ព្រឹត្តិការណ៍ - នយោបាយ ព្រឹត្តិការណ៍

27/08/2026 - 19:43

ទីក្រុងកឹងធើដាក់ចេញលក្ខន្តិកៈចាត់បញ្ជូន ប្តូរកន្លែងបំពេញការងាររបស់គ្រូបង្រៀននៅតាមគ្រឹះស្ថានអប់រំរដ្ឋ

(អ.ឡ) - គណៈកម្មាធិការប្រជាជនទីក្រុងកឹងធើ ទើបតែចេញសេចក្តីសម្រេចលេខ៨៦/២០២៦/QĐ-UBND ដាក់ចេញលក្ខន្តិកៈចាត់បញ្ជូន ប្តូរកន្លែងបំពេញការងាររបស់គ្រូបង្រៀនតាមគ្រឹះស្ថានអប់រំរដ្ឋនៅលើភូមិឋានទីក្រុង។

ម៉ោងសកម្មភាពក្រៅកម្មវិធីសិក្សារបស់សិស្សសាលាអនុវិទ្យាល័យនិងវិទ្យាល័យលឿងថេវិញ នៅឃុំហ្វាអាង។

តាមនោះ មុខសញ្ញាចាត់បញ្ជូនរួមមានករណីដូចខាងក្រោម៖

- គ្រូបង្រៀនស្ថិតក្នុងបញ្ជីក្របខ័ណ្ឌដែលសេសសល់ នៅពេលអនុវត្តការរៀបចំសម្រិតសម្រាំងឡើងវិញគ្រឹះស្ថានអប់រំ ឬដោយសារការប្រែប្រួលអំពីទ្រង់ទ្រាយថ្នាក់រៀន មុខវិជ្ជាសិក្សា មុខជំនាញ មុខវិជ្ជាជីវៈបណ្តុះបណ្តាល;

- គ្រូបង្រៀនមានបំណងបានចាត់បញ្ជូនទៅបំពេញការងារនៅតំបន់ជនជាតិភាគតិច តំបន់ភ្នំ ព្រំដែន កោះនិងតំបន់មានលក្ខណះសេដ្ឋកិច្ច-សង្គមលំបាកខ្លាំង;

- គ្រូបង្រៀនដែលបញ្ចប់រយៈពេលបានចាត់បញ្ជូនទៅបំពេញការងារនៅតំបន់ជនជាតិភាគតិច តំបន់ភ្នំ ព្រំដែន កោះនិងតំបន់មានលក្ខណះសេដ្ឋកិច្ច-សង្គមលំបាកខ្លាំង តាមសេចក្តីសម្រេចចាត់បញ្ជូនរបស់ស្ថាប័នមានសមត្ថកិច្ច;

- គ្រូបង្រៀនមានសមត្ថភាពមុខជំនាញ វិជ្ជាជីវៈល្អ មានបទពិសោធន៍ច្រើនក្នុងការបង្រៀន អប់រំឬគ្រប់គ្រង មានសមត្ថភាពជំនួយការលើកកម្ពស់គុណភាពសម្រាប់គ្រឹះស្ថានអប់រំ ឬជំនួយការជំនាញសម្រាប់ស្ថាប័នគ្រប់គ្រងអប់រំ;

- គ្រូបង្រៀនដែលបានរៀបគម្រោងឬបានតែងតាំងមុខតំណែងជាកម្មាភិបាលគ្រប់គ្រងគ្រឹះស្ថានអប់រំបានចាត់បញ្ជូនដើម្បីចាត់ចែង រៀបចំកងជួរឱ្យសមស្របទៅនឹងតម្រូវការភារកិច្ច ឬសំដៅធានាមិនកាន់មុខតំណែងលើសពីរយៈពេលកំណត់តាមបទបញ្ញត្តិច្បាប់នៃមុខជំនាញ;

