ព្រឹត្តិការណ៍ - នយោបាយ នយោបាយ

20/11/2018 - 16:26

សមមិត្តង្វៀនថៀនញ៉ឹង អញ្ជើញចូលរួមទិវាមហាសាមគ្គីទូទាំង ជនជាតិនៅវត្តរាជមល្ល

ព្រឹកថ្ងៃ១១ ខែវិច្ឆិកា សមមិត្តង្វៀនថៀនញ៉ឹង សមាជិកការិយាល័យនយោបាយ លេខាគណៈកម្មាធិការបក្សក្រុងហូជីមិញ បានអញ្ជើញចូលរួមទិវាមហាសាមគ្គីទូទាំង ជនជាតិនៅភូមិរាជមល្ល ឃុំគីមហ្វា ស្រុកកូវង៉ាង ខេត្តត្រាវិញ។

សមមិត្តង្វៀនថៀនញ៉ឹង (ខាងឆ្វេងដៃ) ជូនអំណោយដល់គ្រួសារក្រីក្រ។

ភូមិរាជមល្ល មានប្រជាជនរស់នៅ៤៧១គ្រួសារ ដោយមានចំនួនមនុស្សសរុប១.៨៧៩នាក់ ក្នុងនោះជនរួមជាតិខ្មែរស្រូបអត្រា៧០%។ ប៉ុន្មានឆ្នាំកន្លង ប្រជាជនក្នុងភូមិតែងខ្នះខ្នែងអនុវត្តនូវរាល់ការចលនា កសាងជីវភាពវប្បធម៌នៅមណ្ឌលតាំងទីលំនៅ និងការចលនាប្រឡងប្រណាំង អាស្រ័យ រណសិរ្សមាតុភូមិវៀតណាមស្រុកបំផុសឡើង។ប្រជាជនអនុវត្តវិទ្យាសាស្រ្តបច្ចេកទេសទៅក្នុងការផលិត កសាងទម្រង់ផលិតកម្មច្រើនរបៀប។ បច្ចុប្បន្ន ក្នុងភូមិទាំងមូលមានគ្រួសារប្រជាជនប្រើប្រាស់អគ្គិសនី និងទឹកស្អាត៩៨,៦%។ កុមារគ្រប់អាយុបានចូលរៀន១០០%។ កុមារអាយុក្រោម១ឆ្នាំបានចាក់វ៉ាក់សាំងបង្ការ១០០%។ សន្តិសុខនយោបាយ សណ្ដាប់ធ្នាប់ សុវត្ថិភាពសង្គមត្រូវបានពង្រឹង គ្មានកើតមានបាបគ្រោះសង្គម ពេស្យាចារ។ រាល់គោលនយោបាយ ចំពោះអ្នកក្រ អ្នកមានសគុណចំពោះបដិវត្តន៍ត្រូវបានយកចិត្តទុកដាក់អនុវត្តល្អ។

មានប្រសាសន៍ក្នុងទិវានេះ សមមិត្តង្វៀនថៀនញ៉ឹង បានស្ងើចសរសើរចំពោះស្នាដៃ ដែលសាខាបក្ស រដ្ឋអំណាចនិងប្រជាជនភូមិ រាជមល្ល សម្រេចបានក្នុងការពង្រីកស្មារតី សាមគ្គី រួមគ្នាកសាងសម្រេចជោគជ័យភូមិវប្បធម៌-ជនបទថ្មី ពិសេសគឺការបង្វែររចនា សម្ព័ន្ធផលិតកម្ម ជម្រុញការអភិវឌ្ឍសេដ្ឋកិច្ច។ ទន្ទឹមនឹងនោះ សមមិត្តសំណុំពរដល់ថ្នាក់ដឹកនាំខេត្ត គប្បីយកចិត្តជាងទៀតដល់ជីវភាពគ្រួសារក្រីក្រ។ អនុវត្តកម្មវិធីទិសដៅជាតិអំពីការកសាងជនបទថ្មី ជម្រុញការងារផ្សព្វផ្សាយ ចលនារបស់គណៈកម្មាធិការបក្ស រដ្ឋអំណាច គណៈកម្មការការងាររណសិរ្ស និងអង្គការមហាជននានា អនុវត្តល្អការបំផុសចលនាឧបត្ថម្ភគ្នាអភិវឌ្ឍន៍សេដ្ឋកិច្ច កាត់បន្ថយភាពក្រីក្រប្រកបដោយចីរភាព។

ស្របក្នុងឱកាសនេះដែរ សមមិត្តង្វៀនថៀនញ៉ឹង បានជូនអំណោយដល់ប្រជាជន ក្រីក្រ១៥៣គ្រួសារនៅឃុំគីមហ្វា៕

សឺនម៉ាល័យ-ពេជ្រសឿន

ចែករំលែកអត្ថបទ

ពាក្យគន្លឹះ