គោលនយោបាយ -ការរស់នៅ គោលនយោបាយ

08/04/2019 - 20:50

យកចិត្តទុកដាក់គិតគូរពី”ទ្រនំសុខ”

លំនៅឋានថ្មីសមរម្យនៅតំបន់ជនរួមជាតិខ្មែរ បានសាងសង់កាន់តែច្រើនឡើងៗពីមួយថ្ងៃទៅមួយថ្ងៃ។ មួយក្នុងចំណោមនោះ គឺដោយសារការយកចិត្តទុកដាក់នៃគណៈ ផ្នែកគ្រប់លំដាប់ថ្នាក់ ព្រមជាមួយនឹងការព្រួតដៃរបស់សហគមន៍ ដើម្បីសាងសង់ផ្ទះមហាសាមគ្គី ផ្ទះមេត្តាធម៌ជាដើម។ ក្រុងកឹងធើ បាននិងកំពុងបញ្ចេញកម្លាំងគិតគូរ ពី”លំនៅឋាន” ជូនជនរួមជាតិខ្មែរផងដែរ។

បងថាច់វ៉ូវថាញ់ នៅភូមិថើយថ្វឹង B ទីប្រជុំជនថើយឡាយ ស្រុកថើយឡាយ គំពុងលាបពណ៌ផ្ទះថ្មី។

* រីករាយជាមួយលំនៅឋានដែលប៉ងប្រាថ្នា

ខុសស្រឡះពីបរិយាកាសមមាញឹកទទួលស្វាគមន៍បុណ្យចូលឆ្នាំថ្មីវៀតណាម គីហើយ ២០១៩ ប្តីប្រពន្ធបងថាច់វ៉ូវថាញ់ នៅភូមិថើយ ធ្វឹងB ទីប្រជុំជនថើយឡាយ ស្រុកថើយឡាយ កំពុងផ្ចិតផ្ចង់លាបពណ៌ផ្ទះថ្មី។ ប្តីប្រពន្ធគាត់ជ្រើសពណ៌បៃតងជាពណ៌សំខាន់ ពីព្រោះតាមប្រសាសន៍របស់គាត់ ៖ ពណ៌បៃតងសម្តែងពីភាពជឿជាក់នៅអនាគតនឹងមានភាពល្អប្រសើរ ! គាត់បានរៀបការរួច ចេញនៅដោយឡែកបាន១៦ឆ្នាំ។ ផ្ទះប្រក់ស័ង្កសី ជញ្ជាំងបាំងស្លឹក សសរឈើ បានផ្សារភ្ជាប់នឹងប្តីប្រពន្ធគាត់តាំងពីដើមរហូតមក។ គ្រួសារក្រីក្រ គ្មានដីបង្កបង្កើនផល ពីរនាក់ប្តីប្រពន្ធបងតែងដើរធ្វើការឈ្នួល។ល។ ទោះបីខិតខំធ្វើការ ក៏ជីវភាពនៅតែខ្វះមុខខ្វះក្រោយ ពីព្រោះប្រពន្ធកើតកូន២នាក់ជាបន្តបន្ទាប់។ “ប្តីប្រពន្ធខ្ញុំធ្វើការតាមវេន ហេតុនោះពេលទៅធ្វើការនៅពេលវេនយប់ ចួនត្រង់ភ្លៀងខ្យល់ខ្លាំងបារម្ភខ្លាចផ្ទះរលំ ក្នុងចិត្តចេះតែអន្ទះសា បន់ឲ្យតែឆាប់ភ្លឺ ដើម្បីបានមកផ្ទះជួបមុខកូន។ល។ រួចបានរដ្ឋអំណាចពិនិត្យជម្រើសសង់ផ្ទះមហាសាមគ្គីជូន ពេលទៅធ្វើការម្តងៗ ខ្ញុំតែងទន្ទឹងពេលវេលាឲ្យកន្លងទៅឆាប់ៗដើម្បីមកផ្ទះជួយ បងប្អូនសង់ផ្ទះ។ ពេលសង់ផ្ទះរួចរាល់ ខ្ញុំទន្ទឹងវិលមកផ្ទះជួបជុំប្រពន្ធកូន ទទួលទានបាយក្នុងផ្ទះថ្មីដែលប៉ងប្រាថ្នា”-បងវ៉ូវថាញ់ ឲ្យដឹងដូច្នេះ។