- គ្រូបង្រៀនមិនស្ថិតក្នុងករណីខាងលើ ត្រូវបានស្ថាប័នមានសមត្ថកិច្ចចាត់បញ្ជូនមានរយៈពេលកំណត់ ដើម្បីជំនួយការដល់គ្រឹះស្ថានអប់រំកំពុងខ្វះគ្រូបង្រៀន ឬឆ្លើយតបតម្រូវការ ភារកិច្ចមុខជំនាញរបស់ស្ថាប័នគ្រប់គ្រងអប់រំ។

តាមសេចក្តីសម្រេចនេះដែរ មានករណីមិនអនុវត្តការចាត់បញ្ជូនចំពោះគ្រូបង្រៀនស្រ្តីកំពុងមានផ្ទៃពោះ ឬចិញ្ចឹមកូនក្រោម៣៦ខែ; គ្រូបង្រៀនមានលក្ខណៈសេដកិច្ចគ្រួសារលំបាកខ្លាំង; គ្រូបង្រៀនមានប្រព័ន្ធឬប្តីបានចាត់បញ្ជូនទៅបំពេញភារកិច្ច បញ្ជូនឬចាត់តាំងឱ្យបំពេញភារកិច្ចនៅតំបន់ជនជាតិភាគតិច តំបន់ឆ្នេរខ្សាច់ ឆ្នេរសមុទ្រនិងតំបន់មានលក្ខណៈសេដ្ឋកិច្ច-សង្គមលំបាកខ្លាំង (ការចាត់បញ្ជូនគ្រូបង្រៀននៅតែអនុវត្តចំពោះមុខសញ្ញាកំណត់នៅក្នុងប្រការនេះ ប្រសិនបើគ្រូបង្រៀនមានបំណងបានចាត់បញ្ជូន)។

ចំពោះពេលវេលាចាត់បញ្ជូន ចំពោះគ្រូបង្រៀនកាន់មុខតំណែងជាកម្មាភិបាលគ្រប់គ្រង អនុវត្តតាមតម្រូវការរបស់ថ្នាក់មានសមត្ថកិច្ច។ ចំពោះគ្រូបង្រៀនមិនកាន់មុខតំណែងគ្រប់គ្រង៖ តាមកាលកំណត់អនុវត្តមុនថ្ងៃទី១ ខែកញ្ញា ជារៀងរាល់ឆ្នាំ (ករណីមានតម្រូវការភ្លាមៗ អនុវត្តនៅពេលមានតម្រូវការ)។

ចំពោះការប្តូរកន្លែងបំពេញការងាររបស់គ្រូបង្រៀន មុខសញ្ញាត្រូវប្តូររួមមាន៖ គ្រូបង្រៀន គ្រូបង្រៀនកាន់មុខតំណែងជាកម្មាភិបាលគ្រប់គ្រងគ្រឹះស្ថានអប់រំនៅតាមគ្រឹះស្ថានអប់រំរដ្ឋមានបំណងប្តូរកន្លែងបំពេញការងារ។ ករណីមិនត្រូវប្តូររួមមាន៖ គ្រូបង្រៀនកំពុងស្ថិតក្នុងរយៈពេលត្រូវពិនិត្យ ចាត់ការតាមផ្លូវច្បាប់; កំពុងត្រូវពិនិត្យ ផ្ទៀងផ្ទាត់ ត្រួតពិនិត្យ ស៊ើបអង្កេត ចោទប្រកាន់ វិនិច្ឆ័យតាមច្បាប់; គ្រូបង្រៀនមិនទាន់គ្រប់៣ឆ្នាំបំពេញការងារគិតចាប់ពីថ្ងៃត្រូវជ្រើសរើសធ្វើជាគ្រូបង្រៀន លើកលែងតែករណីស្ម័គ្រចិត្តប្តូរកន្លែងបំពេញការងារទៅគ្រឹះស្ថានអប់រំនៅតំបន់ជនជាតិភាគតិច តំបន់ភ្នំ ព្រំដែន កោះនិងតំបន់មានលក្ខណះសេដ្ឋកិច្ច-សង្គមលំបាកខ្លាំង៕

ក្វឹកថាយ - សុផន

ចែករំលែកអត្ថបទ

ពាក្យគន្លឹះ