គោលនយោបាយ -ការរស់នៅ គោលនយោបាយ

22/05/2018 - 16:34

កសិករបរិច្ចាគដីធ្វើផ្លូវជនបទ

ពង្រីកតួនាទីផែនមហាសាមគ្គីទូទាំងជនជាតិ រណសិរ្សមាតុភូមិឃុំភឿកហាវ ស្រុកចូវថាញ់ ខេត្តត្រាវិញ បានបង្កើនការចលនាប្រជាជនគ្រប់ជាន់ស្រទាប់ អនុវត្តនូវចលនាប្រឡងប្រណាំងស្នេហាជាតិ។

ដងផ្លូវគមនាគមន៍ជនបទភូមិដៃទទឹងឃុំតឹបង៉ាយ។

ផ្លូវដី ផ្លូវដានតូចល្មមតែយានជំនិះរត់ទៅមកបានតែមួយគ្រឿងប៉ុណ្ណោះ ឥឡូវនេះ បានផ្លាស់ប្តូរដោយផ្លូវកៅស៊ូ ផ្លូវបេតុងធំទូលាយពី៣ដល់៤ម៉ែត្រ។ នោះក៏អាស្រ័យដោយការរួមកម្លាំងកាយ កម្លាំងទ្រព្យរបស់កសិករស្ម័គ្រចិត្តបរិច្ចាគដីធ្វើផ្លូវរួមចំណែកធ្វើឲ្យផ្លាស់ប្តូរមុខមាត់ជនបទថ្មី។

ជាកសិករកាយដីញីភក់ អស់ពីចិត្តពីថ្លើម មិនខ្លាចនឿយហាត់និងដឹងច្បាស់ពីតម្លៃនៃដីធ្លី។ ប៉ុន្តែពួកគាត់តែងធ្វើគំរូក្នុងការចលនារបស់ភូមិភាគ-នោះគឺការឲ្យដឹងរបស់លោកថាច់រ៉ុង លេខាសាខាបក្សនិងជាប្រធានភូមិដៃទទឹង ឃុំតឹបង៉ាយ ស្រុកទីវកឹងខេត្តត្រាវិញ សម្រាប់ជូនមាមីងក្នុងភូមិ។ ពីមុនអាស្រ័យផ្លូវចង្អៀត រដូវភ្លៀងភក់ជ្រាំម៉្លោះហើយប្រជាជនជួបលំបាកខ្លាំងក្នុងការធ្វើដំណើរទៅមក។ ការកសាងហេដ្ឋារចនាសម្ព័ន្ធផ្លូវគមនាគមន៍ពិតជាមានសារៈសំខាន់ ជាគំនាស់រួមចំណែកជំរុញការអភិវឌ្ឍសេដ្ឋកិច្ច-សង្គម លើកស្ទួយជីវភាពប្រជាជនឈានដល់ការកសាងសម្រេចភូមិវប្បធម៌ជនបទថ្មី។ ជាមួយគោលលំនាំ “រដ្ឋ និងប្រជាជនរួមគ្នាធ្វើ” ពេលឃុំមានគោលការណ៍ចលនាប្រជាជនបរិច្ចាគដីធ្វើផ្លូវ លោកថាច់រ៉ុង តែងស៊ូទ្រាំហាលភ្លៀងហាលក្ដៅប្ដេជ្ញាចិត្តចុះទៅតាមផ្ទះដើម្បីចលនាមាមីងបរិច្ចាគដីធ្វើផ្លូវ ជួយប្រជាជនងាយស្រួលក្នុងការធ្វើដំណើរទៅមក។

យល់បានពីផលប្រយោជន៍ជាក់ស្ដែងយូរអង្វែងក្នុងការកសាងផ្លូវគមនាគមន៍ជនបទ ។ គ្រួសារជាច្រើនបានស្ម័គ្រចិត្តបរិច្ចាគដីរាប់សិបម៉ែត្រការ៉េ ដោយមិនគិតពីផលប្រ យោជន៍អ្វីទាំងអស់។ ជួបជាមួយនឹងយើងខ្ញុំ លោកថាច់រ៉ុង ឲ្យដឹង៖ “មុនដំបូងទៅចលនាមានការលំបាកណាស់ មានគ្រួសារមួយចំនួនមិនយល់ស្របប៉ុន្តែក្រោយមកក៏យល់ពីគោលបំណង អត្ថន័យសារៈសំខាន់ក្នុងការកសាងផ្លូវគមនាគមន៍ជនបទទើបមាមីងព្រមបរិច្ចាគដីមួយចំណែករបស់ខ្លួនដើម្បីធ្វើផ្លូវ។ ក្នុងនោះ មានគ្រួសារលោកថាច់សាញ់ គ្រួសារអ្នកមីងសឺនធីជា និងគ្រួសារលោកសឺនខេជាគ្រួសារស្ម័គ្រចិត្តបរិច្ចាគដីច្រើនជាងគេក្នុងការចលនាកសាងជនបទថ្មីរបស់ភូមិ”។ ដោយការស្របគំនិតសាមគ្គីរួមកម្លាំងរបស់ប្រជាជននិងការខិតខំរបស់រដ្ឋអំណាច ភូមិភាគមិនត្រឹមតែមានផ្លូវគមនាគមន៍តភ្ជាប់ពីភូមិមួយទៅដល់ភូមិមួយដោយមានប្រវែងជាង៤ គីឡូម៉ែត្រប៉ុណ្ណោះទេ ថែមទាំងមានផ្លូវគមនាគមន៍ផ្សេងៗទៀតនៅក្នុងភូមិ នេះក៏បានក្រាលកៅស៊ូបេតុងរួចរាល់ គ្មាននៅស្ថានភាពប្រជាជន សិស្សានុសិស្សលុយភក់ល្បាប់នារដូវភ្លៀងយានជំនិះរត់ដល់ផ្ទះ ស្រែចម្ការ ជីវភាពសេដ្ឋកិច្ចក៏រីកចម្រើនផងដែរ ជាជំហានជួយប្រជាជនបង្កើនការយល់ដឹង ឈានឡើងធ្វើមានធ្វើបានកាត់បន្ថយភាពក្រីក្រ។ នេះជាលទ្ធផលនៃការព្រមព្រៀង “ឆន្ទៈបក្ស ទឹកចិត្តប្រជាជន” ជាស្នូលសាមគ្គីព្រួតដៃជាមួយឃុំតឹបង៉ាយ បង្កើនប្រសិទ្ធភាពជនបទថ្មី ប្ដេជ្ញាចិត្តរក្សាកិត្តិនាមភូមិវប្បធម៌៕

ដាវ៉ី-ទីទុយ

ចែករំលែកអត្ថបទ

ពាក្យគន្លឹះ