អ្នកមីងថាច់ធីសុវណ្ណ នៅភូមិថើយត្រឿង១ ឃុំថើយស្វឹង ស្រុកកើ-ដ ឈានចូលដល់អាយុ៦០ឆ្នាំ។ មីងថាច់ធីសុវណ្ណ សំណេះសំណាល៖ បើសិនបានជ្រើសពេលវេលាដែលគាត់សប្បាយ និងសុភមង្គលបំផុតក្នុងឆាកជីវិតគឺគាត់ជ្រើសឆ្នាំ២០១៨។ ដ្បិតអី ក្រោយពីច្រើនឆ្នាំក្រលំ បាក នឿយហត់ គ្រួសារគាត់ក៏បានចាកផុតពីភាពក្រីក្រ។ ពិសេសជាងទៀត គាត់បានភូមិភាគជ្រើសសង់ផ្ទះមហាសាមគ្គីជូននៅចុងឆ្នាំ២០១៨។ អ្នកមីងសុវណ្ណ ឲ្យដឹង៖ “តាំងពីជំនាន់តាយាយរហូតដល់ម្តាយឪពុករបស់ប្តី ប្រពន្ធខ្ញុំ មិនទាន់សង់បានផ្ទះសម្បែងត្រឹមត្រូវទេ។ ដោយសារបានរដ្ឋឲ្យបុលទុនចិញ្ចឹមជ្រូក រួចសង់ផ្ទះឥដ្ឋ១ខ្នងជូនទៀត ខ្ញុំត្រេកអរខ្លាំងណាស់! ឥឡូវពេលភ្ញាក់ពីដំណេកនៅកណ្ដាលអធ្រាត្រម្តងៗ ដឹងថាខ្លួនកំពុងនៅក្នុងផ្ទះសមរម្យ ប៉ុន្តែបែរជាស្មានថាខ្លួនកំពុងតែដេកយល់សប្តិ!”។

រយៈពេលកន្លង ភូមិភាគដែលមានជនរួមជាតិខ្មែររស់នៅកុះករ តែងខិតខំឧបត្ថម្ភជន រួមជាតិមាន”លំនៅឋាន”ត្រឹមត្រូវ។ តួយ៉ាង ដូច៖ កាលឆ្នាំ២០១៨ ស្រុកកើ-ដ បានពិនិត្យផ្ដល់ដីនិងសង់ផ្ទះមហាសាមគ្គីដល់ប្រជាជន១០៨គ្រួសារ ចូលស្នាក់នៅមណ្ឌលតាំងលំនៅសម្រាប់ជនជាតិភាគតិច ស្ថិតនៅទីប្រជុំជនកើ-ដ; ស្រុកថើយឡាយបានជួសជុលនិងសង់ផ្ទះមហាសាមគ្គីចំនួន៣៩ខ្នងជូនគ្រួសារក្រីក្រ។ល។ លោកលីវត្វឹងខឿង អនុប្រធានការិយាល័យជនជាតិស្រុកថើយឡាយ ឲ្យដឹង៖ “ចំពោះគ្រួសារជនរួមជាតិខ្មែរ ជីវភាពនៅជួបលំបាកច្រើន។ ហេតុនោះ មានលំនៅឋានលំនឹងគឺជាក្តីប្រាថ្នាយ៉ាងធំធេងរបស់ជនរួមជាតិ។ មានផ្ទះមហាសាមគ្គីបានផ្តល់ជាកម្លាំងចលករបន្ថែម ដើម្បីជនរួមជាតិខ្មែរធ្វើការរកស៊ី ឈានឡើងចាកផុតពីភាពក្រីក្រ”។

មីងថាច់ធីសុវណ្ណ នៅភូមិថើយត្រឿង១ ឃុំថើយស្វឹង ស្រុកកើ-ដ (ខាងឆ្វេង) រីករាយដោយមានផ្ទះថ្មីដូចបំណងប្រាថ្នា។

