ព្រះសង្ឃ ពុទ្ធបរិស័ទខ្មែរពង្រីកបាននូវកម្លាំងសាមគ្គីជនជាតិ សកម្មភាពសាសនាបង្កបាននូវក្តីជឿជាក់រីករាយក្នុងជនរួមជាតិនិងសាសនា។ ផ្តើមពីនោះ ជនរួមជាតិមានការខិតខំតស៊ូឈានឡើងក្នុងជីវភាព ធ្វើមានធ្វើបានស្របច្បាប់ រួមចំណែកអភិវឌ្ឍសេដ្ឋកិច្ច-សង្គម សន្តិសុខការពារប្រទេសតែងបានរក្សាខ្ជាប់លំនឹងនយោបាយនៅភូមិភាគ។
ព្រះឧបជ្ឈាយ៍តាំងណោ អនុប្រធានសមាគមព្រះសង្ឃសាមគ្គីស្នេហាជាតិខេត្តសុកត្រាំង៖
អភិរក្សនិងពង្រីកតម្លៃវប្បធម៌ប្រវេណីល្អប្រសើររបស់ជនរួមជាតិខ្មែរ
 |
| ព្រះឧបជ្ឈាយ៍តាំងណោ អនុប្រធានសមាគមព្រះសង្ឃសាមគ្គីស្នេហាជាតិខេត្តសុកត្រាំង។ |
ខេត្តសុកត្រាំង បានយកចិត្តទុកដាក់បង្កលក្ខណសម្បត្តិដើម្បីវត្តនានាកសាងសាលា ព្រះវិហារ សមណកុដិ។ល។ រៀបចំសកម្មភាពវប្បធម៌ ជំនឿសាសនា ស្របតាមសេចក្តីកំណត់របស់ច្បាប់។ នៅតាមវត្តអារាមខ្មែរ កាន់តែមានភាពសមរម្យ រាល់សកម្មភាពជំនឿសាសនា និងពិធីបុណ្យទានជាប្រវេណីរបស់ជនរួមជាតិខ្មែរតែងបានអភិរក្សនិងពង្រីក។ អាចនិយាយបានថា ជីវភាពរបស់ជនរួមជាតិខ្មែរនៅសុកត្រាំង បានលើកកម្ពស់ពីមួយថ្ងៃទៅមួយថ្ងៃ ជនបទតំបន់មានជនរួមជាតិរស់នៅកាន់តែមានភាពផ្លាស់ថ្មី។ ផ្តើមពីនោះ ជនរួមជាតិខ្មែរខ្នះខ្នែងកសាងវត្តអារាម ចូលរួមការងារសប្បុរសធម៌សង្គម ខ្នះខ្នែងចូលរួមចលនាប្រឡងប្រណាំងស្នេហាជាតិ ដែលរដ្ឋអំណាចគ្រប់លំដាប់ថ្នាក់បំផុសចលនា។
រៀងរាល់ឆ្នាំ សមាគមបានចលនាព្រះសង្ឃចូលរៀន ធម្មវិន័យនិងបាលីនៅតាមវត្តនានាក្នុងខេត្តជាង៥០០អង្គ។ ឱកាសវិស្សមកាល សមាគមបានចង្អុលការវត្តនានា បើកបង្រៀនអក្សរខ្មែរចាប់ពីថ្នាក់ទី១ដល់ទី៥ មានកូនចៅជនរួមជាតិខ្មែរចូលរៀនជាង៥.៦០០នាក់។ រៀងរាល់ថ្ងៃ សីល ពុទ្ធបរិស័ទមកកាន់វត្តធ្វើទានរក្សាសីល ទន្ទឹមនឹងការសម្ដែងធម៌ ព្រះសង្ឃនៅទាំងគួបផ្សំក្នុងការផ្សព្វផ្សាយពីគោលការណ៍របស់បក្ស គោលនយោបាយច្បាប់របស់រដ្ឋទៀតផង។ ក្រៅពីនោះ សមាគមនៅទាំងសហការជាមួយនឹងគណៈជនជាតិខេត្ត រៀបចំសន្និបាតផ្សព្វផ្សាយគោលនយោបាយជនជាតិ-សាសនា ដល់ព្រះចៅអធិការ គណៈ កម្មការវត្តក្នុងខេត្ត។ ឆ្លងតាមរយៈនោះ ជួយដល់ព្រះចៅអធិការវត្តគ្រប់ព្រះអង្គក្នុងការគ្រប់គ្រង អប់រំព្រះសង្ឃត្រូវតាមពុទ្ធប្បញ្ញត្តិនិងច្បាប់របស់រដ្ឋ។
ព្រះតេជព្រះគុណលីហ៊ុង អនុប្រធានប្រចាំការនៃសមាគមព្រះសង្ឃសាមគ្គីស្នេហាជាតិក្រុងកឹងធើ៖
