ព្រឹត្តិការណ៍ - នយោបាយ នយោបាយ

30/10/2018 - 09:03

អគ្គលេខា ង្វៀនភូត្រុង ជាប់ឆ្នោតកាន់តំណែងប្រធានរដ្ឋ

អគ្គលេខា ប្រធានរដ្ឋ ង្វៀនភូត្រុង ធ្វើសច្ចាប្រណិធានចូលកាន់តំណែងនៅចំពោះមុខរដ្ឋសភា ជនរួមជាតិនិងម្ចាស់ឆ្នោតទូទាំងប្រទេស។

បន្តអនុវត្តកម្មវិធីសម័យប្រជុំលើកទី៦ រដ្ឋសភានីតិកាលXIV នៅរសៀលថ្ងៃ២៣ ខែតុលា ចំពោះមុខរដ្ឋសភា ប្រធានគណៈកម្មការរាប់សន្លឹកឆ្នោត ប៊ូយវ៉ាន់កឿង ប្រកាសលទ្ធផលបោះឆ្នោតតែងតាំងប្រធានរដ្ឋ។ តាមនោះ មានសមាជិករដ្ឋសភា៩៩,៧៩% បានបោះឆ្នោតតែងតាំងអគ្គលេខា ង្វៀនភូត្រុង កាន់តំណែងប្រធានរដ្ឋនៃសាធារណរដ្ឋសង្គមនិយមវៀតណាម អាណត្តិកាល២០១៦-២០២០។

ក្រោយពីអគ្គលេខាធិការនៃរដ្ឋសភា ង្វៀនហាញ់ភុក អានពង្រាងសេចក្តីសម្រេចបោះ ឆ្នោតតែងតាំងប្រធានរដ្ឋ រដ្ឋសភាបានអនុម័តលើសេចក្តីសម្រេចបោះឆ្នោតតែងតាំងប្រធានរដ្ឋ។ បន្ទាប់ពីនោះ ប្រធានរដ្ឋថ្មី ង្វៀនភូត្រុង ប្រារព្ធពិធីធ្វើសច្ចាប្រណិធាន ចូលកាន់តំណែង។ លោកមានប្រសាសន៍៖ "ចំពោះមុខទង់ក្រហមដ៏ពិសិដ្ឋរបស់ជាតិ ចំពោះមុខរដ្ឋសភា ជនរួមជាតិនិងម្ចាស់ឆ្នោតទូទាំងប្រទេស ខ្ញុំ ង្វៀនភូត្រុង ប្រធានរដ្ឋនៃសាធារណរដ្ឋសង្គមនិយមវៀតណាម សូមសច្ចាប្រណិធាន៖ ដាច់ខាតស្មោះត្រង់ចំពោះមាតុភូមិ ប្រជាជននិងរដ្ឋធម្មនុញ្ញនៃសាធារណរដ្ឋសង្គមនិយមវៀតណាម ប្រឹងប្រែងអស់ពីកម្លាំងកាយកម្លាំងចិត្ត សម្រេចភារកិច្ចបានល្អដែលបក្ស រដ្ឋ និងប្រជាជនប្រគល់ឲ្យ"៕

យោង៖ http://baochinhphu.vn-វិមាន

ចែករំលែកអត្ថបទ

ពាក្យគន្លឹះ