* នឹងគ្មាននៅភាពចំណាកស្រុក

គ្រួសារបងសើុងហុង នៅភូមិថើយហ្វា B ទីប្រជុំជនកើ-ដ ស្រុកកើ-ដ ព្រមជាមួយនឹងគ្រួសារខ្មែរក្រីក្រចំនួន២០ទៀត បានរដ្ឋអំណាច ពិនិត្យសង់ផ្ទះជូននៅក្នុងភូមិមិត្តភាពវៀត-កូរ៉េ កាលពីខែមេសា ឆ្នាំ២០១៨។ បងសើុងហុង ឲ្យដឹង៖ “ពីមុន អាស្រ័យស្ថានភាពលំបាក ប្តីប្រពន្ធខ្ញុំទៅធ្វើការនៅឡឹមដុង ខ្ញុំយកកូនច្បងកំពុងរៀនថ្នាក់ទី៤ទៅផ្ញើនឹងម្តាយ ឪពុកបង្កើត រីឯកូនពៅកំពុងរៀនថ្នាក់ទី១ យកទៅផ្ញើនឹងឪពុកម្តាយក្មេក។ ពីរបីខែទើបមកស្រុកម្តង។ល។ ឥឡូវមានផ្ទះសម្បែងលំនឹង ហើយ ប្តីប្រពន្ធខ្ញុំសូមចូលធ្វើការនៅមណ្ឌលឧស្សហកម្មត្រាណុក ម្ល៉ោះហើយខ្នះខ្នែងធ្វើការ ប្រិតសំចៃ។ មានផ្ទះហើយ ប្តីប្រពន្ធខ្ញុំ មិនទៅធ្វើការឆ្ងាយទៀត”។ល។ ភូមិមិត្តភាព វៀតណាម-កូរ៉េ គឺជាសំណង់ចំណុះគម្រោង ”កសាងភូមិមិត្តភាពវៀតណាម-កូរ៉េខាងត្បូង” អាស្រ័យគណៈជនជាតិសហការជាមួយនឹងសហព័ន្ធអង្គការមិត្តភាពក្រុងកឹងធើ ចលនា វិទ្យាស្ថានដោះដូរវប្បធម៌អាស៊ីកូរ៉េខាងត្បូងនៅក្រុងហូជីមិញ(ACEF)។ លោកលឿងវ៉ាន់ទ្រឺ ប្រធានគណៈជនជាតិក្រុងកឹងធើ ឲ្យដឹង៖ ពង្រីកភាពសកម្មរបស់គម្រោង “កសាងភូមិមិត្តភាពវៀតណាម-កូរ៉េខាងត្បូង” គណៈជនជាតិ បានចលនា ACEF និងកំពុងដំណើរការធ្វើបែបបទអនុវត្តដំណាក់កាល២៖ សង់ផ្ទះជូនជនជាតិ ភាគតិចក្រីក្រចំនួន៣០ខ្នង នៅស្រុកកើ-ដ។ “យើងខ្ញុំសង្ឃឹមថា ជនរួមជាតិខ្មែរកាន់តែមានលំនៅឋានលំនឹងពីមួយថ្ងៃទៅមួយថ្ងៃ ដើម្បីមិនចំណាកស្រុកធ្វើការរកស៊ីចិញ្ចឹមជីវិត” លោកលឿងវ៉ាន់ទ្រឺ បានឲ្យដឹងដូច្នេះ។

ជួយជនជាតិភាគតិចនិយាយរួម ជនរួមជាតិខ្មែរនិយាយដោយឡែក មានកន្លែងស្នាក់នៅលំនឹង រយៈពេលកន្លង ក្រុងបានឧបត្ថម្ភដីធារ ផ្ទះជូនប្រជាជនបានជាង២១៧គ្រួសារ។ ឆ្លងតាមរយៈនោះ មានប្រជាជន៨៦គ្រួសារបានឧបត្ថម្ភដីធារផ្ទះរាយប៉ាយ ប្រជាជន៦គ្រួសាររៀបចំចូលនៅតំបន់តាំងទីលំនៅឡើងវិញ ជាមួយថវិកាជាង១ពាន់លានដុង។ ចំណែកគ្រួសារ១២៥ទៀត បានរៀបចំចូលនៅមណ្ឌល តាំងទីលំនៅសម្រាប់ជនរួមជាតិភាគតិចក្រីក្រ នៅស្រុកកើ-ដ វិញថាញ់ និងខណ្ឌអូរម៉ូង សរុបផ្ទៃដីនៃតំបន់តាំងទីលំនៅទាំងអស់ជាង២៨,៥ ពាន់ម៉ែត្រការ៉េ ថវិកាអនុវត្តជាង២៩,៥ពាន់លានដុង។

ក្រុងកឹងធើខិតខំរហូតដល់ឆ្នាំ២០២០ ជន រួមជាតិភាគតិច១០០%មានដីធារផ្ទះ លំនៅឋានលំនឹង គ្មាននៅផ្ទះបណ្ដោះអាសន្ន។ “ក្រុងនឹងបន្តខិតខំចលនាសង្គម រួមគ្នាព្រួតដៃកសាង ផ្ទះមហាសាមគ្គីជូនជនជាតិភាគតិចនិយាយរួម ជនជាតិខ្មែរនិយាយដោយឡែក។ សង្ឃឹមថា ក្រុងនឹងសម្រេចបានទិសដៅដាក់ចេញ ដើម្បីរួមចំណែកជួយជនរួមជាតិជាសន្សឹមៗអភិវឌ្ឍសេដ្ឋកិច្ច លំនឹងជីវភាព។ ពីព្រោះ មានលំនៅឋានលំនឹង ទើបស្ងប់អារម្មណ៍ធ្វើការរកស៊ី”- លោកលឿងវ៉ាន់ទ្រឺ ឲ្យដឹងដូច្នេះ៕

ហាត្រេវ

ចែករំលែកអត្ថបទ

ពាក្យគន្លឹះ