ពង្រីកស្មារតីរួបរួមសាមគ្គីក្នុងផែនមហាសាមគ្គីទូទាំងប្រជាជាតិ
 |
| ព្រះតេជព្រះគុណលីហ៊ុង អនុប្រធានប្រចាំការនៃសមាគមព្រះសង្ឃសាមគ្គីស្នេហាជាតិក្រុងកឹងធើ។ |
សមាគមព្រះសង្ឃសាមគ្គីស្នេហាជាតិក្រុងកឹងធើ អនុវត្តល្អនូវគោលការណ៍របស់បក្ស គោលនយោបាយ ច្បាប់របស់រដ្ឋ អនុវត្តល្អផែនមហាសាមគ្គីទូទាំងប្រជាជាតិ។ សមាគមខ្នះខ្នែងផ្សព្វផ្សាយនិងចលនាពុទ្ធបរិស័ទអភិវឌ្ឍសេដ្ឋកិច្ច អភិវឌ្ឍពលកម្មផលិតកសិកម្ម និងរាល់មុខរបរសំខាន់របស់ជនរួមជាតិខ្មែរ មានដូច៖ ធ្វើស្រែ ដាំដុះ ចិញ្ចឹមសត្វ លក់ដូរកំប៉ិកកំប៉ុក។ល។ ជារៀងរាល់ឆ្នាំ ប្រចាំការនៃសមាគមតែងសហការជាមួយនឹងផ្នែកសមត្ថកិច្ចភូមិភាគ រៀបចំមហោស្រពវប្បធម៌ កីឡានិងទេសចរណ៍ ស្របឱកាសបុណ្យអកអំបុកនិងបុណ្យចូលឆ្នាំថ្មី របស់ជនរួមជាតិខ្មែរ ខ្នះខ្នែងពង្រឹងពង្រីកបណ្តាក្រុមសិល្បៈ មហាជនខ្មែរ សំដៅអភិរក្សនិងពង្រីកអត្តសញ្ញាណវប្បធម៌ជនជាតិ។ល។ សមាគមក៏បានចលនាអ្នកមានសទ្ធាជ្រះថ្លា សប្បុរសជនអនុវត្តល្អជំរុញការសិក្សា ជំរុញបញ្ញារបស់សមណសិស្សសិក្សាផ្នែកពុទ្ធិកសិក្សា អនុវត្តការងារសប្បុរសធម៌ចំពោះគ្រួសារក្រីក្រ គ្រួសារប្រកៀកបន្ទាត់ក្រីក្រ ជនពិការ កុមារកំព្រា កសាងផ្ទះមហាសាមគ្គី ផ្លូវគមនាគមន៍ជនបទ។ល។ សមាគមនៅទាំងសហការស្អិតល្មួតជាមួយនគរបាលគ្រប់ថ្នាក់ ចលនាពុទ្ធបរិស័ទខ្មែរថែរក្សាសន្តិសុខសណ្តាប់ធ្នាប់នៅភូមិភាគ។
សមាគមព្រះសង្ឃសាមគ្គីស្នេហាជាតិក្រុងកឹងធើ បន្តការពង្រីកស្មារតីរួបរួមសាមគ្គីក្នុងសង្ឃអាគាររួមរបស់សមាគមពុទ្ធសាសនាវៀតណាម បន្តការពង្រីកប្រវេណីសាមគ្គីស្នេហាជាតិ អនុវត្តគោលលំនាំសមាគមពុទ្ធសាសនាវៀតណាម៖ “ប្រជាជនធ្វើមាន ប្រទេសរុងរឿង ប្រជាធិបតេយ្យ សមភាព ស៊ីវិល័យ” ផ្សារភ្ជាប់ជាមួយនឹង “សាសនា – ប្រជាជាតិ – សង្គមនិយម”៕
ក្រុមអ្នកយកព័ត៌មាន
ពាក្យគន្លឹះ
អគ្គនិពន្ធនាយក: ត្រឿងវ៉ាំងច្វៀន អគ្គនិពន្ធនាយករងទទួលបន្ទុកភាសាខ្មែរ: ង្វៀងថាញត្វឹង
លិខិតអនុញាតលេខ៧៨៩/GP-BTTTT អាស្រ័យក្រសួងពត៌មាននិងសារគមនាគមន៍ផ្តល់ថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ ទីក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម : quangcao@baocantho.com.vn
សរសេរច្បាស់ប្រភព"សារព័ត៌មានអេឡិចត្រូនិកកឹងធើ" នៅពេលផ្សាយបន្តពីwebsite នេះ។
អភិវឌ្ឍន៍ដោយ:
